InfoHub Logo

ءبىر كۇنى قوجا مەن جولداسى ەكەۋى بازاردى ارالاپ كەلە جاتىپ، قىزىل شەكە بولىپ، توبەلەسىپ قالعان ەكى ادامدى كورەدى.

جولداسى قوجاعا:

— ءجۇر، مىنالاردى اراشالايىق، — دەيدى.

قوجالار جاقىنداي بەرگەندە، توبەلەس باسىلىپ قالادى.

توبەلەسىپ جۇرگەننىڭ بىرەۋى:

— مەن بۇعان دەيىن بىلمەي ءجۇرىپپىن، سەن ناعىز سالپاڭ قۇلاق ەسەك ەكەنسىڭ عوي، — دەپتى.

— مەن ەسەك بولسام، سەن قودىقسىڭ، — دەيدى ەكىنشىسى.

سوندا قوجا جولداسىن توقتاتىپ:

— ءجۇر، اۋلاق كەتەيىك، جانجالداسىپ جۇرگەن اكەلى-بالالى كىسىلەر ەكەن، اراشاشىنىڭ قاجەتى بولا قويماس، — دەپتى.

 

---