![UQSHU-nyń ydyraý prosesi bastaldy](http://infohub.kz/uploads/thumbnail/20240312210917265_big.jpg)
- 12 naý. 2024 21:09
- 1501
Kerimsal Jubatqanov, tarıh ǵylymdarynyń kandıdaty, Qazaq - Orys Halyqaralyq Ýnıversıtetiniń dosenti
UQSHU-nyń ydyraý prosesi bastaldy
Armenıav basshysy Nıkol Pashınán eliniń NATO-nyń reseılik analogy – UQSHU-dan shyǵatynyn málimdedi.Armenıa Máskeýge últımatým qoıyp, Ujymdyq qaýipsizdik sharty uıymynan (UQSHU) shyǵamyz dep qorqytty.Talaptardy premer-mınıstr Nıkol Pashınán aıtty.
Pashınán Armenıanyń UQSHU-ǵa qatysýynyń toqtatylǵanyn rastap, el ókiliniń uıymnan shaqyrtylyp alynǵanyn, al armándardyń da jınalystar men kezdesýlerge qatyspaıtynyn atap ótti.
«Qazir biz UQSHU-daǵy qurmetti áriptesterimizden Armenıadaǵy UQSHU-nyń jaýapkershilik salasy qandaı degen suraqqa jaýap berýin kútemiz jáne talap etemiz», - dedi Pashınán. Ol uıym Armenıany qandaı shekarada qorǵaýǵa daıyn jáne múlde daıyn ba degen suraqqa jaýap bergisi kelmeıtinin túsindirdi.
Pashınán eger UQSHU Ázirbaıjanmen qaqtyǵystarynda Armenıanyń múddesin elemeıtin bolsa, bul el bul uıymǵa múshelikten bas tartatynyn ashyq aıtty. «Áıtpese, Armenıa Respýblıkasy UQSHU-dan shyǵady», - dedi premer-mınıstr. Biraq merzimderin aıtýǵa Pashınánnyń batyly barmady.
Reseılik sarapshy El Mıýrıd (Anatolıı Nesmııan) Armenıanyń UQSHU-dan shyǵýy qazirdiń ózinde sózsiz degen pikir bildirdi. Erevan uıymnan shyǵý múmkindigin kútip otyr. Bul reseılik blok óziniń tolyq dármensizdigin kórsetkendikten, basqa elder de ony artta qaldyra bastaıdy deýge negiz bar.
«Shamasy, Armenıa UQSHU-dan shyǵý týraly sheshim qabyldanyp qoıǵan sıaqty. Barlyq másele bul sheshimdi qandaı da bir túrde resimdeý jáne oǵan senimdi sebep jasaý.Másele basqa: UQSHU úshin bul bir rettik oqıǵa bolady nemese basqa elder de shyǵý nemese taratý máselesin kóteredi», - dep jazdy reseılik sarapshy.