InfoHub Logo

ساباقتىڭ تاقىرىبى: قۇستاردىڭ قىسقا دايىندىعى.
ساباقتىڭ ماقساتى: 1. قۇستار تىرشىلىگىندەگى ماۋسىمدىق وزگەرىستەر، قۇستاردىڭ قىسقى تىرشىلىگى جايىندا ماعلۇمات بەرۋ.
2. وقۋشىلارعا ءتىرى جانە ءولى تابيعاتتىڭ اراسىنداعى بايلانىستى ءتۇسىندىرۋ ارقىلى دۇنيەتانىمىن دامىتۋ، سوزدىك قورىن دامىتۋ.
3. قۇستارعا قامقورلىق جاساۋ، تابيعات سىرىن تۇسىنۋگە تاربيەلەۋ.
ءپانارالىق بايلانىس: انا ءتىلى.
كورنەكىلىگى: سۋرەتتەر، ينتەراكتيۆتى تاقتا، سلايدتار.

ب ا ر ى سى:
1. ۇيىمداستىرۋ كەزەڭى. پسيحولوگيالىق دايىندىق جاساۋ: باياۋ مۋزىكا ىرعاعىمەن:
مەيىرىمدى جۇرەكپەن،
اق پەيىلدى تىلەكپەن.
امانداسىپ الايىق
ءبىر جادىراپ قالايىق. (سلايد 2)
2. سۋرەتتەر تاراتۋ ارقىلى 2 توپقا ءبولۋ:
1 - توپ قۇلىنشاقتار.
2 - توپ قوشاقاندار. انا تىلىنەن وقىعان تولدەر تۋرالى ولەڭدەرىن ەسكە ءتۇسىرۋ.
3. شيراتۋ. ءار توپقا سۇراقتار قويۋ.

1. قۇلىنشاقتارعا:
" قىستا بولاتىن ىزعارلى سۋىق (اياز)
" ايازدىڭ اسەرىنەن قاتقان سۋ (مۇز)
" ارقاسىندا تاۋى بار جانۋاردى اتا (تۇيە)
" قۇستا قانات، ادامدا..... (قول)

2. قوشاقاندارعا:
" بۇزاۋدا ءتورت اياق، ال ادامدا........ (ەكى اياق)
" ۇيرەك، تاۋىق، قاز، اتەش؟ (ءۇي قۇستارى)
" جاڭا جاۋعان تازا قار (اقشا قار)
" ءوزىڭدى نەدەن كورە الاسىڭ؟ (اينادان)
4. ەندەشە دايىن بولساق ءۇيتاپسىرماسىن ەسكە تۇسىرەيىك.
1-توپ. اڭداردىڭ تۇلەۋى (سل 4)
2 - توپ مالدى قىستا كۇتىپ باعۋ.(سل. 5) 1 - 2 بالادان مازمۇنىن سۇراۋ.

ءۇي تاپسىرماسىن بەكىتۋ: مالدى كۇتىپ باعۋعا بايلانىستى ماقال - ماتەل ايتىپ جارىسۋ.(سلايد 6) جەڭگەن توپقا جۇلدىزشا تاراتىپ بەرىپ وتىرۋ. وتە جاقسى - قىزىل، جاقسى - كوك ءتۇستى

وي قوزعاۋ:
- بالالار ءقازىر جىلدىڭ قاي مەزگىلى؟، ءبىزدىڭ اينالامىزدا سايراعان كوپ قۇستاردى كورەمىز بە، ولار قايدا كەتكەن؟ (سلايد 7)
توپتارعا جۇمباق جاسىرۋ:(جاڭا تاقىرىپتى بولجاۋ ماقساتىندا)
سل 8 كۇندىز سوقىر نە دەگەن،
تۇندە سونداي كورەگەن. (ۇكى)
سل. 9 سۋدان شىقسا بالاداي،
ءتاي - ءتاي باسىپ قالادى - اي. (ۇيرەك)
سل، 10. قۇيقىلجىتىپ دالا كۇيىن،
ءۇي ىشىنە سالادى ءۇيىن. (قارلىعاش)
سل. 11. تۇمسىعى - قاشاۋ، كاسىبى - ءۇي جاساۋ،
اعاشتى قورعاپ، زيانكەستەردى اساۋ. (توقىلداق)

5. جاڭا ساباق
- ءبىز نەلەر تۋرالى جۇمباقتار شەشتىك؟. ولاي بولسا ءبىزدىڭ بۇگىنگى ساباعىمىز قۇستاردىڭ قىسقا دايىندىعى تۋرالى بولماق. (سلايد 12)
سل 13. جالپى ءبىزدىڭ جەرىمىزدە قۇستاردىڭ سان الۋان ءتۇرى مەكەندەيدى. قۇستاردىڭ 8600 ءتۇرى بار. ولاردىڭ باسقا جانۋارلاردان ەرەكشەلىگى: ولار ۇشادى ەكەن.( سل. 14)
ا) ماتىنمەن جۇمىس جاساۋ.( سل. 15، 16، 17 كورسەتۋ ارقىلى ءماتىندى وقىپ، اڭگىمەلەپ بەرەمىن)
ءا) سل. 18. قۇستار ءتۇرلى زيانكەستەردى تەرىپ جەۋ ارقىلى تابيعاتقا كوپ پايدا كەلتىرەدى. (قوسىمشا مالىمەتتەر بەرۋ)
ب) سل. 19. ەسىڭە ساقتا: كۇزدە جىلى جاققا ۇشىپ كەتىپ، كوكتەمدە تۋعان جەرگە قايتىپ ورالاتىن قۇستاردى جىل قۇستارى دەيمىز.
ۆ) تۇسىنىكسىز سوزدەرمەن جۇمىس جۇرگىزۋ.
د) 1 - 2 بالاعا مانەرلەپ وقىتامىن.
سەرگىتۋ ءساتى: مۋزىكامەن: مەنىمەن بىرگە قايتالا.

توپتارمەن جۇمىس جۇرگىزۋ:
1. قوشاقاندارعا: سل. 21.
- سۋرەتتە قۇستاردىڭ جىلى جاققا ۇشىپ بارا جاتقان تىزبەكتەرى بەينەلەنگەن. قاي تىزبەك قاي قۇستىكى ەكەنىن انىقتاپ، سۋرەتتى ورنىنا قويۋ كەرەك.
- جىل قۇستارى جىلدىڭ قاي مەزگىلىندە جىلى جاققا ۇشادى، نەلىكتەن؟
ءمۇعالىم: قۇستاردىڭ ۇشۋ تىزبەگى بويىنشا قوسىمشا ماعلۇمات بەرۋ. سل. 22.
2. قۇلىنشاقتارعا. سل. 23.
- قۇستاردى اتاپ، ونىڭ ىشىندە ۇشا المايتىن قۇستاردى V بەلگىلە.
- قىستاپ قالاتىن قانداي قۇستاردى بىلەمىز؟
ءمۇعالىم: ۇشا المايتىن پينگۆين، دۋاداق جايلى قوسىمشا ماعلۇمات بەرۋ. سل. 24.

6. ساباقتى قورىتۋ: " جەمشاشار" ويىنىن ويناۋ. سل. 25.
ءاربىر بالاعا سۇراقتار جازىپ بەرىپ، جەمشاشارعا اكەپ جاۋاپ بەرىپ، جاپسىرادى.
تورعاي، تورعاي تورعايسىڭ،
جاقىن كەلىپ قونعايسىڭ.
جەم شاشايىن تويىپ ال،
سوندا ايازعا توڭبايسىڭ.

7. ۇيگە تاپسىرما: سل. 26. ءماتىندى وقىپ، سوڭىنداعى سۇراقتارعا جاۋاپ بەرۋ.
8. بىلىمدەرىن باعالاۋ.