جەتىم جانە مۇگەدەك بالالار ءۇشىن جاتاقحانا قۇنىنىڭ 50% مەملەكەت وتەمەك
«الەۋمەتتىك كومەك كورسەتىلەتىن ازاماتتارعا الەۋمەتتىك كومەكتىڭ مولشەرىن، كوزدەرىن، تۇرلەرىن جانە ونى بەرۋ قاعيدالارى تۋرالى» ۇكىمەت قاۋلىسىنا وزگەرىستەر ەنگىزىلمەك.
«مەملەكەت ءبىلىم الۋ كەزەڭىندە جەتىم جانە اتا-اناسىنىڭ قامقورلىعىنسىز قالعان بالالارعا، مۇگەدەكتىگى بار ادامدار مەن مۇگەدەكتىگى بار بالالارعا ارنالعان شىعىستاردى ءىشىنارا وتەيدى»، - دەلىنگەن «اشىق» نقا پورتالىندا جاريالانعان ۇكىمەت قاۋلىسىندا.
ايتا كەتەيىك، قولدانىستاعى ەرەجەگە سايكەس، اتالعان ساناتتاعى ءبىلىم الۋشىلاردىڭ ءىشىنارا شىعىنى مەملەكەت تاراپىنان وتەلمەيدى. سونىمەن قاتار، ەندى جوعارى وقۋ ورىندارىندا وقيتىن جەتىم جانە مۇگەدەك بارالاردىڭ جاتاحانا شىعىستارىنىڭ 50%-ىن ۇكىمەت جابادى.
«مەملەكەت كورسەتىلگەن ساناتتاعى ازاماتتارعا جوعارى ءبىلىم بەرۋ ۇيىمدارىندا وقۋ كەزەڭىندە جاتاقحانالاردا تۇرعانى ءۇشىن 29 ايلىق ەسەپتىك كورسەتكىشتەن (96 600 تەڭگە) اسپايتىن تۇرۋ قۇنىنىڭ 50 پايىزى مولشەرىندە شىعىستاردى وتەيدى»، - دەپ وزگەرىس ەنگىزىلگەن قاۋلىعا.
قۇجات 28 ناۋرىزعا دەيىن كوپشىلىك تالقىلاۋدا بولادى.
You Might Also Like
-
1914-1918 جىلدارداعى ءبىرىنشى دۇنيەجۇزىلىك سوعىس، 1916 جىلعى كوتەرىلىس، ونى باسىپ-جانىشتاۋ، ريەۆوليۋسيالار مەن 1918-1920 جىلدارداعى ازامات سوعىسى قازاق حالقىنا عانا ەمەس، سونداي-اق رەسەيدىڭ بۇكىل حالق...
