- 03 ءساۋ. 2015 00:00
- 203
ساۋساقتارىمىز نە ءۇشىن تىرسىلدايدى؟
ساۋساقتارىمىزدا ەكى سۇيەكتىڭ قوسىلعان جەرىندە بايلانىس كاپسۋلاسى بار. ساۋساق بۇل كاپسۋلانىڭ ىشىندە سۇيەكتەردىڭ ارەكەت ەتۋى بارىسىندا سول جەرلەردى مايلايتىن ءبىر سۇيىقتىق بار. بۇل سۇيىقتىقتىڭ وتتەگى، ازوت جانە كومىرتەگى گازدارىنان قۇرالعان.
دەنەمىزدىڭ ەڭ وڭاي تىرسىلدايتىن بۋىندارى ساۋساقتارىمىز بولىپ تابىلادى. ساۋساقتارىمىز كەرىلگەن كەزدە بۋىندار تۇزەلىپ، كاپسۋلا دا كەرىلەدى. كاپسۋلانىڭ ىشىندەگى سۇيىقتىقتىڭ قىسىمى ازايىپ، گاز كوپىرشىكتەرى جارىلادى. ءبىزدىڭ قۇلاعىمىزعا ەستىلەتىن مىنە وسى دىبىستار. جارىلعان كوپىرشىكتەر ناتيجەسىندە گازدار بۇل سۇيىقتىقتان ءبولىنىپ شىعادى جانە سۇيىقتىق تاعى دا كەڭەيىپ بۋىنداردىڭ ارەكەت ەتۋ قابىلەتىن ارتتىرادى.
ءبىر ساۋساعىڭىزدى بىرنەشە رەت تىرسىلداتا المايسىز. ءبىراز ۋاقىت كۇتۋىڭىز كەرەك. ويتكەنى گاز كوپىرشىكتەرى سۇيىقتىقتىڭ ىشىندە تاعى دا ءتۇزىلۋى ءۇشىن ءبىراز ۋاقىت قاجەت بولادى.