InfoHub Logo

مۇسىلمان ەر مەن ايەل ازات، اقىلى تولىق بولسا، قاجەتتىلىگىنەن ارتىق مولشەردە مالى نەمەسە اقشاسى بار بولسا، قۇربان ايتقا نيەت ەتىپ، ايتتىڭ ءۇشىنشى كۇنىنىڭ كەشىنە دەيىن ءبىر مال سويۋى ءۋاجىپ بولادى. قاجەتتىلىك زاتتارى: 1 ءۇي، 1 ايلىق ازىق-تۇلىك، 3 قابات كيىم، تۇرمىستىق زاتتار، قىزمەتشىلەر، مىنەر كولىك قۇرالدارى، كاسىپتىك كىتاپتار، قىزمەتشىلەر جانە تولەيتىن قارىزدارى.

قۇرباندىق — قوي، ەشكى، سيىر جانە تۇيەنىڭ ءبىرىن قۇربان ايتتىڭ العاشى 3 كۇنىندە قۇرباندىق نيەتىمەن سويۋ دەگەن ءسوز. سيىر نەمەسە تۇيەنى 7 ادام بىرىگىپ الىپ، سويۋىنا بولادى. بۇل مالداردى كەدەي ادامعا نەمەسە قايىرىمدىلىق قوعامدارىنا تىرىدەي ساداقا بەرۋ نەمەسە اقشاسىن بەرۋ قۇرباندىق بولىپ سانالمايدى.

قۇرباندىق شالاتىن نەمەسە دىنگە ساي ەتىپ سوياتىن جەرلەرگە، مىسالى ستۋدەنتتەر مەن كەدەيلەرگە كومەك بەرەتىن قايىرىمدىق قورلارى سياقتى جاردەم ۇيىمدارىنا بارىپ، ءدىني داستۇرگە ساي تۇردە سويعىزۋ كەرەك.

ءبىر كوزى كورمەيتىن، اقساق، تىستەرىنىڭ جارتىسى جوق، كوزىنىڭ، قۇلاعىنىڭ جانە قۇيرىعىنىڭ باسىم بولىگى، الدىڭعى نەمەسە ارتقى ءبىر اياعى كەسىلگەن، وتە ارىق مال قۇرباندىققا شالىنبايدى.

قۇرباندىققا شالىنعان مال مەن بارلىق جانۋاردىڭ جەتى جەرىن جەۋگە بولمايدى: اققان قانىن، جىنىس مۇشەسىن، بەزدەرىن، قۋىعىن، ءوتىن، ۇرعاشى مالدىڭ الدىن، جۇمىرتقا بەزىن.

قۇرباندىق ەتتىڭ ۇشتەن ءبىرىن ۇيىنە، ۇشتەن ءبىرىن كورشىلەرىنە، قالعانىن كەدەيلەرگە بەرۋ ءمۇستاھاب. بارلىعىن كەدەيگە بەرۋگە نەمەسە بارلىعىن ۇيدە قالدىرۋعا دا بولادى. تەرىسى ناماز وقيتىن كەدەي ادامعا بەرىلەدى نەمەسە ۇيدە قولدانىلادى.

---