وقۋدان شىعىپ قالعان ستۋدەنت مەملەكەت بەرگەن گرانتتى وتەۋى كەرەك پە
«قارجى ورتالىعى» اق گرانتتا وقيتىن ستۋدەنتتەردىڭ مىندەتتەرىن ءتۇسىندىردى.
وزدەرىڭىز بىلەتىندەي، گرانت تۇلەكتەرى ءۇش جىل جۇمىس ىستەۋگە نەمەسە ءوزىن وقىتۋعا جۇمسالعان اقشانى قايتارۋعا مىندەتتى.
گرانتتا تولىق وقىماعاندار جانە وقۋدان شىعارىلعاندار نە ىستەۋى كەرەك؟
مىسالى، ستۋدەنت گرانتقا ءتۇسىپ، 2023 جىلدىڭ قىركۇيەگىنەن وقي باستادى، ءبىراق 2 ايدان كەيىن ول ماماندىقتان باس تارتۋعا شەشىم قابىلدادى.
سودان كەيىن ول 2023 جىلى نەمەسە سول وقۋ جىلىندا باسقا (اقىلى) ماماندىققا اۋىسىپ، ءبىلىمىن جالعاستىرادى.
بۇل جاعدايدا ستۋدەنت ۋنيۆەرسيتەتتى بىتىرگەننەن كەيىن پروپورسيونالدى تۇردە جۇمىس ىستەپ، گرانتتى وتەيدى. ياعني، گرانتتا قانشا ۋاقىت وقىدى، سونشا جۇمىس ىستەيدى.
ال ەگەر ستۋدەنت كەلەسى وقۋ جىلىندا (2024 جىلدىڭ قىركۇيەگىندە) وقۋعا تۇسسە، وندا جۇمىسپەن وتەۋ دا مولشەرلەس بولىپ قالادى.
«ەستەرىڭىزگە سالا كەتەيىك، جۇمىسپەن وتەۋ ۇزاقتىعى — ءۇش جىل. ەگەر قانداي دا ءبىر سەبەپتەرمەن تۇلەك گرانتتى وتەگىسى كەلمەسە نەمەسە جۇمىس ىستەي الماسا، وندا ول اقشانى مەملەكەتكە قايتارۋى كەرەك» دەپ ەسكەرتەدى ورتالىقتان.
You Might Also Like
-
وتەمىس حاننىڭ ورداسىنا بارىپ وتىرعاننان كەيىن، حان وتەمىسكە اڭگىمەلەرىڭدى ايتا وتىر دەپتى، سوندا وتەمىس حانعا بىلاي دەپ ايتقان كورىنەدى:
-
بۇگىن قازاقستاندا دوكتورانتۋراعا تۇسۋگە ەمتيحان تاپسىرۋ باستالدى.
