فۋتبول الەمىندەگى اۋىر جاراقاتتار

الف-ينگە حولاند

2001 جىلى مانچەستەرلىك دەربيدە ميۋ ويىنشىسى روي كين مس جارتىلاي قورعاۋىشىسىنىڭ حولاندتىڭ تىزەسىنە تەۋىپ، ناتيجەسىندە حوللاند اۋىر جاراقات الدى. حوللاند بۇل جاراقاتى ايىقاننان كەيىن نەبارى 2-3 ويىن عانا ويناپ، 29 جاسىندا فۋتبولشى مانسابىن اياقتادى. كەيىن، روي كين حوللاندتىڭ تىزەسىنە ادەيى تەپكەنىن مويىندادى. 

 

دجيبريل سيسسە

ەكى اۋىر جاراقاتتىڭ كەسىرىنەن، ءوز ۋاقىتىنىڭ دارىندى فۋتبولشىسى سانالعان دجيبريل سيسسەنىڭ مانسابى، ەداۋىر وزگەرلى. ءبىرىنشى جاراقاتىن سيسسە بلەكبەرن كومانداسىنىڭ قورعاۋشىسى دجەيمس ماكيۆليمەن سوقتىعىسىپ الدى. بۇل سوقتىعىس ناتيجەسىندە سيسسەنىڭ اياعى سىنىپ كەتتى. دارىگەرلەردىڭ كومەگىنىڭ ارقاسىندا سيسسە بۇل جاراقتىنان ايىعىپ، ءوزىنىڭ بۇرىنعى ويىن دەڭگەيىنە كوتەرىلە ءبىلدى.
ءبىراق ودان كەيىن جۇڭگو قۇراماسىمەن وتكىزگەن جولداستىق كەزدەسۋدە ونىڭ اياعى تاعى سىندى. ول بۇل جاراقاتتان دا ايىقتى، ءبىراق ءوزىنىڭ بۇرىنعى ويىن دەڭگەيىنە جەتە المادى.

 

ەدۋاردو دا سيلۆا

2008 جىلى 23 قاڭتاردا بيرمينگەم كومانداسىنا قارسى وتكىزگەن ماچتا، ارسەنال كومانداسىنىڭ ويىنشىسى ەدۋاردو دا سيلۆا بيرمينگەم ويىنشىسى مارتين تەيلورمەن سوقتىعىستى. بۇل سوقتىعىستا ەدۋاردونىڭ اياعى قاق سىندى. ول بۇل جاراقاتتان ءبىر جىل ۋاقىت شاماسىندا ايىقتى.

 

الان سميت

2006 جىلى 18 اقپان ايىندا ميۋ جانە ليۆەرپۋل كوماندالارى اراسىندا بولعان انگليا كۋبوگىنىڭ ماچىنتا، الاڭعا 2-تايمدا شىققان ميۋ ويىنشىسى الان سميت، ويىننىڭ اياعىنا تاقاعاندا ليۆەرپۋل ويىنشىسى يوان-ارنە رييسە-مەن قاقتىعىسىپ، اياعى سىندىرىپ الدى. الان سميت بۇل اۋىر جاراقاتتان كەيىن بۇرىنعى ويىن دەڭگەيىن كورسەتە المادى، ناتيجەسىندە نيۋكاسل كومانداسىنا اۋىسىپ كەتتى. قازىرگى تاڭدا ول انگليانىڭ ءبىرىنشى ديۆيزيونىندا ميلتون كينس دونس كومانداسىندا وينايدى.

 

اارون رەمسي

2010 جىلى 27 اقپاندا ستوك سيتي جانە ارسەنال كلۋبتارىنىڭ اراسىندا بولعان ماچتا، ارسەنال ويىنشىسى رەمسي ستوك سيتي قورعاۋشىسى رايان شوۋكروسسپەن سوقتىعىسىپ، اياعى سىندى. رەمسيدىڭ بۇل جاراقاتىنان ايىعۋىنا 8 ايداي ۋاقىت كەتتى. قىزىل قاعاز العان رايان شوۋكروسس الاڭنان جىلاپ كەتتى.

رايان شوۋكروسس الاڭنان جىلاپ كەتىپ بارا جاتتى

رايان شوۋكروسس الاڭنان جىلاپ كەتىپ بارا جاتتى


You Might Also Like

جاڭالىقتار

جارناما