نەلىكتەن ادام ومىرىندە وتباسى ماڭىزدى ءرولدى اتقارادى؟
وتباسى - ادام ومىرىندەگى ەڭ باستى قۇندىلىق. كەز-كەلگەن ءسابي دۇنيەگە كەلگەننەن ساتتەن باستاپ وتباسىنى، قامقور اتا-انانى قاجەت ەتەدى.
بۇگىندە ءبارىمىز وتباسىنىڭ ماڭىزدىلىعىن جانە ونىڭ ءبىزدىڭ ومىرىمىزگە قالاي اسەر ەتەتىنىن بىلە بەرمەيمىز. شىن مانىندە، ادام بالاسىنىڭ ۇلى بايلىعى – ول وتباسى. نەلىكتەن ادام ومىرىندە وتباسى ماڭىزدى ءرولدى اتقارادى؟
بىرىنشىدەن، ءبىزدىڭ تۇلعا رەتىندە قالىپتاسۋىمىزدا وتباسىمىزدىڭ اتقاراتىن ءرولى وتە ۇلكەن. ياعني، ءبىزدىڭ ومىرگە دەگەن كوزقاراستىرىمىزدىڭ جانە تۇلعا رەتىندە قاسيەتتەرىمىزدىڭ قالىپتاسۋى اتا-انا تاربيەسىنەن باستالادى. اتا-انا بالاعا جاقسى تاربيە بەرە العان كەزدە عانا، ونىڭ بويىندا ەڭ جاقسى قاسيەتتەر قالىپتاسادى. وسى ورايدا، مەنىڭ ويىمشا ءبىزدىڭ ادامگەرشىلىگى مول، جاقسى ادام بولۋىمىزدىڭ كەپىلى – اتا-انانىڭ بەرەتىن يگى تاربيەسى.
ەكىنشىدەن، ادامنىڭ ءتۇرلى سفەرالاردا جەتىستىكتەرگە جەتۋى - ول اتا-انانىڭ جانە وتباسى مۇشەلەرىنىڭ قولداۋى. ءدال سول سەكىلدى، ومىرىمىزدە ءتۇرلى ساتسىزدىكتەر مەن قيىندىقتارعا تاپ بولعان كەزدە وتباسىڭنىڭ جانىندا بولىپ، قورعان بولۋى وتە ماڭىزدى.
ۇشىنشىدەن، وتباسى بىزگە جىلۋلىق، جايلىلىق، تىنىشتىق سىيلايدى. قالاي دەگەنمەن ۇيدە ءبىزدى جاقسى كورەتىن، تۇسىنەتىن، قيىن جاعدايدا قول ۇشىن سوزاتىن ادامدار قورشايدى.
تورتىنشىدەن، وتباسىنداعى قالىپتاسقان سىيلاستىق، سىپايىلىق باسقا ادامدارمەن جاقسى قارىم-قاتىناستا بولۋىمىزعا اسەر ەتەدى. تاعى قوسارىم، اتا-انا بەرەتىن تاربيە، ۇلگى، ناسيحات، وتباسىنداعى ادامداردىڭ ءوزارا قارىم-قاتىناسى بولاشاقتا ءوز شاڭىراعىمىزدىڭ جاقسى نە جامان بولۋىنا سەبەپ بولادى.
جوعارىدا ايتىلعان فاكتورلار سانى جاعىنان از بولۋى مۇمكىن، ءبىراق ءبىزدىڭ ومىرىمىزدە - وتباسى قۇنى ولشەنبەيتىن باقىت. ءار ادامعا وتباسى قاجەت. ءاربىر ادام ماحابباتقا، جاقسى تاربيەگە،سۇيىسپەنشىلىككە لايىقتى. سوندىقتان دا، بىزگە ءارقاشان قورعان بولا الاتىن وتباسىمىزدى سىيلايىق.
You Might Also Like
-
قازاقستاندا 172 مىڭ تۇلەك مەكتەپ بىتىرەدى، ونىڭ ىشىندە 6،8 مىڭ وقۋشى «التىن بەلگىگە» ۇمىتكەر.
-
مەن قازۇۋ ستۋدەنتىمىن. فيلوسوفيا جانە ساياساتتانۋ فاكۋلتەتى، ءدىنتانۋ ماماندىعىندا وقيمىن. وقۋ جىلى كوزدى اشىپ-جۇمعانشا وتە شىقتى، ەمتيحاندار مەن باقىلاۋلار اياقتالىپ، كاسىبي تاجىريبە باستالىپ كەتتى....
