قوش كەلدىڭ، ءاز ناۋرىز! ناۋرىز مەيرامى تۋرالى سەناريي قازاقشا
سەناريي تاقىرىبى: قوش كەلدىڭ، ءاز ناۋرىز!
سەناريي ماقساتى: ناۋرىز مەيرامى تۋرالى تۇسىنىك بەرۋ ارقىلى قازاق حالقىنىڭ سالت – ءداستۇرىن كورسەتۋ جانە ونى قۇرمەتتەي بىلۋگە تاربيەلەۋ.
سەناريي كورنەكىلىگى: «ناۋرىز - 2025» گازەتى، ناقىل، قاناتتى سوزدەر، كيىز ءۇي، داستارحان، سۋرەتتەر كورمەسى.
سەناريي بارىسى: كىرىسپە.
ءمۇعالىم: - ارمىسىزدار، ۇستازدار، اتا – انالار، قوناقتار! ءبارىمىزدىڭ اسىعا كۇتكەن ناۋرىز تويىمىز كەلىپ جەتتى. تويلارىڭىز قۇتتى بولسىن!
ناۋرىز – «جاڭا كۇن» دەگەن ءسوز. بۇل كۇن – ءبىزدىڭ اتا – بابالارىمىز، ارعى تەگىمىز مىڭداعان جىلداردان بەرى تويلاپ كەلە جاتقان جىل باسى مەرەكەسى. ناۋرىز تويىمىز قۇتتى بولسىن! ۇلىستىڭ ۇلى كۇنى دەپ اتالعان ناۋرىزدا دەنساۋلىقتارىڭىز مىقتى بولسىن، تىلەكتەرىڭىز قابىل بولسىن!
1 – جۇرگىزۋشى: ناۋرىز – كوكتەم مەرەكەسى.
ناۋرىز – جىل باسى.
ناۋرىز – جاڭا سەرپىن، جاڭا لەپ.
2 - جۇرگىزۋشى: ناۋرىز – قۋانىش مەرەكەسى،
باقىت پەن شاتتىق مەرەكەسى.
1 - جۇرگىزۋشى: ناۋرىز – شارۋانىڭ مەرەكەسى.
ناۋرىز – ەڭبەك مەرەكەسى.
2 - جۇرگىزۋشى: ارمىسىڭدار، حالايىق،
بارمىسىڭدار، حالايىق.
ناۋرىز تويىن جۇپ جازباي
جىلدا قارسى الايىق.
1 - جۇرگىزۋشى: ال، حالايىق، تۇرمايىق،
اندەتەيىك جىرلايىق!
ورتامىزدى اشايىق،
ىرىس تىلەپ بۇل جىلعا،
جىردان شاشۋ شاشايىق!
حور: «ناۋرىز توي»
ايا: قىس ءوتىپ قار كەتتى،
جىرلايىق جاز جەتتى.
مەيرامى ەجەلدەن
قۇتتى بولسىن ناۋرىز!
جازيرا: ءانىم دە ساعان، ءبيىم دە،
قۇت قوناق ءوزىڭ ۇيىمدە.
قۋانىش سىيلار ەلىمە،
كۇلىمدە، ناۋرىز، كۇلىمدە.
ايجان: كۇن مەنەن ءتۇن تەڭەلدى،
جەر شۋاققا كەنەلدى،
قۋانىشتا ەل ەندى.
ناۋرىز كەلدى سالتىمىز:
كوگەرسىن دەپ حالقىمىز
كوشەگە تال ەگەدى.
ناۋرىز تويى - بەرەكە،
ناۋرىز تويى – جىر – اڭىز.
ءمۇعالىم: ناۋرىز ايى – شىعىس كۇن ەسەبى بويىنشا جىلدىڭ العاشقى ايى. بۇل ايدا جىلدىڭ العاشقى ايى ەسەبىندە كۇن مەن ءتۇن تەڭەلەدى، سول سەبەپتەن ناۋرىز جىل باسى بولىپ سانالادى.
1 - جۇرگىزۋشى: جاۋقازىنداي جايقالعان گۇلدەرمىز ءبىز،
ۇتارمىز ءبىز، قولداساڭىز ءسىز.
باقىت، شاتتىق، كوڭىلگە ارمان تىلەپ،
ومىردە بولماسىنشى ىزعار مەن سىز.
2 - جۇرگىزۋشى: قۇرمەتتى قوناقتار مەن ۇستازدار! ءبىزدىڭ سىنىبىمىزدىڭ وقۋشىلارى ءوزارا ب ا ق سىناسىپ، سايىسقا تۇسپەكشى. ەندەشە، كوپ كۇتتىرمەي سول وقۋشىلارىمىزدى ورتاعا شاقىرايىق.
1 – جۇپ: ديلناز بەن ارسەن
2 – جۇپ: بەرجان مەن گۇلجان
3 – جۇپ: مەرۋەرت پەن ايدىن
1 - جۇرگىزۋشى: سايىس باعدارلاماسى 5 بايقاۋدان تۇرادى.
1 – ءبولىم: «كەل، تانىسايىق»،2 - ءبولىم: «اعاش كوركى جاپىرىق»، 3 - ءبولىم: «ونەرلى ورگە جۇزەر»، 4 - ءبولىم: «مەنى جالعاستىر»، 5 – ءبولىم: «ويۋ ويعاننىڭ ويى ۇشقىر».
2 - جۇرگىزۋشى: ءادىل – قازى بەرەدى،
وزدەرىڭە سىيلىقتى.
بىزگە ايتىپ بەرەدى،
كىم ونەرلى، كىم مىقتى؟ - دەپ ءادىل – قازىلار القاسىمەن تانىستىرىپ وتەدى.
نۇردوس: اقپان كەتتى اراز بوپ ناۋرىزبەن،
ناۋرىز ءجۇر جوعالعان باعىن ىزدەپ.
كوكتەم جەتتى كورىسىپ، جانىن ۇزگەن
قىس اتتاندى قوشتاسىپ تاعى بىزبەن.
نازگۇل: ناۋرىزدى ءتاڭىر بىزگە ءناسىپ ەتكەن،
مەيىرىم تانىسىن دەپ تاسىپ وتكەن.
ناۋرىز ءسان – سالتانات، ۇلتتىق رۋح،
باقىتتى ناۋرىزى بار حالقىم نەتكەن!
1 - جۇرگىزۋشى: دەگەن ەكەن قازاق حالقى «سالەم – ءسوزدىڭ اناسى،»
بىلەدى ونى ەڭكەيگەن قارت، ەڭبەكتەگەن بالاسى.
امانداسۋ – ىزگىلىكتىڭ، سىپايىلىقتىڭ بەلگىسى،
سالەم دوستار! امانسىڭ با؟ قالايسىڭ؟ – دەپ «كەل، تانىسايىق!» اتتى ءبولىمىمىزدى باستايمىز. ورتاعا سايىسكەرلەرىمىزدى شاقىرامىز.
2 - جۇرگىزۋشى: كەلەسى ءبولىمىمىز «اعاش كوركى جاپىراق» دەپ اتالادى. بۇل بولىمدە سايىسكەرلەرىمىز جاپىراقتاردى الىپ، ونداعى سۇراقتار جاۋاپ بەرەدى. جاۋاپ بەرگەن سوڭ جاپىراقتى مىنا تالعا ءىلىپ، اعاشتى بەزەندىرەدى.
1 – سۇراق: ابايدىڭ شىن اتى كىم؟ (يبراھيم)
2 – سۇراق: 1 دەسيمەتردە نەشە سانتيمەتر بار؟ (10سم)
3 – سۇراق: ادام ومىرىنە قاجەتتى 5 جاعداي...(اۋا، تاعام، جىلۋ، جارىق، سۋ)
4 – سۇراق: قىزىل كىتاپ نە ءۇشىن قاجەت؟ (ازايىپ بارا جاتقان جانۋارلار مەن وسىمدىكتەردى قورعاۋ ءۇشىن قاجەت)
5 – سۇراق: زات ەسىم دەگەنىمىز نە؟ (زاتتىڭ اتىن بىلدىرەتىن سوزدەردى زات ەسىم دەيمىز. زات ەسىمدەرگە نە؟ نەلەر؟ كىم؟ كىمدەر؟ دەگەن سۇراقتار قويىلادى. زات ەسىمنىڭ جالپى، جالقى جەكەشە، كوپشە سياقتى تۇرلەرى بار.)
6 – سۇراق: جۇمباق
اعاشتاردىڭ كوسەمى
ماڭگى جاسىل بۇتاعى.
مەكەن عىپ تاۋ ولكەنى،
كاۋسار اۋا جۇتادى. (شىرشا)
البينا: ناۋرىزىم عاجاپ تۋىسىڭ،
ۇلىستىڭ ۇلى كۇنىسىڭ.
جىلىتتىڭ جەردىڭ جۇرەگىن،
جۇرەگى ەلدىڭ جىلىسىن.
بەرەكەت: ناۋرىزىم - تويلى نۇرلى كۇن،
مەرەيىڭ اسىپ تۇر بۇگىن.
جەرىمنىڭ ءجۇزىن جىلىتتىڭ،
ەلىمنىڭ ساقتا بىرلىگىن!
ءان: «اققۋىم مەنىڭ» ورىندايتىن ورازبايەۆا ايا.
1 - جۇرگىزۋشى: كەدەيمىن دەپ قىسىلما،
ونەرىڭ بولسا قولىڭدا.
ونەرلىنىڭ ىرىسى
جارقىراپ جاتىر جولىندا.
سايىستا ءان سالايىق، بي بيلەيىك،
ونەرمەن ورگە باسىپ كىدىرمەيىك.
(ءار جۇپ ءوز ونەرلەرىن كورسەتەدى.)
اقمەرەي: اردا ءوسىپ، ادال ەمگەن اق ۋىزىڭ،
قالدىرعان عاسىرلارعا ءنارلى ءىزىن.
كوك ءبورىلى بايراعىن جەلبىرەتىپ،
كوك تۇرىكتەر تويلاعان ناۋرىزىم.
اركەن: ناۋرىز – دوستىق، ناۋرىز – كۇن،
بارشا حالىق بىرلىگى.
تاعى كەلدى ۇلىس كۇن،
جالعاسىپ عالام تىرلىگى.
اقنيەت: ناۋرىز تويى – بەرەكە،
ناۋرىز تويى – جىر – اڭىز.
قىزىق دۋمان - مەرەكە،
قىزىق دۋمان قۇرامىز.
2 - جۇرگىزۋشى: كەلەسى ءبولىم «مەنى جالعاستىر» دەپ اتالادى. بۇل بولىمدە كارتوچكا الىپ، ىشىندەگى ماقالدى نەمەسە ولەڭ جولدارىن جالعاستىرادى.
ورتاعا بارلىق سايىسكەرلەرىمىزدى شاقىرامىز.
1) ادەپتى بالا – ارلى بالا،
.............................................
ولەڭدى جالعاستىر
................. توڭبايمىن،
.................. قورعايمىن.
ويىنعا ءبىر. ..................
سەكەڭدەۋدى . ....................
2) تاۋلى جەر بۇلاقسىز بولماس،
...................................................
ولەڭدى جالعاستىر.
..................... سايرايدى،
..................... جاينايدى.
...................... قۇلپىرىپ،
....................... سىيلايدى.
3) ءبىر تال كەسسەڭ -. .........................
ولەڭدى جالعاستىر.
................. اتپايمىز،
................. ساتپايمىز.
.................. قورعايمىز،
................. اقتايمىز.
1 - جۇرگىزۋشى: سىرماق ويىپ، تەكەمەت، كيىز باسقان،
ونەرلى شەبەرلەر بار داڭقى اسقان.
«شەشە كورەگەن تون پىشەر» دەگەن راس،
قىزدارىمىز شەبەر قولعا ارالاسقان، - دەي وتىرا قىزدارىمىزدىڭ ويۋ ويۋىنىڭ كەرەمەتىن تاماشالايىق. ورتاعا قىزدارىمىزدى شاقىرايىق.
2 - جۇرگىزۋشى: ەندى ۇلدارىمىزدىڭ مەرگەندىگى مەن شىدامدىلىعىن انىقتاۋ ماقساتىندا اسىق اتىپ جارىستىرايىق. ورتاعا ۇلدارىمىزدى شاقىرايىق.
1 - جۇرگىزۋشى: كورسەتتى ونەرلەرىن جاڭا عانا،
سىنالىپ ۇلكەندەردەن ۇلگى الۋعا.
سالتى بار ونەرلى وسى ورتادا،
بەرەر دەپ ءادىل – قازى ءادىل باعا – دەپ، ءادىل – قازىلارعا ءسوز كەزەگىن بەرەمىز.
2 - جۇرگىزۋشى: كەلەر كۇنگە بار ءۇمىتتى تابىنتىپ،
بار حالىقتى قۋانتاتىن بۇل قاي كەز؟
حورمەن: ناۋرىز!
1 - جۇرگىزۋشى: شاشۋ! شاشۋ!
كوپ شاشايىق شاشۋدى،
جاۋعانداي كەپ اسپاننان نوسەر جاڭبىر.
ۋا، جاماعات، تەرىپ ال نەسىبىڭدى،
ريزىعىڭ بولسىن كول – كوسىر!
2 - جۇرگىزۋشى: قاشاندا قۇت – بەرەكە ورناسىن دەپ،
تويلاردا شاشۋ شاشۋ - سالتى ەلىمنىڭ.
ۋا، حالايىق! تەرىپ ال نەسىبىڭدى،
قابىل بولسىن، جاماعات، اق تىلەۋىڭ!
قۇتتىقتاۋ ءسوز ديرەكتوردىڭ باستاۋىش سىنىپتار بويىنشا وقۋ – تاربيە جونىندەگى ورىنباسارىنا، اتا – انالارعا بەرىلەدى.
ناۋرىز مەيرامى، ناۋرىز پرازدنيك نا كازاحسكوم يازىكە سەناريي، ناۋرىز مەيرامى تۋرالى سەناريي قازاقشا، ناۋرىز مەيرامى سەناريي قازاقشا، ناۋرىز ەرتەڭگىلى
You Might Also Like
-
"باۋىرساق" ەرتەگىسى - بۇل قازاق حالقىنىڭ تانىمال ەرتەگىسى. ونىڭ قىسقاشا مازمۇنى بىلاي بولادى:
