اكەڭ تىك ءمۇيىز بە ەدى، جانتىق ءمۇيىز بە ەدى
ءبىر باي بوراندا جىلقى جايىپ ءجۇرىپ ءۇسىپ ءولىپتى. ءبىراق ونى ەشكىم بىلمەسە كەرەك. بايدىڭ بالالارى:
— اكەمىزدى ولتىرگەن ادامنان قۇن الامىز، — دەپ ەلگە جار سالادى.
ءبىر كۇنى قوجا ولگەن بايدى دالادان تاۋىپ الىپ، قاپقا سالىپ ۇيىنە اكەلەدى. قاپتى كەرەگەگە سۇيەپ قويادى دا، ايەلىنە:
— مەن بارىپ بايدىڭ بالالارىن ەرتىپ كەلەيىن، اكەسىنىڭ سۇيەگىن الىپ كەتسىن، — دەيدى.
قوجا كەتكەن سوڭ ايەلى «مىنا بايعۇس ءبىر پالەگە ۇشىراعالى ءجۇر ەكەن» دەپ، بايدىڭ سۇيەگىن دالاعا اپارىپ كومەدى دە، ءبىر ەشكىسىن باۋىزداپ، قاپقا سالىپ قويادى. كوپ كەشىكپەي بايدىڭ ءبىر بالاسىن ەرتىپ قوجا كەلەدى.
— سەن سىرتتا تۇرا تۇر، اكەڭ ۇيدە، مەن الىپ شىعايىن، — دەپ قوجا ۇيىنە كىرىپ كەتەدى. ىلە-شالا قايتا شىعىپ: — سەنىڭ اكەڭ تىك ءمۇيىز بە ەدى، جانتىق ءمۇيىز بە ەدى؟ — دەپ سۇرايدى. مىرزا قاپتاعى ەشكىنى كورىپ:
— مىنا قوجا جىندانعان بولار، ەشكى ادامنىڭ اكەسى بولعاندى كىم كورگەن، — دەپ اۋلىنا قايتىپ كەتسە كەرەك.
You Might Also Like
-
بىردە قوجا دا ءتۇس كورەدى. تۇسىندە تەرەڭ سۋعا قۇلاپ تۇسسە كەرەك. سۋعا ءبىر باتىپ، ءبىر شىعىپ اعىپ بارا جاتىپ، ويانىپ كەتەدى دە:
-
ءبىر كۇنى قوجا مەن جولداسى ەكەۋى بازاردى ارالاپ كەلە جاتىپ، قىزىل شەكە بولىپ، توبەلەسىپ قالعان ەكى ادامدى كورەدى.
