Japyraqtar túsip jatyr,
Túsip jatyr...
Nelikten?!
Aırylyp bara jatyr aǵash bitken kórikten.
Kórgensiz de,
Júgensiz de,
Kúzdiń buzyq borany,
Bala-baqtyń, dala-qarttyń,
Shashyn tútip jelikken.
Japyraqtar ushyp jatyr,
Túsip jatyr,
Aıaýly-aq...
Emin-erkin tapap kelem,
Keship kelem jaıaýlap.
Syıdym-syıdym butaqtary.
Jebesindeı sadaqtyń,
Meni kózdep tur ma deımin,
Tunjyraǵan oıaý-baq...

---