كارىلىك، جاستىق تۋرالى ماقال-ماتەلدەر
كوپتى كورگەن دانا بولار،
قارتايىپ كەتسە بالا بولار.
*** *** *** ***
اقىل جاس ۇلاننان،
جۇيرىك تاي قۇناننان.
*** *** *** ***
جاس كەزىمدە بەينەت بەر،
قارتايعاندا زەينەت بەر.
*** *** *** ***
ادام قارتايسا دا، كوڭىل قارتايمايدى.
*** *** *** ***
سەكسەن — جەرمەن-جەكسەن.
كوپ جاساعان قۇرداسىنان ايرىلار.
*** *** *** ***
جۇرە بەرسەڭ، كورە بەرەسىڭ،
كورە بەرسەڭ، كونە بەرەسىڭ.
*** *** *** ***
ءشوپ تە باسىنان قۋرايدى.
*** *** *** ***
ات قارتايسا ۇرىنشاق بولادى،
ەر قارتايسا، جاڭىلشاق بولادى.
*** *** *** ***
ات تۇياعىن ات باسار.
*** *** *** ***
ات قارتايسا، ەسەكپەنەن دوستاسادى.
*** *** *** ***
جىگىتىندە جىگىت بولماعان
ءومىر ەسەسىنەن قۇر قالعان.
*** *** *** ***
جاستىق كوككە، كارىلىك جەرگە قاراتادى.
*** *** *** ***
جاستىق — جالىن، كارىلىك — كۇل.
*** *** *** ***
جامان جىگىت جاسىندا شال.
*** *** *** ***
كارىلىك — داۋاسىز دەرت.
*** *** *** ***
ساقالعا اق ءتۇستى،
كوڭىلگە داق ءتۇستى.
*** *** *** ***
قارسى كەلسە كارىلىك،
قارا ناردى شوكتىرەر.
*** *** *** ***
جامان كيىم جاستى كارىدەي ەتەدى،
كارىنى پەرىدەي ەتەدى.
*** *** *** ***
كەيىنگىلەردى كورىپ قارتايعانىڭدى بايقايسىڭ.
*** *** *** ***
قاتارىنان قالعان كارى جەتىم.
*** *** *** ***
قارا ارعىماق ارىسا — قارعا ادىم جەر مۇڭ بولار.
*** *** *** ***
قاسقىردان قايرات كەتسە،
ەشكىنى اپا،
تەكەنى جەزدە دەيدى.
*** *** *** ***
جاس ارقالاعاننان تاس ارقالاعان جەڭىل.
*** *** *** ***
جاس اعاشقا سۇيەنىپ، قۋ اعاش كۇن كورەر.
*** *** *** ***
كارى — كارىنىڭ ءسوزى ءدارى.
*** *** *** ***
جاس كەلگەن سايىن جان جاقىن كەلەدى.
*** *** *** ***
ءبىر اياعىم جەردە،
ءبىر اياعىم كوردە.
*** *** *** ***
تاباق اسىمەن جاراستى،
كارى جاسىمەن جاراستى.
*** *** *** ***
ءدام بار دا، دارمەن جوق.
*** *** *** ***
كوپ جاستىڭ ىشىندە ءبىر قاريا بولسا داڭ بولار،
كوپ كارىنىڭ ىشىندە ءبىر جاس بولسا دانا بولار.
*** *** *** ***
اۋىلىڭدا قاريا بولسا، جازىپ قويعان حاتتايىن،
العان جارىڭ جاقسى بولسا، ەرتتەپ قويعان ات دايىن.
*** *** *** ***
ەكى بالانىڭ ورتاسىنداعى ءبىر قارت بالا بولادى.
ەكى قارتتىڭ ورتاسىنداعى ءبىر بالا دانا بولادى.
*** *** *** ***
ونەگەلى قارت جوق جەردە،
ونەرلى بالا دا جوق.
*** *** *** ***
قارتايساڭ دا ءولىمدى ويلاما، ولەڭدى ويلا.
*** *** *** ***
قارتى بار ءۇيدىڭ قازىناسى بار.
وسەر ەلدىڭ قارتى قازىنا بولار،
وسپەيتىن ەلدىڭ قارتى قازىمىر بولار.
*** *** *** ***
ادام قارتايسا دا، ءومىر قارتايمايدى.
*** *** *** ***
كارى بىلگەندى پەرى بىلمەيدى.
*** *** *** ***
بۇرىنعىنىڭ كىسىسى — قازىرگىنىڭ كىشىسى.
*** *** *** ***
كارىگە قۇرمەت — بالاعا مىندەت.
*** *** *** ***
قارتىڭ بولسا، جازىپ قويعان حاتپەن تەڭ.
*** *** *** ***
ىلگەرى باسقان جاستى كەرى قايتقان كارى كەيىن تارتادى.
*** *** *** ***
التىعا دەيىن بالا ەركە،
الپىستان كەيىن شال ەركە.
*** *** *** ***
ءومىر قارتايسا دا،
كوڭىل قارتايمايدى.
*** *** *** ***
قاتارىنان قالعان كارى جەتىم.
*** *** *** ***
بەينەت، بەينەت ءتۇبى — زەينەت.
*** *** *** ***
ادام سابيىندە ءبىر بالا،
قارتايعاندا تاعى بالا.
*** *** *** ***
ەرگە ەردىڭ سەكسەنىندە ءىسى تۇسەدى.
*** *** *** ***
سۋ اعادى، تاس قالادى،
كارى كەتەدى، جاس قالادى.
*** *** *** ***
تارىنى بەرگەن كىسىدەن كورەيىن بە،
جەي الماعان تىسىمنەن كورەيىن بە.
*** *** *** ***
جارلىلىق، سەنى قايتەيىن،
جانداي دوستى جات ەتتىڭ.
كارىلىك، سەنى قايتەيىن،
سويلەر سوزگە مات ەتتىڭ.
*** *** *** ***
قىزىل قاريا بولماسا،
توپتا بەرەكە بولمايدى.
*** *** *** ***
جاسىڭدا جاڭىلشاق —
قارتايعاندا ۇمىتشاق.
*** *** *** ***
قارت جاقسى جاس ونەرىن قولداسا، كۇندەمەسە،
جاس جاقسى قارت اقىلىن تىڭداسا، تىلدەمەسە.
*** *** *** ***
جاسىندا بايقارى جوقتىڭ،
قارتايعاندا ايتارى جوق.
*** *** *** ***
اتتى جاسقا سىنات،
جاستى كارىگە سىنات.
*** *** *** ***
اقىلدى قارت ايىپ ىزدەمەيدى.
*** *** *** ***
قارتتىعىڭا ماقتانبا،
نارتتىعىڭا ماقتان.
*** *** *** ***
ۇلكەن ءيىلىپ تۇرسا،
كىشى ءۇيىرىلىپ تۇرادى.
*** *** *** ***
اقساقالى سيرەگەن اۋىلدان ار-يمان قاشادى.
*** *** *** ***
سارى اتاننىڭ ءقادىرىن
ەل قىدىرعان سارت بىلەر.
سەڭسەڭ توننىڭ ءقادىرىن
سەكسەندەگى قارت بىلەر.
*** *** *** ***
جاس ادەمى بولعانمەن،
قارت اقىلدى ەمەس پە.
*** *** *** ***
وتپەيتىن ءومىر جوق،
سىنبايتىن تەمىر جوق.
*** *** *** ***
كوپ جاساپ، كۇمىس بولعانشا،
از جاساپ، التىن بول.
*** *** *** ***
تىستا ۇزاق جۇرگەنىڭ،
ۇزاق ءومىر سۇرگەنىڭ.
You Might Also Like
-
قانت پەن جۇمىرتقا ارالاستىرىلىپ، ون بەس مينۋت بويى شايقالادى. مۇقيات تازالانعان بادام ۇساقتاپ تۋرالادى دا وعان قوساتىن باسقا زاتتارمەن قوسىپ ارالاستىرىلادى. ۇستىنە ۇن قوسىلىپ، قاتتى قامىر يلەنەدى. ...
