InfoHub Logo

اۆتوكراننىڭ ۇزارتىلعان جەبەلەرى ۇزارتىلعان جەبەنىڭ نەگىزگى جەبەدەن ايىرماشىلىعى – نەگىزگى جەبەنىڭ اجىرايتىن جەرىنە ءارقايسىسى 4 مەتردەن 1/3 نەمەسە 1/2 جانە تۇگەلدەي ءبىر سەكسيانى ورناتادى. سەكسيالاردىڭ كونسترۋكسيالارى جەبەنىڭ كونسترۋكسياسى سياقتى. ولاردىڭ ۇشىندا ديافراگمالار ورناتىلعان. ولار جەبەنىڭ ورنىقتى جۇمىس ىستەۋىنە مۇمكىندىك بەرىپ، جاعداي تۋعىزادى. سەكسيالاردى نەگىزگى جەبەگە نەمەسە نەگىزگى جەبەنىڭ ۇشىنا بۇراندالارمەن جانە ساۋساقشالارمەن قوسىلادى. ۇزارتىلعان جەبەسى بار قۇرىلعى جۇك ارقانىنىڭ قورىمەن، جەبە كوتەرگىش پوليسپاستىنىڭ ۇزىنىراق تارتقىشىمەن جانە جەبەنىڭ شىعۋىن كورسەتەتىن قۇرىلعىسىمەن ەرەكشەلەنەدى. كەيبىر كرانداردا جەبە پوليسپاستىنا ۇزارتىلعان ارقاندار قوندىرىلادى. ۇزارتىلعان جەبەسى بار كراندار نەگىزگى جەبەسى بار كراندارعا قاراعاندا جۇك كوتەرگىشى الدەقايدا از. وسىعان بايلانىستى اسپالى ىلمەكتەگى جۇك ارقانىنىڭ سىزباسى وزگەرگەن جاعدايدا شىعىرلاردىڭ سانى از قالۋى كەرەك. كەرەك ەمەس شىعىرلاردى الىپ، اسپالى ىلمەكتىڭ وسىنە ەكى تولكە قويىلادى. نەگىزگى جەبەلەردى ۇزارتۋ ءۇشىن ءتيىستى بيىكتىكتىڭ تەرەزەسىنە جىبەرەدى دە، جەبەنىڭ جوعارعى جانە تومەنگى بولىمىندەگى بەكىتۋ بولشەكتەرىن شەشەدى، ال كەيبىر جاعدايلاردا جەبەلى ارقاندار كەرىلىپ، شەشىلەدى. بولىمدەرىن ورناتقاننان كەيىن ارنايى تەسىكتەرىنە بۇراندالارىن بۇراپ، ساۋساقشالارىن كيگىزەدى. فلانەستى تۇردە قوسقاندا جەبەنىڭ وس سىزىعىنىڭ جالپى ۇزىندىعى 12 م بولعاندا 15 مم-دەن استام مايىسپاۋى ءتيىس. بۇعان جەتۋ ءۇشىن فلانەستەردىڭ قوسىلاتىن جەرلەرىنە رەتتەۋشى تىعىندار سالىپ، كەلتىرەدى. ءبىر جەرگە ۇشتەن كوپ رەتتەۋشى تىعىن سالۋعا بولمايدى. بۇرىلىستاعى قۇراستىرۋ مەن بولشەكتەۋ جۇمىسى قولايلى بولۋ ءۇشىن رەتتەۋشى تىعىنداردى بولىمگە ءپىسىرىپ بەكىتۋ قاجەت، ال فلانەستەر اراسىنا تاڭبالاۋ جۇمىسى ۇسىنىلادى.

---