داستارحانعا باتا بەرۋ، اس قايىرۋ: قازاقتىڭ ەڭ جاقسى باتالار جيناعى
داستارحان باتاسى: داستارحانعا باتا بەرۋ، اس قايىرۋ
داستارحانعا باتا بەرۋ، اس قايىرۋ: قازاقتىڭ ەڭ جاقسى باتالار جيناعى
داستارحانعا باتا – قازاقتىڭ ەرتەدەن كەلە جاتقان ۇلتتىق داستۇرلەرىنىڭ ءبىرى. باتا، تىلەك اق داستارحان باسىندا، ءتۇرلى تويلاردا، جاقسىلىقتاردا ايتىلادى. سىزدەرگە تاربيەلىك ءمانى جوعارى حالقىمىزدىڭ اسىل قازىناسىنىڭ ءبىرى باتا تۋرالى مالىمەت بەرىپ، ۇزدىك باتالار توپتاماسىن ۇسىنامىز. قوناققا ءبارىمىز بارامىز، ءبىراق ءبارىمىز داستارحان باسىندا جاقسى باتا ايتا الماي جاتامىز. نە ىستەۋ كەرەك؟ ارينە داستارحانعا ارنالعان باتالاردى جاتتاۋ قاجەت!
داستارحانعا قىسقاشا باتا
داستارحانىڭ توق بولسىن،
ۋايىم-قايعى جوق بولسىن!
جاردى بولساڭ جاسىما،
باي بولساڭ، تاسىما!
باق-داۋلەت بەرسىن باسىڭا،
عۇمىر بەرسىن جاسىڭا.
بالە-جالا، جىن-شايتان،
جولاماسىن قاسىڭا!
يماننىڭ بايلىعىن بەرسىن،
قۇت-بەرەكەنىڭ ءبارى كەلسىن!
دايىن باتالار داستارحان سۋرەت فوتو
بىرلىك بەرسىن باسىڭا،
بەرەكە بەرسىن اسىڭا.
ءاۋمين
قۇداي جارىلقاسىن،
ب ا ق قاراسىن،
قىدىر دارىسىن!
ايدان امان،
جىلدان ەسەن قىلىپ،
ۇيدەگى، تۇزدەگى
مال-باستى امان قىلسىن!
ءاۋمين
داستارحانىڭ مايلى،
كوڭىلىڭ جايلى بولسىن.
ومىرىڭە نە تىلەسەڭ،
تىلەگىڭ قابىل بولسىن.
جارىلقا، قۇداي، قابىل ەت!
جارىلقاۋدىڭ قامىن ەت!
باي ەت، مامىر ەت،
باتامدى مۇستاجاپ ەت!
قۇدايدان نە تىلەسە،
سونى ءازىر ەت!
قۇداي تاعالا، مۇنىڭ اقنيەتىن
قابىل ەت! ءاۋمين!
باعا الماستاي مالدى بول!
جالشى مەنەن قۇلىڭا،
ءابۇيىر بەرسىن قىزىڭا،
داۋلەت بەرسىن ۇلىڭا!
ءاۋمين!
ءبىر قۇدايىم وڭداسىن،
وڭ جولىڭا باستاسىن!
ءۇيىڭدى ءتۇرلى اپاتتان،
قۇسا-قايعىدان ساقتاسىن!
ءۇمىت ارتقان ۇل قىزىڭ،
ەل سەنىمىن اقتاسىن!
اۋمين!
قىسقاشا قىسقا باتا داستارحانعا سۋرەت فوتو
اۋمين دەسەڭ ماعان،
قۇداي بەرسىن ساعان.
التىننان – جاعاڭ،
كۇمىستەن – تاعاڭ.
وڭ جاعىڭنان كەتپەسىن
كۇرپىلدەك قارا ساباڭ.
جورتساڭ جولىڭ بولسىن،
جولداسىڭ قىدىر بولسىن.
تىلەۋىڭ قابىل،
مۇراتىڭ اسىل بولسىن.
ىشكەنىڭ قىمىز،
جەگەنىڭ سىرباز،
كيگەنىڭ تۇلكى بولسىن،
جۇرگەن جەرىڭ ويىن-كۇلكى بولسىن!
پايدالى سىلتەمەلەر:
داستارحانعا باتالار ✍️
داستارحان باتاسى ✍️
اسقا باتا
داستارحان تۋرالى ماقال-ماتەلدەر ✍️
داستارحان تۋرالى ولەڭدەر ✍️
داستارحان تۋرالى جۇمباقتار ✍️
قوزىعا تولسىن كوگەنىڭ،
تۇلپار بولسىن كوگەنىڭ.
قۇتتى بولسىن قۇرىعىڭ،
ءسۇتتى بولسىن قۇدىعىڭ.
قياقتى بولسىن سۇڭقارىڭ،
تۇياقتى بولسىن تۇلپارىڭ.
ءورىستى بولسىن جايلاۋىڭ،
ىرىستى بولسىن قىستاۋىڭ.
ارىستانداي بولسىن ايباتىڭ،
ايۋداي بولسىن قايراتىڭ.
گۇلگە تولسىن ءوڭىرىڭ،
كوڭىلدى ءوتسىن ءومىرىڭ.
اسقا تولسىن تاباعىڭ،
اشىق بولسىن قاباعىڭ.
شايىڭ قىزىل بولسىن،
عۇمىرىڭ ۇزىن بولسىن.
نەسىبەڭ تاسا بەرسىن،
دۇشپانىڭ قاشا بەرسىن،
قۇدايىم ۇزاق عۇمىر جازا بەرسىن!
پەيىلىڭە قوناقجاي
باتا بەرەم قولىڭ جاي:
اق جارىلعان جۇرەگىڭ،
قابىل بولسىن تىلەگىڭ.
بىزگە سويدىڭ سەمىز تاي،
ءتورت تۇلىگىڭ بولسىن ساي.
ءوسىپ-ونىپ ۇرپاعىڭ،
ءتورت قيىرعا قانات جاي!
بىزگە سويدىڭ قۇلىن،
جاقسىدان بولسىن جۇعىم.
ءومىرىڭدى ۇزارتىپ،
وزىڭنەن وتە تۋسىن ۇلىڭ.
بىزگە سويدىڭ مارقانى،
الدىڭنان تارقات ارقانى.
سىيلى بولىپ ەلىڭە،
سىباعاڭدى ال تاعى.
بىزگە سويدىڭ قوي،
ۇيىڭنەن كەتپەسىن توي.
قىزىعىنا قانىپ،
ىشپەي-جەمەي توي.
بىزگە سويدىڭ توقتىنى،
ەلىڭنىڭ بۇل توقتىعى.
ابىروي الىپ ۇل-قىزىڭ،
بيىك بولسىن شوقتىعى.
دايىن باتا داستارحانعا سۋرەت فوتو
بىزگە استىڭ باس،
بەرسىن ساعان ۇزاق جاس.
اۋىزدىقتاپ اساۋدى،
اسۋدان اسۋعا اس!
بىزگە استىڭ جامباس،
جاقسىمەن بول جانداس.
ىقىلاسىڭ قابىل بوپ،
ىرىسىڭ تولماي قالماس.
بىزگە استىڭ سىباعا،
جاماندىق كورمە ءسىرا دا.
قيانات قىلما پەندەگە،
جاعامىن دەسەڭ قۇداعا.
بىزگە استىڭ قازى،
بولدىق سىزگە رازى.
اق ماي اقسىن اۋزىڭنان،
ۇزىلمەي قورىڭ قىسى-جازى.
بىزگە استىڭ جايانى،
ءومىردىڭ بولسىن بايانى.
بولساڭ دا ءتولدىڭ جىلقىسى،
جۇرتىڭنىڭ بولما ساياعى.
بىزگە استىڭ جال،
باسىڭا ءبىتسىن دۇنيە-مال.
اتا-اناڭدى ارداقتاپ،
اياق-قولىن جىلى سۋعا مال.
بىزگە استىڭ ومىرتقا،
پالە-جالاعا جولىقپا.
ءورىسىڭ باردا ورگە شاپ،
وز-وزىڭنەن تورىقپا.
بىزگە استىڭ شۇجىق،
كورگەنىڭ بولسىن قىزىق.
اققۋ-قازداي مامىرلا،
ايدىنىڭدا ءجۇزىپ.
بىزگە استىڭ جاۋىرىن،
بالانىڭ بەرسىن ءتاۋىرىن.
ىزەت كورىپ ىنىدەن،
ۇزىلمەسىن ساۋىعىڭ.
بىزگە استىڭ سۇبە،
قىرسىعىڭ جەرگە ەنسىن تۇگە!
كۇندەگەندى كۇڭىرەنتىپ،
كۇننەن-كۇنگە ۇدە.
بىزگە استىڭ ءتوس،
ۇرىم-بۇتاعىڭمەن ءوس!
جايلانىپ قون،
جازىلىپ كوش!
باتا بەرۋ، داستارحانعا باتا بەرۋ
ۋا، جاراتقان يەم قۇدىرەت
تىلەگىمدى قابىل ەت!
يمانىمدى كامىل ەت!
استارىڭىز ءدامدى بوپ،
كوڭىلدەرىڭىز جايلانسىن!
ءسىڭىمدى بولىپ اسىڭىز،
ۇرتتارىڭىز مايلانسىن!
شاڭىراققا قۇت ەنىپ،
قيىندىقتار بولماسىن!
باق-بەرەكە ءبىر كەلىپ،
قۋانىش تاپسىن جالعاسىن!
ومىرلەرىڭىز جايلى بوپ،
قاناتتارىڭىز تالماسىن!
اللا ءوزى جار بولىپ،
بار جاقسىلىق ورناسىن!
شىرايلى، شاتتىق كۇنىڭ بوپ،
ساتتىلىك تاپسىن جالعاسىن!
دەندەرىڭ ساۋ، امان بوپ،
ارۋ-سىرقاۋ بولماسىن!
ءاربىر ءۇيدى ءاردايىم،
جاراتقان يەم قولداسىن!
ءاۋمين!
شاڭىراققا باتا
ۋا، جاراتقان يەم قۇدىرەت
تىلەگىمدى قابىل ەت!
يمانىمدى كامىل ەت!
اعايىن ماعان قاراڭدار،
اسقا باتا بەرەيىن.
ءسىڭىمدى بولىپ استارىڭ،
ۇستەم بولسىن مەرەيىڭ!
كوڭىلگە شاتتىق اكەلەر،
مارجان ءسوزدى تەرەيىن.
جايىلعان بۇل داستارحان،
قۋانىشقا جايىلسىن!
داستارحاننىڭ يەسى،
اللا قولداپ بايىسىن!
امان بولىپ وتباسى،
باق-بەرەكە ورناسىن!
بالا-شاعا امان بوپ،
قاناتتارى تالماسىن!
شاڭىراقتىڭ شاتتىعى،
تابا بەرسىن جالعاسىن!
اللا ءوزى جار بولىپ،
ساتسىزدىكتەر بولماسىن!
ءار ىستەرى وڭدى بوپ،
كوڭىلدە شاتتىق ورناسىن!
اماندىق بوپ ءار ۇيدە،
قۋانىش تاپسىن ارناسىن!
داستارحان، اس: باتا بەرۋ
ۋا، جاراتقان يەم قۇدىرەت
تىلەگىمدى قابىل ەت!
يمانىمدى كامىل ەت!
اسقا باتا بەرەيىن،
قولدارىڭدى جايىڭدار!
مارجان ءسوزدى تەرەيىن،
جاراتقانىم قابىل ال!
استارىڭىز ءدامدى بولسىن،
اسقازانىڭ قابىلدار!
وسىندا وتقان كوپشىلىك،
ءار كۇننەن باقىت تابىڭدار!
باستارىڭا ب ا ق قونسىن،
قاستارىڭنان تابىلار!
كوتەرىڭكى ءسات بولسىن،
شامنان شىراق جاعىلار!
ابىرويلى ات بولسىن،
بارلىق ادام قابىلدار!
بولسىن دەيمىن سىيلاستىق،
الىس كەتسە ساعىنار!
بولسىن دەيمىن قيماستىق،
مۇڭايا قالساق قامىعار!
شاڭىراققا قۇت كەلسىن،
باق-بەرەكە تابىلار!
امان بولسىن وتباسى،
شەشىمدى ءبىر قابىلدار!
كوڭىلىمىز توق بولسىن،
قايعى-مۇڭنان ارىلار!
داستارحانعا باتا جاتتاۋ
ۋا، جاراتقان يەم قۇدىرەت
تىلەگىمدى قابىل ەت!
يمانىمدى كامىل ەت!
داستارحانىڭ مولعا جايىلسىن،
اپپاق ايران، سۇتىمەن.
بار جاقسىلىق ورناسىن تەك،
باق-بەرەكە، قۇتىمەن.
وتباسىنىڭ اماندىعىن بەرسىن،
بالا-شاعانىڭ ادالدىعىن بەرسىن.
دەندەرىڭە ساۋلىق بەرىپ،
ءاربىر ىسكە جارامدىعىن بەرسىن!
ءسىڭىمدى بوپ ىشەر اسىمىز،
داستارحاننىڭ بايلىعىن بەرسىن!
شاڭىراعىڭ شاتتىققا تولىپ،
ءومىر ساعان جايلىعىن بەرسىن!
بالا-شاعاڭ امان بولىپ،
قۋانىشقا ساي كۇنىن بەرسىن!
اۋرۋ-سىرقاۋ اۋلاق بولىپ،
جايما-شۋاق اي، كۇنىن بەرسىن!
ءاۋمين!
داستارحانعا، اسقا باتا بەرۋ
ۋا، جاراتقان يەم قۇدىرەت
تىلەگىمدى قابىل ەت!
يمانىمدى كامىل ەت!
اق داستارحان جايىلىپ،
قويىلدى اس ورتاعا.
ءسىڭىمدى بولسىن استارىڭ،
اعايىن-تۋىس، بارشاعا.
قۋانىشتار ورنالسىن،
باق-بەرەكە جالعانسىن،
وسىنداعى بارشاڭا.
وتباسىڭىز امان بوپ،
ءساتتى باسار قادام بوپ،
جۇرىڭدەرشى ءان سالا!
شاڭىراققا تىلەيمىز،
باق-بەرەكە مول بولسىن.
داستارحانىڭ باي بولىپ،
ءۇستى تولعان اق بولسىن.
قۋانىشقا جايىلار،
داستارحانىڭ كوپ بولسىن!
ءارقاشاندا قولدايتىن،
اللا ساعان جاق بولسىن!
باستارىڭا ورنايتىن،
تاۋسىلمايتىن ب ا ق بولسىن!
امان بولىپ وتباسى،
بار جاقسىلىق تاپ بولسىن!
ءاۋمين!
داستارحانعا باتا
ۋا، جاراتقان يەم قۇدىرەت
تىلەگىمدى قابىل ەت!
يمانىمدى كامىل ەت!
داستارحاننىڭ بايلىعىن بەرسىن،
وتباسىنىڭ جايلىعىن بەرسىن.
استارىڭىز ءسىڭىمدى بولىپ،
كۇلىمدەپ شىعار اي، كۇنىن بەرسىن!
يمانىمىز سارقىلماسىن،
جيعانىمىز تاۋسىلماسىن.
وتباسىمىز امان بولىپ،
جۇلدىزىمىز جارقىلداسىن!
اتا بەرسىن تاڭ كۇلىمدەپ،
اماندىقتا دەن ساۋ بولىپ.
اق باتامىز قابىل بولسىن،
باسىمىزعا باقىت قونىپ!
ءاۋمين!
بىزگە استىڭ جىلىكتى،
ۇل-قىزىڭ بولسىن بىلىكتى،
بىزگە استىڭ بەلدەمە،
سىيلى بول باسقا ەلگە دە.
بىزگە استىڭ كەسەك ەت،
داۋلەتىڭ تاسسىن ەسەلەپ.
سىيلاپ بەردىڭ ەتىڭدى،
جارىلقاسىن بەتىڭدى.
ەندى اكەلدىڭ سورپاڭدى،
ورىنداتسىن قولقاڭدى.
كەلدى تاعى قىمىزىڭ،
ارىلماسىن قىزىعىڭ.
قويدىڭ قايماق، ايرانىڭ،
امان بولسىن اۋىل-ايماعىڭ.
جازدىڭ جايما، باۋىرساق،
بولا بەرسىن قاۋىم شات.
جانە كەلدى قۇرت-مايىڭ،
تۋا بەرسىن قۇتتى ايىڭ.
راقمەت دامىڭە،
ريزالىق بەرسىن بارىڭە.
امان بولىپ باسىڭىز،
جۇزگە جەتسىن جاسىڭىز.
ماعان جاپتىڭ شاپان،
كوڭىلدە بولماسىن قاپاڭ.
ماعان مىنگىزدىڭ ات،
قىز ۇزاتىپ، قىزىعىنا بات!
ماعان اتادىڭ جول،
ۇل ءوسىرىپ مارە-سارە بول!
ماعان بەردىڭ ەت،
كەلىن ءتۇسىرىپ، تىلەگەنىڭە جەت!
ماعان بەردىڭ ساۋعا،
باسىڭ تۇسپەسىن داۋعا!
الدىما سالدىڭ مال،
اللادان راقمەت ال!
داستارحان باتا باتاسى جاتتاۋ
ەت – سىزدەن،
ىقىلاس، نيەت بىزدەن.
تىلەۋى اقتى ءتاڭىرىم
مۇراتىنا جەتكىزگەن.
جاقسى-جاماندى كورىپ ب ا ق.
بار مەن جوققا كونىپ ب ا ق.
ءاششى-تۇششىنى تاتىپ كور،
تايىز-تەرەڭدى باتىپ كور!
ەل باسىنا تۇسكەن سىندى،
ءتۇز كەشىپ، ءتۇن قاتىپ كور.
جيىندى توپقا تۇسكەندە،
جۇيرىگىڭ باپتاۋلى بولسىن،
جىگىتىڭ ماقتاۋلى بولسىن.
جورتۋىل، جورىق جولىقسا،
نايزاڭ ساپتاۋلى بولسىن.
نوكەرىڭ ساقتاۋلى بولسىن.
داستارحانىڭ توق بولسىن،
ۋايىم-قايعى جوق بولسىن.
امان ساقتاپ،
ابىروي بەرسىن!
جورىتقاندا جولىڭ بولسىن!
ارداقتى ءۇيدىڭ يەسى،
اۋەلى بەردىڭ شاي،
كوڭىلىڭ بولسىن جاي.
ەكىنشى بەردىڭ ەت،
تاپپاسىن كوڭىلىڭ
ەشبىر دەرت!
ءۇشىنشى بەردىڭ سورپا،
بولماسىن باعىڭ ورتا!
ەكى دۇنيەنىڭ يگىلىگىنە جەتكىزسىن،
ەسىركەپ سۇيگەن پەندەسىنەن ەتكىزسىن!
استىرسىن، تاستىرسىن،
جاقسىلارمەن جاناستىرسىن،
جامانداردان اداستىرسىن،
وتتىڭ باسى امان بولسىن،
بەيبىتشىلىك زامان بولسىن،
بالالارىڭ ازامات ادام بولسىن،
جاۋىڭ جەڭىلىپ قابان بولسىن!
باسىڭا اللا ب ا ق بەرسىن،
نە بەرسە دە ناق بەرسىن،
ءبىلىم ناقىل ايتۋعا
جالىقپايتىن جاق بەرسىن!
ايتىپ جۇرەر ءبىلىمنىڭ
ىس-امالمەن شاق كەلسىن!
بەرەكە-قۇت پەن ىرىستى
ۇيلەرىڭە اپ كەلسىن!
قارا نيەتتى جاۋىڭا
بالەكەتى تاپ كەلسىن!
ارمان نيەتكە جەتكىزىپ،
تىلەۋىڭدى اپ بەرسىن!
مال-جان امان توق بولسىن،
قايعى-قاسىرەت جوق بولسىن!
داستارحانىڭ اق بولسىن،
شاڭىراققا ب ا ق قونسىن!
بالالارىڭ كوپ بولسىن،
تاماعى توق، كيىمى كوك بولسىن،
يمانى مىعىم بەك بولسىن،
ءسوزى تۋرا ءدوپ بولسىن!
حاك قاراسىن،
ب ا ق دارىسىن.
داستارحانعا بەرەكە بەرسىن،
ەلگە داۋلەت-مەرەكە بەرسىن.
شىققاننىڭ ەسەسىن بەرسىن،
قالعاننىڭ بەرەكەسىن بەرسىن،
كەڭ پەيىل بەرسىن،
ۇزاق ءومىر بەرسىن،
وت اينالا باس بەرسىن،
ءورىس تولى مال بەرسىن.
مال بەرسە، قايىرىن بەرەكەتىمەن بەرسىن،
باس بەرسە، ازىق-نەسىبەسىمەن بەرسىن!
اقىلىڭدى استىرسىن،
ىقىلاسىڭدى تاستىرسىن،
بالاڭ ءۇبىرلى بولسىن،
قىزىڭ ءشۇبىرلى بولسىن!
جاقىن كوپ بولسىن،
جاۋىڭ جوق بولسىن!
جاقسى كەلسىن قاسىڭا،
نۇر جاۋسىن ءازىز باسىڭا!
كوشىڭ كولىكتى بولسىن،
قونىسىڭ تۇلىكتى بولسىن،
قاتۋلىقتان اۋلاق بول،
تاتۋلىققا جاقىن بول!
داۋرەنىڭ يمانمەن ءساندى بولسىن،
عۇمىرىڭ بىلىممەن ءماندى بولسىن!
ءاۋمين دەسەڭ بەردىم باتا
قابىل ەتىپ ءبىر اللاھ
باق-داۋلەت، بەرەكەت
ۇيىڭىزگە ۇيالاسىن.
جاراتقان يەم امان قىلسىن
بىزگە بەرگەن ءشايىڭىز -
جاقسى بولسىن ءجايىڭىز.
بىزگە بەرگەن ەتىڭىز -
قابىل بولسىن نيەتىڭىز.
ماقساتىڭا جەتىڭىز،
بىزگە بەرگەن ءتۇز-دامىڭىز
تاۋسىلمايتىن نەسىبە بولىپ،
امان-ساۋ بولايىق ءبارىمىز.
ءاۋمين، اللاھۋ اكبار!
ءيا، ءتاڭىرى قۇدىرەت،
مال-باستارىن امان ەت،
باسىنا بەر باقىت،
اسىنا بەر بەرەكەت،
ءومىر-جاسىن ۇزاق ەت،
ميحناتتان امان ەت،
دۇشپانىنىڭ كۇنىن جامان ەت،
ۇرپاقتارىن اسىل ەت،
دۇنيەدەگى جاقسىلىقتى،
ءدال وسى ۇيگە ءناسىپ ەت
ءاۋمين.
جاس بالانىڭ كۇلكىسىن بەر،
جاس انانىڭ ۇيقىسىن بەر.
جومارتتىڭ قولىن بەر،
جورىتقاننىڭ جولىن بەر.
قىزدىڭ قىلىعىن بەر،
سۋدىڭ تۇنىعىن بەر،
اساۋدىڭ ارىنىن بەر،
تۇنگى وتتىڭ جارىعىن بەر.
اسقار تاۋدىڭ پاڭدىعىن بەر،
بۇلبۇل قۇستىڭ تاڭعى ءۇنىن بەر.
دالانىڭ جازىقتىعىن بەر،
گۇلدىڭ نازىكتىگىن بەر.
تەڭىزدىڭ تەرەڭدىگىن بەر،
قىراننىڭ كورەگەندىگىن بەر.
ەردىڭ كوڭىلىن بەر،
بۇركىتتىڭ جىگەرىن بەر.
لاشىننىڭ جۇرەگىن بەر،
ناعىز دوستىڭ تىلەگىن بەر.
ماڭگى-باقي اجىراماس،
شىن عاشىقتىڭ تىلەگىن بەر!
ءاۋمين!
داستارحانىڭا بەرەكە بەرسىن،
باستارىڭا مەرەكە بەرسىن،
استارىڭا ادالدىق بەرسىن،
باستارىڭا اماندىق بەرسىن،
دەندەرىڭە ساۋلىق بەرسىن!
ءاۋمين!
اشىپ تاستاپ پەيىلدى
داستارحانىڭ جايىلدى.
قاسيەتتى نان ۇلىق
بەرەكەڭ تۇر ناق ۇيىپ.
اسىل سوزدەر شاشىلدى،
بار ابىروي ب ا ق ورناپ
ەل سىيلاسىن باسىڭدى.
اڭىز بولىپ وتاۋىڭ
ايتا ءجۇرسىن اسىڭدى.
سۇيگەن جارىڭ،
بالا-شاعاڭ امان بوپ،
بۇتىندەسىن اسىلدى.
نيەتىڭە ءبىز تويدىق.
راحمەت ءشايىڭا،
ريزا ەتكەن ءبىر قويلىق!
اۋەلى قۇداي وڭداسىن،
ارۋاقتارىڭ قولداسىن.
باقىت پەن داۋلەت، باس پەن مال،
باسىڭا ماڭگى ورناسىن.
ءتورت قۇبىلاڭ ساي بولسىن،
ساعان قاستىق ويلاعان
عۇمىرىندا وڭباسىن.
اقىلدى بول، ارلى بول،
باقىتتى بول، مالدى بول،
قاتارىڭنىڭ الدى بول!
ءاۋمين
بەرەكەمىز قاشپاسىن،
بەلىمىزدى ەشكىم باسپاسىن،
ادال جان بولىپ استاسىڭ،
ارىڭدى كۇلدەي شاشپاسىن.
باقىت بولسا باستاسىڭ،
مەيمانىڭ، ءسىرا، تاسپاسىن،
تىرلىكتە ءتۇزۋ جول تاپساڭ،
ءتاڭىرىم بەرەر باسقاسىن.
ءاۋمين
اۋەلى قۇداي ەسەن ەت،
جيرەنشەدەي شەشەن ەت،
اتىمتايداي كوسەم ەت،
لۇقپانداي بەرەگەن ەت.
ءيبراھيمنىڭ باسىن بەرسىن،
سۇلەيمەننىڭ تاقىتىن بەرسىن.
قىدىر قۇسى قونسىن باسىڭا.
جورتقاندا جولىڭ بولسىن،
جولداسىڭ قىدىر بولسىن.
جوعارى بولسىن جۇلدىزىڭ،
باقىتتى بولسىن ۇل-قىزىڭ.
اس يەسى بايىسىن،
بار ويلاعان ارمانىڭ،
جاقسىلىققا سايىسىن.
ءاۋمين
داستارحانىڭ باي بولسىن.
قازان-وشاعىڭ ماي بولسىن.
ءتورت تۇلىگىڭ ساي بولسىن.
كوڭىلىڭ تولىپ جاي بولسىن.
ۇلىڭ قونىپ قياعا،
قىزىڭ قونىپ قياعا،
كەلىنىڭ ءبيبى اتانىپ،
ۇلىڭ بولسىن بي اعا.
بەرگەننەن اللا تانباسىن،
كوبەيە بەرسىن مال باسىڭ،
وسە بەرسىن جان باسىڭ،
ارمانىڭ كوككە سامعاسىن.
دوسىڭنان كوڭىلىڭ قالماسىن،
جاعاڭنان دۇشپان الماسىن،
جولىڭ بولىپ جورتقاندا،
جولىڭدى قىزىر جالعاسىن.
ءاۋمين
بەرەكە بەرسىن باسىڭا،
ب ا ق قونسىن باسىڭا.
بالىن تاتىپ ءومىردىڭ
جامبىلدىڭ جەت جاسىنا.
قۋانىشپەن دوستارىڭ
جينالا بەرسىن قاسىڭا.
قويىڭ قوزداپ ەگىزدەن،
ەشكىڭ تۋىپ سەگىزدەن.
مايدان قولىڭ كەتپەسىن،
سوعىمىڭ بولىپ سەمىزدەن.
ايتىپ ءجۇرسىن قوناعىڭ
تاڭدايدان كەتپەي جەگىزگەن.
شالقىپ جاتسىن داۋلەتىڭ،
تاسىعان سەلدەي تەڭىزدەن.
باياندى اللا ب ا ق بەرسىن،
ادالىن بەرسىن، اق بەرسىن.
اتاعىڭ كەتىپ الاشقا،
استىڭا التىن تاق بەرسىن.
ءاۋمين
ءتاڭىرى جارىلقاسىن،
كىمدى جارىلقاسا،
سونىڭ جاعىندا قالسىن!
جاماننىڭ الدىندا قالسىن!
جورتقاندا جولىڭ بولسىن،
اداسساڭ، اللا جولعا سالىپ ءجۇرسىن،
سۇرىندىرتپەي الىپ ءجۇرسىن،
مىڭ سان بالە، ءقاۋىپ قاتەردەن قاعىپ ءجۇرسىن!
ۋا، جاراتقان – قۇدىرەت!
مال-جاندارىن امان ەت،
باسىنا بەر زور باقىت.
اسىڭا بەر بەرەكەت،
عۇمىر-جاسىن ۇزاق ەت.
ۇرپاقتارىن اسىل ەت،
كاسىبىن ادال كاسىپ ەت،
بالە-جالادان اۋلاق قىپ،
تاتتىرما ەش قاسىرەت،
دۇنيەنىڭ بار جاقسىلىعىن
ءدال وسى وتاۋعا ءناسىپ ەت!
بىزگە تارتقان باسىڭىز،
ءدامدى ەكەن اسىڭىز.
ۇرپاقتار بوپ وزگەشە،
سىيلى بولسىن باسىڭىز!
دومالاسىن ورگە تاسىڭىز،
يماندى بولىپ تاسىڭىز.
كورە الماۋشى، كەرتارتپا
قۇم قاپسىن دۇشپان –قاسىڭىز،
جۇزگە جەتسىن جاسىڭىز،
ەلگە سىيلى قارت بولىپ،
ءجانناتقا قادام باسىڭىز!
قۇيعان قىزىل ءشايىڭىز،
بالداي ءتاتتى مايىڭىز،
ەسەلى بوپ ەڭبەگىڭ،
يماندى بوپ بايىڭىز!
داۋلەتىڭدى تاستىرسىن،
ساۋلەتىڭدى استىرسىن،
اقساقالىڭ كەلگەندە
اق داستارحان جايىلىپ،
ادال اس پەن باس تۇرسىن!
ءتىل مەن كوزدەن امان بوپ،
تۇلەپ ۇشسىن جاس قىرشىن –
بايسالدى تۋعان بالاڭدى
بايتاعىنا باس قىلسىن!
ادالدان جيعان مالىڭدى
التى اتاڭا اس قىلسىن!
جاقسىمەنەن دوس قىلسىن،
جامانمەنەن قاس قىلسىن،
يمانىڭدى راس قىلسىن!
قاراۋدى قارا تاس قىلسىن،
ساراڭنىڭ كوڭىلىن ءپاس قىلسىن!
بۇل ۇيگە قاستىق قىلعاندى
ءتاڭىرىم قارا باستىرسىن!
داستارحانعا باتا بەرۋ
قۇداي جارىلقاسىن،
باي قىلسىن.
ب ا ق قاراسىن،
قىدىر دارىسىن.
اۋليە دارىسىن،
ءارۋاق جەبەسىن!
داستارحانعا بەرەكە بەرسىن،
ەرگە داۋلەت بەرسىن.
شىققاننىڭ ەسەسىن بەرسىن،
قالعاننىڭ بەرەكەسىن بەرسىن.
كەڭ پەيىل بەرسىن،
ۇزاق ءومىر بەرسىن.
وت اينالا باس بەرسىن،
ءورىس تولى مال بەرسىن.
مال بەرسە،
قايىرلى بەرەكەسىمەن بەرسىن.
باس بەرسە،
ازىق-نەسىمەن بەرسىن.
احمەت بايتۇرسىنوۆتىڭ بەرگەن باتاسى
قۇدايىم جارىلقاسىن، باي قىلسىن!
ءتورت تۇلىگىن ساي قىلسىن!
كەتپەس داۋلەت!
كەڭ پەيىل بەرسىن!
قۇرباندىعىڭ قابىل بولسىن!
تىلەگەن تىلەگىڭدى بەرسىن!
اللاھۋ اقبار!
اسىڭ، اسىڭ، اسىڭا!
بەرەكە بەرسىن باسىڭا!
بودەنەدەي جورعالاپ،
قىرعاۋىلداي قورعالاپ،
قىدىر كەلسىن قاسىڭا.
سەنەن بايلىق وتپەسىن!
ءتاڭىرى بەرگەن نەسىبەڭ
تەپكىلەسەڭ كەتپەسىن!
جەلىڭنىڭ ەكى شەتىنە
تاي شاپتىرسا جەتپەسىن!
كەشكە كەلىپ جامىراسقان،
شۋىلداسىپ ماڭىراسقان،
قوشقاننىڭ ەنەسى
اللاھۋ اقبار!
ۋا، قۇدايىم قولداسىن،
جىبەرسىن پەيىل – جولداسىن.
ومىرلەرىڭ ۇزاقتان،
كوگەندەرىڭ تۇساقتان بولسىن،
الدىڭا بەرەكە،
باق-داۋلەتىڭ شاشىلىپ جاتسىن،
قازانىڭ اسىلىپ جاتسىن.
پەرىشتەلەر قورعاي ءجۇرسىن،
ءۇيىڭ قوناقتان ارىلماسىن،
قۇدايىم پەيىل-تىلەگىڭدى جارىلقاسىن!
ءاۋمين!
سوقىر ابىزدىڭ باتاسى
باي بول، بارشا مۇراتىڭا جەت،
ءۇبىرلى-شۇبىرلى بول.
قوبىلاندىداي نەمەرە ۇلىڭ بولسىن،
قۇرتقاداي اقىلدى قىزىڭ بولسىن.
«قىرىقتىڭ ءبىرى – قىدىر» دەگەن.
وسى لەبىزىمدى بايتاق اۋليە قولداپ،
پەرىشتە ءاۋمين دەسىن!
***
داستارحانىڭا بەرەكە بەرسىن،
باستارىڭا مەرەكە بەرسىن،
استارىڭا ادالدىق بەرسىن،
باستارىڭا اماندىق بەرسىن،
دەندەرىڭە ساۋلىق بەرسىن،
ءاۋمين!
ۇيگە قوناق كەلسە قۋانىپ، وتە ءقادىرلى قوناقتارعا تاي سويىپ، قوناقاسى بەرىلىپ، اتتاندىرۋ داستۇرگە اينالعان. ال قوي، توقتى سويۋ بۇرىننان قالىپتاسقان ادەت. سويىلاتىن مالدى الدىمەن ءۇي يەسى قوناقتار وتىرعان ءۇيدىڭ بوساعاسىنا اكەلىپ باتا تىلەيدى. وعان باتا بەرۋشى ادام:
سۇراساڭ باتا بەرەيىن،
ۇستەم بولسىن مەرەيىڭ.
كوك جايلاۋدى جايلاساڭ،
تاي-قۇلىندى بايلاساڭ.
ساباڭ تولسىن قىمىزعا،
شاراڭ تولسىن ۋىزعا.
ورىسىڭە مال تولسىن،
اق تىلەۋىڭ جار بولسىن!
اتتانسىن كەلگەن قوناعىڭ
ءبىز سياقتى ريزا بوپ، – دەگەندەي تىلەگىن بىلدىرەدى.
***
قۋانىش قايىرلى بولسىن،
جاستار ابىرويلى بولسىن.
ۋايىمدارى جوق بولسىن،
كوڭىلدەرى توق بولسىن،
ادال ەڭبەك ارقاسىندا،
تابىستارى مول بولسىن،
الاقاندارى اشىق بولسىن،
ومىرگە ماشىق بولسىن!
كۇيبەڭ قاعىپ كەيىن قالماي،
جاڭالىققا عاشىق بولسىن،
ۇرپاقتارى ەر بولسىن،
كەمەڭگەرلەرمەن تەڭ بولسىن.
ولاردى كورە الماعانداردىڭ،
بەدەل-بەرەكەتى كەم بولسىن.
ءاۋمين!
***
ۋا، وتاۋ يەسى،
قولداسىن ءتاڭىر كيەسى،
يناباتىڭ يگىلىككە باستاسىن،
پەيىلىڭ جاماندىققا باسپاسىن.
وشاعىڭنىڭ وتى سونبەسىن.
ارىڭ مەن جانىڭ ارامدىققا كونبەسىن،
بوساعاڭ بەرىك بولسىن،
قوساعىڭ جەرىك بولسىن،
كوڭىلىڭ اشىق بولسىن،
ءومىرىڭ ءناسىپ بولسىن.
جاقسىنىڭ ءقادىرىن ءبىل،
كارىنىڭ ءادىلىن ءبىل.
ونەگەڭدى قازىق ەت،
اقىلىڭدى ازىق ەت،
ساعىڭ سىنباسىن،
باعىڭ نۇرلانسىن.
ويىڭ كوسەم بولسىن،
ءسوزىڭ شەشەن بولسىن.
وسىنىڭ ءبارى –
ءسوزىمنىڭ ءنارى، قۇدايىمنىڭ قۇلاعىنا شالىنىپ،
تىلەۋىم قابىل بولسىن!
ءاۋمين!
***
ءتاڭىرى جاس جۇبايلاردى،
شات ومىرمەن جارىلقاسىن.
باقىتتارى ارىلماسىن،
ەشقاشاندا مۇقتاجدىق كورىپ،
ەش ادامعا جالىنباسىن،
جاستارى جۇزگە جەتكەنشە،
«دەرتتىمىن» دەپ شاعىنباسىن!
ءاۋمين!
بۇركىتشى ومار قارتتىڭ باتاسى
اسارىڭ اسقار تاۋ بولسىن،
جۇزەرىڭ مۇحيت، كول بولسىن،
سۇيەنەرىڭ ەل بولسىن،
دۇشپانىڭ قارا جەر بولسىن.
ابايداي ءان،
جامبىلداي ءسان،
قاجىمۇقانداي كۇش بولسىن،
ۇرپاق ۇمىتپاس ءىس بولسىن.
ەسىگىڭ الدى وي بولسىن،
وي تولعان قوي بولسىن.
كۇندە اۋىلىڭدا توي بولسىن.
جاقسىعا ەلىكتە،
جامانعا جەلىكپە.
ءاردايىم شابىتتى بول،
سارقىلماس باقىتتى بول!
ءاۋمين!
قانجىعالى اساۋبايدىڭ باتاسى
كوتەر بىلەكتى،
بەرسىن تىلەكتى.
اۋەلى قۇداي وڭداسىن،
اجدى-اۋليە قولداسىن.
قىزىر مەنەن قىرىق شىلتەن،
ءپىرىڭ بولسىن جولداسىڭ،
اسادا جۇرتقا بارعاندا،
ءقادىرلى بولسىن ءوز باسىڭ،
سەگىز ىنگەن بوتالاپ،
سەكسەن ساۋلىق قولداسىن.
سەگىز كەلىن قومداسىن!
سەنى كوزدەگەن دۇشپاندى
ءبىر اللا ءوزى جونداسىن.
دارەجەڭ اسا بەرسىن،
سەنى كوزدەگەن دۇشپاندى
پالەكەت باسا بەرسىن.
اللاۋ جار بولسىن،
فاتيكام قابىل بولسىن،
كەتكەنىڭ كەلىپ،
كەمتىگىڭ تولسىن!
***
جاس بالانىڭ كۇلكىسىن بەر،
جاس انانىڭ ۇيقىسىن بەر.
جومارتتىڭ قولىن بەر،
جورىتقاننىڭ جولىن بەر.
قىزدىڭ قىلىعىن بەر،
سۋدىڭ تۇنىعىن بەر،
اساۋدىڭ ارىنىن بەر،
تۇنگى وتتىڭ جارىعىن بەر.
اسقار تاۋدىڭ پاڭدىعىن بەر،
بۇلبۇل قۇستىڭ تاڭعى ءۇنىن بەر.
دالانىڭ جازىقتىعىن بەر،
گۇلدىڭ نازىكتىگىن بەر.
تەڭىزدىڭ تەرەڭدىگىن بەر،
قىراننىڭ كورەگەندىگىن بەر.
ەردىڭ كوڭىلىن بەر،
بۇركىتتىڭ جىگەرىن بەر.
لاشىننىڭ جۇرەگىن بەر،
ناعىز دوستىڭ تىلەگىن بەر.
ماڭگى-باقي اجىراماس،
شىن عاشىقتىڭ تىلەگىن بەر!
ءاۋمين!
***
قۇداي جارىلقاسىن،
ب ا ق قاراسىن،
قىدىر دارىسىن!
ايدان امان،
جىلدان ەسەن قىلىپ،
ۇيدەگى، تۇزدەگى،
مال باستى،
امان قىلسىن!
اللاھۋ اقبار!
***
داستارقانىڭ توق بولسىن،
ۋايىم-قايعىڭ جوق بولسىن!
باق-داۋلەت بەرسىن باستارىڭا،
عۇمىر بەرسىن جاستارىڭا!
پالە-جالا، جىن-شايتان،
جولاماسىن قاستارىڭا!
اللاھۋ اقبار!
بەكەنتاي ءپىراداردىڭ باتاسى
التىننان بولسىن جاعاڭ،
كۇمىستەن بولسىن تاعاڭ.
تاسقا تارى ونگەنشە،
تارشىلىق كورمەڭدەر.
مۇزعا بيداي ونگەنشە،
مۇڭشىلىق كورمەڭدەر!
جۇزدەرىڭ جايناپ،
كەلىستى بولىڭدار،
تولعان ايداي،
ءورىستى بولىڭدار!
قاتارلارىڭنان وزىڭدار،
قوزداعان شوقتاي قوزىڭدار!
ەڭ الدىمەن،
بەرەكەشىل بولىڭدار!
كوكورايداي جەلكىلدەپ،
جەلپىلدەپ تۇرىڭدار!
سەكسەنگە كەلىپ،
سەلكىلدەپ تۇرىڭدار!
ءاۋمين!
ۇل بالاعا بەرىلەتىن باتا
ءجۇسىپتىڭ ديدارىن بەرسىن،
مۇحامەدتىڭ يمانىن بەرسىن.
جانىڭا دالانىڭ كەڭدىگىن بەرسىن،
ازىرەت ەردىڭ ەرلىگىن بەرسىن.
ابىلايدىڭ بايراعىن بەرسىن،
باۋىرجان باتىردىڭ ايبارىن بەرسىن!
ەلىڭە ىرىس-قۇت ورناسىن،
جەرىڭە تىنىشتىق ورناسىن!
وسەك-اياڭنىڭ قۇربانى بولماسىن،
وزبىرلاردىڭ شۇلعاۋى بولماسىن!
الىس جولدارعا،
قولىڭ ورماندا،
تايعاناق قۇزداردا
كولدەنەڭ كەلەر قازادان،
جازىقسىز تونگەن جازادان
اۋليە-امبيلەر قورعاسىن،
اتا-بالا، ارۋاق قولداسىن!
ءاۋمين!
دامگە باتا
اۋەلى قۇداي ەسەن ەت،
جيرەنشەدەي شەشەن ەت.
اتىمتايداي كوسەم ەت،
لۇقپانداي بەرەگەن ەت.
ءيبراھيمنىڭ باقىتىن بەرسىن،
سۇلەيمەننىڭ تاقىتىن بەرسىن،
قىدىر قۇسى قونسىن قاسىڭا،
بۇلبۇل قۇسى قونسىن باسىڭا.
جورىتقاندا جولىڭ بولسىن،
جولداسىڭ قىزىر بولسىن.
جوعارى بولسىن جۇلدىزىڭ،
باقىتتى بولسىن ۇل-قىزىڭ.
اس يەسى بايىسىن،
بار ويلاعان ارمانىڭ،
جاقسىلىققا سىيىنسىن!
اللاھۋ اقپار!
تويداعى داستارحانعا باتا
اۋەلى، قۇداي وڭداسىن،
حاق راسۋل جاردەم قىپ،
اۋليەلەر قولداسىن.
ساپار شىقساڭ، باسشى بوپ،
قىزىر بولسىن جولداسىڭ.
شۇكىرلىك قىل اللاعا،
پەيىلىڭدى قۇداي الماسىن.
تاۋبە قىلىپ ءجۇرىڭىز،
ءىريادان بولماسىن.
تاۋفيق بەرسىن ءبىر اللا،
ارامعا اۋىرىڭ سالماسىن.
باقىتتى بولسىن ۇل-قىزىڭ!
جوعارى بولسىن جۇلدىزىڭ!
ريزا بولسىن مەيمانىڭ،
ورنىنان كەلەر جيعانىڭ،
تاڭدا ماحشار بولعاندا،
الدىڭنان شىعار بەرگەنىڭ،
كوپشىلىكتەن باتا الساڭ،
مۇراتىڭا جەتەسىڭ.
جومارتتىق قىلساڭ تىرلىكتە،
قۋانىشپەن وتەرسىڭ.
قابىل بولعاي باتامىز،
كەشىرە گور، اللا، قاتامىز.
پالەنى دۇعا قايتارار،
بۇرىنعىنى ايتامىز.
ىقىلاسقا تويدىڭ ءبىز،
شاقىرعان سوڭ كەلدىك ءبىز،
كەلمەك – ءسۇننات،
قايتۋ – پارىز،
تويىڭىز تويعا ۇلاسسىز،
كەلگەن ىزبەن قايتامىز.
اللاھۋ اقبار!
توي جاساعان ءۇي يەسىنە داستارحانعا بەرىلەتىن باتا
قۇرمەتتى توي يەسى،
ءىسىڭدى تاعدىر وڭداسىن،
قايدا جۇرسەڭ قولتىقتاپ،
قىدىر باباڭ قولداسىن!
جامبىلعا ۇقساپ كوپ جاسا،
دەنەڭدە دەرت بولماسىن،
تويىڭ-تويعا ۇلاسىپ،
جان-جۇرەگىڭ تولعانسىن،
كۇننەن-كۇنگە كوبەيسىن،
دوس-جارانىڭ، جولداسىڭ.
باقىتىڭ تاسسىن ءاماندا،
بەرگەنىن ءتاڭىرى الماسىن!
ءومىرىڭدى ۇزارتىپ،
بالاڭ مەنەن نەمەرەڭ،
شوبەرەڭ مەن شوپشەگىڭ،
تۋاجاتتار جالعاسسىن!
مازمۇنى
داستارحانعا قىسقاشا باتا
باتا بەرۋ، داستارحانعا باتا بەرۋ
شاڭىراققا باتا
داستارحان، اس: باتا بەرۋ
داستارحانعا باتا جاتتاۋ
داستارحانعا، اسقا باتا بەرۋ
داستارحانعا باتا
احمەت بايتۇرسىنوۆتىڭ بەرگەن باتاسى
سوقىر ابىزدىڭ باتاسى
بۇركىتشى ومار قارتتىڭ باتاسى
قانجىعالى اساۋبايدىڭ باتاسى
بەكەنتاي ءپىراداردىڭ باتاسى
دامگە باتا
تويداعى داستارحانعا باتا
توي جاساعان ءۇي يەسىنە داستارحانعا بەرىلەتىن باتا
داستارحانعا باتا بەرۋ، باتا داستارحان باسىندا، اس قايىرۋ باتاسى، اس قايىرۋ باتا بەرۋ تىلەك، باتا، داستارحان باتاسى، مۇسىلمانشا اس قايىرۋ، اسقا باتا
You Might Also Like
-
قازاق حاندىعى – ورتا ازياداعى كوشپەلى مەملەكەت، ونىڭ تاريحى وزىندىك مانگە يە جانە قازىرگى قازاقستان رەسپۋبليكاسىنىڭ ۇلتتىق مۇراسىنىڭ اجىراماس بولىگى بولىپ تابىلادى.
