اتىراۋدا 200 شەتەلدىك ۋنيۆەرسيتەت ءبىلىم گرانتتارىن ۇسىندى
اتىراۋدا العاش رەت شەتەلدىك «International Education Fair» جوو-نىڭ ءىرى كورمەسى وتۋدە. ەكى كۇندىك ءبىلىم كورمەسىنىڭ العاشقى كۇنىندە 2 مىڭعا جۋىق اتىراۋلىق ءبىلىم گرانتتارىمەن تانىستى.
كورمەنىڭ اشىلۋ سالتاناتىنا ق ر ءبىلىم جىنە عىلىم مينيسترلىگىنىڭ جاۋاپتى حاتشىسى ارىن ورسارييەۆ، حالىقارالىق باعدارلامالار ورتالىعىنىڭ پرەزيدەنتى جانبولات مەلدەشوۆ قاتىستى.
كورمەنىڭ ماقساتى - حالىقارالىق ءبىلىم بەرۋ جوبالارىن ىسكە اسىرۋدا تاجىريبە الماسۋ، جاستار مەن مامانداردىڭ ءبىلىم ساپاسىن ارتتىرۋ جانە حالىقارالىق ىنتىماقتاستىقتى كەڭەيتۋ.
كورمەدە 40 مەملەكەتتەن كەلگەن 200 شەتەلدىك ۋنيۆەرسيتەت وكىلدەرى 20 مىڭعا جۋىق شەتەلدىك گرانتتار ۇسىنۋدا. شاراعا اقش، ۇلىبريتانيا، ەۋروپا، ازيا جانە تمد ەلدەرى، ءتىل مەكتەپتەرى، ءبىلىم بەرۋ اگەنتتىكتەرى جانە حالىقارالىق باعدارلامالاردىڭ وكىلدەرى، سونداي-اق وقۋشىلار، ستۋدەنتتەر، اتا-انالار جانە وزگە دە شەت ەلدە ءبىلىم الۋعا نيەت بىلدىرۋشىلەر قاتىستى.
«حالىقارالىق باعدارلامالار ورتالىعى، ياعني، «بولاشاق» باعدارلاماسىنىڭ باستى اكىمشىلىگى جىل سايىن استانا، الماتى قالالارىندا حالىقارالىق ءبىلىم جارمەڭكەسىن وتكىزەدى. اتىراۋدا بۇل كورمە العاش رەت وتۋدە.
ءار ۋنيۆەرسيتەتتىڭ وزىندىك ەرەكشەلىگى، وزىندىك تالاپتارى بار. قاتىسۋشىلار وزدەرىنىڭ ءبىلىم الۋعا دەگەن قىزىعۋشىلىقتارىن كورسەتىپ، كورمە وتە جوعارى دەڭگەيدە وتۋدە. بارلىق ستۋدەنتتەردى، وقۋشىلاردى، باكالاۆر، ماگيستراتۋرا، دوكتورانتۋرا باعدارلاماسى بويىنشا شەتەلدىڭ ەڭ ۇزدىك ۋنيۆەرسيتەتتەرىنە تەگىن ءبىلىم الۋعا شاقىرامىز،- دەيدى «حالىقارالىق باعدارلامالار ورتالىعى» اق حالىقارالىق جوبالار ىسكە اسىرۋ باسقارماسىنىڭ باسشىسى ايدانا سادىبەكوۆا.
ايتا كەتەيىك، كورمەنىڭ اتىراۋداعى جۇمىستارى 13 قاراشاعا دەيىن سوزىلادى. سونىمەن قاتار، استانا قالاسىنان باستاۋ العان ءبىلىم كورمەسى 17 قاراشاعا دەيىن الماتى، شىمكەنت قالاسىندا جالعاسىن تابادى.
You Might Also Like
-
ايناجان بۇگىن اڭ-تاڭ ەدى. ءتۇسى سۇرعىلت تارتىپ، ءجۇنى جىعىلىپ، وت پەن سۋدىڭ اراسىندا تۇرعان ادام سەكىلدى. ءبىر ورىندا دايەك تۇتىپ وتىرعىسى كەلمەيدى. ءالسىن-السىن دالاعا شىعا بەرەدى. الباردىڭ الدىنداعى ...
