قويا تۇرىڭدار،
ايتىلا جاتار ارناۋلار.
ايالداي تۇرىڭدار،
اسىعىستىققا بارماڭدار،
ءالى دە تالاي قۇلدىراۋ بار دا، سامعاۋ بار،
ءالى دە نەلەر تانىلماي جاتقان تارلان بار.
وسىمىز قالاي؟
جىرىمىز نەگە تىم ارزان؟!
ارناۋ جازباساق، شىقپايتىن بولدىق قۇماردان.
قىرسىعى تيمەس،قىسقارسىن «فابريكالار »
ارزان باعامەن ارناۋ ولەڭدەر شىعارعان!
اقىننىڭ ءسوزى التىننان قۇندى كەلەتىن،
ارزانداپ كەتتىك، اعايىندار-اۋ، نەگە تىم؟
قۇشىناش بولىپ كەتپەسەك بىزدەر جارادى،
كورىنگەن جانعا ىشىرتكى جازىپ بەرەتىن.

---