InfoHub Logo

- امستەردام — نيدەرلاندتىڭ ەڭ ءىرى قالاسى، ءارى استاناسى.
- قالا اتى امستەل وزەنىنىڭ بويىندا ورنالاسقانىنا بوگەنگە قاتىستى اتالعان. قالا نەگىزى 12 عاسىردا كىشكەنە بالىق اۋلاۋشىلار ەلدى-مەكەنى رەتىندە پايدا بولىپ، بۇگىنگى تاڭدا 172 ۇلتتاردى قامتيتىن نيدەرلاندتىڭ ءىرى قالاسى.
- نيدەرلاند التىن ءداۋىرى كەزىندە الەمنىڭ ءىرى ساۋدا كەمەجايى، قارجى جانە گاۋھار ورتالىعى بولعان.
- حالىق سانى  821 مىڭنان استام ادام
- كولەمى: 219،4 شارشى شاقىرىم
- رەسمي ءتىلى: نيدەرلاند ءتىلى، فريزسك ءتىلى
- ۆاليۋتاسى: ەۋرو

نەمو مۇراجايى

نەمو مۇراجايى – نيدەرلاندىداعى بالالارعا ارنالعان ۇلكەن عىلىمي-تەحنيكالىق ورتالىق. ول ورتالىق ۆوكزال ماڭىندا، تەڭىزدە ءجۇزۋ مۇراجايىنىڭ قاسىندا ورىن تەپكەن. مۇراجاي الىپ تەڭىز تولقىنى ءتۇستى كەمە تۇرىندە يتاليان ساۋلەتشىسى رەنسو پيانونىڭ جوباسى بويىنشا سالىنعان. ول الىستاندا كوزگە تۇسەدى.

ينتەراكتيۆتى مۇراجاي ءوز قوناقتارىنا عىلىم مەن تەحنيكانىڭ قازىرگى الەمىن زەرتتەۋدى ۇسىنادى. ءارى وندا بارلىق ەكسپوناتتاردى قولمەن ۇستاۋعا بولادى، سونىمەن قاتار تاجىريبە جۇرگىزۋگە، دامبا سالۋعا، ادام ميىنىڭ جۇمىسىن زەرتتەۋگە، دنك-نىڭ نە ەكەنىن بىلۋگە جانە ءجاسوسپىرىم كەزىندە ادام اعزاسىمەن نە بولاتىندىعىن بىلۋگە بولادى. قىزىقتىراتىن ويىن تۇرىندە بالالار حيميا، فيزيكا، بيولوگيا جانە اقپاراتتىق تەحنولوگيالار نەگىزىمەن تانىسادى. 

كوكەنحوف قىزعالداقتار ساياباعى

كوكەنحوف — نيدەرلاندىداعى ۇلتتىق پاتشالىق گۇلدەر ساياباعى، سونىمەن بىرگە ول ەۋروپا ساياباعى دەپ تە اتالادى. ساياباق وراسان زور قىزعالداق پلانتاسيالارىمەن، ءارى جىل سايىن وتەتىن تاقىرىپتىق گۇلدەر كورمەسىمەن تانىمال. 2014 جىلى قىزعالداقتار گۇلدەۋ ماۋسىمىندا ساياباققا شامامەن ءبىر ميلليون ادام كەلدى.

ساياباق اۋدانى 32 گا جەردى الىپ جاتىر. كوكەنحوفتا وتىرعىزىلعان قىزعالداقتار سانى ادامدى قايران قالدىرادى — ءجۇز سۇرىپتى 4،5 ميلليون وسىمدىك. ساياباق اۋماعىندا ءۇش ورانجەرەيا ورنالاسقان: بىرەۋىندە (Oranje Nassau) ناركەس، قىزعالداق، بورتەگۇل وسىرىلەدى، ەكىنشىسىندە (Beatrix) — ورحيدەيالار، ال ۇشىنشىسىندە (Willem Alexander) — راۋشاندار وسىرىلەدى.

ساياباقتى اتاقتى گوللاند لاندشافت ساۋلەتشىلەرى زوحەرلار 1840 جىلى جاسادى. ساياباقتا كوپتەگەن اللەيالار، كوگالدار، كانالدار، توعاندار، گۇلزارلار گۇلدەردەن جاسالعان كىلەمدەر بار. كافە مەن مەيرامحانالار، سونىمەن بىرگە سۋۆەنير جانە گۇل دۇكەندەرى بار. ول جەردەن قىزعالداقتىڭ باداناسىن جانە باسقا وسىمدىكتەردىڭ كوشەتتەرىن ساتىپ الۋعا بولادى. بۇدان بولەك، ساياباقتا ناعىز شىنايى ديىرمەن ورنالاسقان. بۇندا ساياحاتشىلاردى ءداستۇرلى گوللانديالىق ۇن تارتۋ پروسەسىمەن تانىستىرادى.

امستەل كانالدارى

امستەردامدا امستەل وزەنىنىڭ قانشا كانالى بار ەكەنىن ناقتى ەشكىم ايتا المايدى. امستەردام كۆارتالدارىن جارتى شەڭبەر عىپ بەلبەۋلەيتىن امستەلدىڭ بەس باستى كانالى ءوزارا ورلارلارمەن بايلانىستى، ناتيجەسىندە قالادا اتاقتا سۋ ءلابيرينتى قالىپتاستى.
امستەردامداعى امستەل قانالدارى تاۋلىكتىڭ كەز-كەلگەن ۋاقىتىندا تانداندىرادى. كەشكى جانە تاڭەرتەڭگى ۋاقىتتا كۇن ساۋلەلەرى ولاردى كۇلگىن تۇسكە بويايدى. ال كۇندىز ولار جاعالاۋداعى وتىرىلعىزعان اعاشتار سۋعا شاعىلىساتىندىقتان جاسىل بولىپ كورىنەدى.
بۇل كانالدار امستەردامنىڭ اشەكەيلەرىنىڭ ءبىرى عانا ەمەس، سونىمەن بىرگە كوشپەندى ءومىردى ۇناتاتىن ادامداردىڭ تۇراتىن مەكەنى. كانالداردا كوپتەگەن باركتەر ورنالاسقان، جانە ولاردىڭ قوجايىندارى وزدەرىن وسىنداي جۇزبەلى پاتەرلەردە جاقسى سەزىنەدى.

 

---