پاۆلوداردا تورايعىروۆ وقۋلارى ءوتتى
حالىقارالىق تورايعىروۆ وقۋلارى وسىمەن سەگىزىنشى رەت ءوتتى. اتالمىش شارا قازاقتىڭ ءبىرتۋار ۇلىنىڭ ەسىمىمەن اتالاتىن پاۆلودار مەملەكەتتىك ۋنيۆەرسيتەتىندە داستۇرگە اينالعان.
وسى جولعى كونفەرەنسيا بارلىق قازاقستاندىقتار ءۇشىن ايتۋلى كۇن - ق ر تاۋەلسىزدىگىنە 25 جىل تولۋىنا وراي ءوتتى.
«تاۋەلسىزدىك ءۇنى - تاريحي كەزەڭ، اتا-بابالارىمىزدىڭ سان مىڭداعان جىلداردان بەرگى ارمانىنىڭ ورىندالعان كۇنى. بۇل مەرەكە اياسىندا سۇلتانماحمۇتتىڭ ليريكالىق ولەڭدەرى رەسپۋبليكانىڭ بارلىق ساحنالارىندا ورىندالادى دەگەن ويدامىن. ويتكەنى ول تاۋەلسىزدىكتى جىرلاپ وتكەن اقىن»،-دەدى ءپمۋ-نىڭ عىلىمي جۇمىستار جونىندەگى پرورەكتورى نۇرلان ەرجانوۆ.
سۇلتانماحمۇت تورايعىروۆ ۇلتتىق ادەبيەتتىڭ نەگىزىن سالۋشىلاردىڭ ءبىرى عانا ەمەس. ونىڭ ەسىمى تاۋەلسىزدىك پەن رۋحاني جاڭارۋدىڭ سيمۆولىنا اينالعان.
شارا بارىسىندا قازاق ءتىلى كافەدراسىنىڭ مەڭگەرۋشىسى ف.ع.ك. پروفەسسور ايمان زەينۋلينا تورايعىروۆتىڭ شىعارماشىلىعى جونىندە اڭگىمەلەسە، پروفەسسور ايتمۇحامبەت تۇرىشيەۆ ءوزىنىڭ سوزىندە قازاق اقىنىنىڭ مادەني، رۋحاني مۇراسىن تالدادى. وقۋلاردىڭ رەسمي بولىمىندە وسى شارانىڭ قۇرمەتتى قوناعى، زاگرەب ۋنيۆەرسيتەتىنىڭ پروفەسسورى ملادەن كۋچينيچ تا ءسوز سويلەدى.
You Might Also Like
-
قىتايدىڭ حۋنان شەت ايماعىندا 2016 جىلدىڭ تامىز ايىندا كەلۋشىلەر ءۇشىن اينەك كوپىر اشىلدى، ول الەمدەگى ەڭ بيىك جانە ەڭ ۇزىن كوپىر بولىپ سانالادى.
-
فوتوگراف دجون تەكرەي (John Tackwray) ءوزىنىڭ My room («مەنىڭ بولمەم») اتتى فوتوجوباسى شەڭبەرىندە ءتۇرلى ەلدەردىڭ تۇرعىندارىنىڭ بولمەلەرىن سۋرەتكە تۇسىرە ءجۇرىپ، ءىس جۇزىندە بۇكىل الەمدى ارا...
