![ايۋاننىڭ ەستىسى كوپ، ءبىراق ادامداي تولىق اقىلى جوق](http://infohub.kz/uploads/thumbnail/20240120175120128_big.jpg)
- 15 ناۋ. 2015 00:00
- 242
ايۋاننىڭ ەستىسى كوپ، ءبىراق ادامداي تولىق اقىلى جوق
يت ادامعا شىن دوس جانۋار. دۇنيە جۇزىندە ءيتتىڭ نەشە اتاسىنىڭ ۇلى بار: بىرەۋى قورا، بىرەۋى ءۇي كۇزەتەدى، بىرەۋى مالشى ورنىنا مال باعادى، بىرەۋى اڭ، قۇس الىپ بەرەدى، بىرەۋلەرى، ءتىپتى، ات ورنىنا جەگىلىپ تە جۇرىلەدى؛ بۇلاردىڭ ءبارىن دە ەكىنشى كىتاپتا ۋاقىتىمەن ايتارمىز.
انگليا جۇرتىنىڭ ەڭ ۇلكەن لوندون دەگەن قالاسىندا ءورت بولعان ۋاقىتتا، كۇيىپ جاتقان ءۇيدىڭ ىشىندە قالعان بالالاردى الىپ شىعۋعا ۇيرەتىلگەن يتتەر بار. سونىڭ بىرەۋى بوب دەگەن يت ون ەكى بالانى ورتتەن الىپ شىعىپتى.
ءبىر كۇنى ءبىر ءۇي جانىپ، ءورت سوندىرگىش ادامدار كەلگەن ۋاقىتتا، ءبىر قاتىن جىلاپ تۇردى، بالام جانىپ جاتقان ۇيدە قالدى دەپ. ورتشىلەر الگى بوبتى جىبەردى: بوب باسپالداقپەن ۇيگە كىرىپ، ءتۇتىن ىشىندە جوق بوپ كەتىپ، ءبىرازدان سوڭ بالانى كويلەگىنەن تىستەپ قانا الىپ كەلدى. شەشەسى قۋانىپ بالاسىن الدى، ورتشىلەر ءيتتىڭ ءورت شالعان جەرى جوق پا دەپ قاراپ تۇرعاندا، بوب ورشەلەنىپ جانعان ۇيگە قاراي تاعى ۇمتىلا بەرىپتى.
ورتشىلەر ويلادى شاماسى ۇيدە تاعى ءبىر بالا بار شىعار دەپ؛ سونىمەن بوبتى جانە قويا بەردى. ءبىرازدان سوڭ بوب، اۋىزىندا ءبىر تىستەگەنى بار، ۇيدەن جۇگىرىپ شىعا كەلدى. قاراسا، اكەلگەنى ءبىر ۇلكەن قۋىرشاق ەكەن.
ىبىراي التىنسارين
يت پەن مىسىق ادامعا قالاي ۇيرەندى؟
پولكان دەگەن يت