![گۋگلدان ىزدەۋ تاسىلدەرى](http://infohub.kz/uploads/thumbnail/20240119212910911_big.png)
- 06 ءساۋ. 2015 00:00
- 330
گۋگلدان ىزدەۋ تاسىلدەرى
كۇنىنە قانشاما ميلليون ادام مالىمەت ىزدەۋ ءۇشىن گۋگل (Google) ىزدەۋ جۇيەسىن قولدانادى. ءبىراق، بۇل ادامداردىڭ كوبىسى گۋگلدان ىزدەۋدىڭ ءبىرشاما تاسىلدەرى بار ەكەنىن بىلمەيدى. سول ءبىرشاما تاسىلدەر تومەندە كەلتىرىلدى:
1. بەلگىلى ءبىر ءسوزدى ىزدەۋ
بەلگىلى ءبىر سويلەمدى نەمەسە ءسوزدى ىزدەۋ ءۇشىن ول ءسوزدى تىرناقشاعا الىپ ىزدەۋ كەرەك. مىسالى تومەندەگى ەكى سۋرەتتى سالىستىرىپ كورىڭىز:
2. ءسوزى ءتۇسىپ قالعان سويلەمدى ىزدەۋ
مىسالى ءسىز ءبىر سويلەمدە، دايەكسوزدە نەمەسە ماقال-ماتەلدە ءبىر ءسوزدى ۇمىتىپ قالدىڭىز، "ءبىر قىزدىڭ كەسىرى قىرىق ەسەككە جۇك" دەگەن ماتەلدە، "كەسىرى" دەگەن ءسوزدى ۇمىتىپ قالساڭىز جانە مۇنى گۋگلدان ىزدەگىڭىز كەلسە، بىلاي ىزدەيسىز:
ءبىر قىزدىڭ * قىرىق ەسەككە جۇك
3. بىرنەشە ءسوزدىڭ ىشىنەن كەز كەلگەنىن تابۋ
مىسالى سىزگە "ەرتەگى"، "ينفورماتيكا"، "رەسەپت" تۋرالى مالىمەتتەر كەرەك. وسى ءۇش ءسوز كەزدەسەتىن مالىمەتتەردىڭ بارلىعىن ىزدەۋ ءۇشىن، گۋگلعا وسى ءۇش ءسوزدى تىك سلەشپەن ءبولىپ جازاسىز، ياعني بىلاي:
ەرتەگى | ينفورماتيكا | رەسەپت
4. ءبىر سويلەمنىڭ ىشىندە كەزدەسەتىن سوزدەردى تابۋ
ەكى نەمەسە ودان كوپ ءسوز ءبىر سويلەمدە كەزدەسەتىن مالىمەتتى قالاي تابۋعا بولادى؟! ول ءۇشىن & (امپەرساند) بەلگىسىن قولدانۋ كەرەك. مىسالى:
رونالدۋ & قاقپاشى & قازاقستان
5. مىندەتتى ءبىر ءسوزدى قوسۋ
ىزدەلەتىن مالىمەتتىڭ (ۋەب بەتتىڭ) ىشىندە مىندەتتى تۇردە بولۋ كەرەك ءسوزدى قوسۋ ءۇشىن، سول ءسوزدىڭ الدىنا "+" قويۋ كەرەك. مىسالى:
سىنىپ + بيولوگيا
6. ىزدەۋ ناتيجەلەرىنەن بەلگىلى ءبىر ءسوزدى الىپ تاستاۋ
ىزدەۋدىڭ ناتيجەسىندە بولماۋ كەرەك ءسوزدى قالاي جازۋعا بولادى. مىسالى سىزگە ءيتتىڭ تۇرلەرىن ىزدەۋ كەرەك. ءبىراق ىزدەۋ ناتيجەسىندە "توبەت" دەگەن ءسوز بولماۋ كەرەك. بۇل جاعدايدا گۋگلعا بىلاي جازاسىز:
ءيتتىڭ تۇرلەرى - توبەت
7. مالىمەتتى بەلگىلى ءبىر سايتتان ىزدەۋ
مالىمەتتى بەلگىلى ءبىر سايتتان قالاي ىزدەۋگە بولادى. مىسالى bilim-all.kz سايتىنان "ينفورماتيكا" جايىندا مالىمەت ىزدەگىڭىز كەلدى، بۇل جاعدايدا گۋگلعا بىلاي جازاسىز:
ينفورماتيكا site:bilim-all.kz
8. بەلگىلى ءبىر تيپتەگى قۇجاتتى ىزدەۋ
مىسالى سىزگە اعىلشىن تىلىنەن مالىمەتتەر كەرەك بولدى جانە بۇل مالىمەتتى pdf فورماتىندا تاپقىڭىز كەلەدى. مۇنى mime وپەراتورى ارقىلى ىسكە اسىرۋعا بولادى. (مىسالى سىزگە english in action دەگەن ءسوز بويىنشا مالىمەت كەرەك)بۇل جاعدايدا گۋگلعا بىلاي جازاسىز:
english in action mime:pdf
9. ءسوزدىڭ ماعىناسىن ىزدەۋ
بەلگىلى ءبىر ءسوزدىڭ ماعىناسىن ىزدەۋ وپەراسياسى "define" وپەراتورىن قولدانۋ ارقىلى ىسكە اسىرىلادى. مىسالى:
define: color
10. كالكۋلياتور
گۋگلدى كالكۋلياتور ەسەبىندە دە قولدانۋعا بولادى. مىسالى: 87*12 دەپ ىزدەپ كورىڭىز
11. كەشتەلگەن ۋەب بەتتى ىزدەۋ
بەلگىلى ءبىر سايتتىڭ سوڭعى كەشتەلگەن بەتىن ىزدەۋ ءۇشىن بىلاي جازاسىز، مىسالى: cache:bilim-all.kz
12. قالاداعى اۋا رايى
بەلگىلى ءبىر قالاداعى اۋا-رايىن ءبىلۋ ءۇشىن، گۋگلعا بىلاي جازاسىز،(مىسالى الماتى): weather الماتى