فۋتبول تۋرالى قىزىقتى 7 فاكت
1. نورۆەگيا ۇلتتىق قۇراماسى، برازيليا قۇراماسىمەن ويناپ جەڭىلمەگەن جالعىز كوماندا. اتالمىش ەكى كوماندا ءوزارا ءتورت رەت كەزدەسكەن. نورۆەگيا قۇراماسى ەكى رەت جەڭىپ، ەكى رەت تەڭ تۇسكەن.
2. 2010 جىلى بارسەلونا كلۋبى Qatar Foundation ۇجىمىمەن دەمەۋشىلىك كەلىسىم شارتقا وتىردى. بۇل شارت بويىنشا بارسەلونا كلۋبى اراب ەلدەرىندە ساتىلاتىن ءوزىنىڭ فۋتبولكالارىنداعى لوگتيپتەردى وزگەرتۋ كەرەك ەدى. لوگوتيپتەگى مۇسىلمانداردىڭ سەنىمدەرىنە قايشى كەلەتىن كرەست بەلگىسىن وزگەرتۋ كەرەك بولاتىن. بارسەلونا كلۋبى بۇل شارتپەن كەلىستى جانە لوگوتيپتەگى گوريزونتال جاتقان قىزىل سىزىقشانى الىپ تاستادى.
3. 1998 جىلى كونگو دەموكراتيالىق رەسپۋبليكاسىندا بولعان ماچتا، الاڭعا نايزاعاي تۇسەدى. ناتيجەسىندە قوناق بولىپ كەلگەن كوماندانىڭ 11 فۋتبولشىسى ولەدى، جانكۇيەرلەردەن 30 شاقتى ادام كۇيىك جاراقاتىن الادى. ءبىر قىزىعى – الاڭ يەلەرىنىڭ 11 ويىنشىسىنا ەشنارسە بولمايدى.
4. انگليا چەمپيوناتى تاريحى بويىنشا "ويناپ ءجۇرىپ جاتتىقتىرعان" ەڭ جاس جاتتىقتىرۋشى ءالى كۇنگە دەيىن ايۆور بروديس (Ivor Broadis) بولىپ تابىلادى. 1946 جىلى ول كارلايل يۋنايتەد كومانداسىن جاتتىقتىرا باستادى، ول كەزدە ونىڭ جاسى نەبارى جيىرما ۇشتە ەدى. سودان ءۇش جىلدان كەيىن ول ءوزىن ساندەرلەند كومانداسىنا 18 مىڭ فۋنتقا ساتتى، ول كەزدە بۇل سۋمما ءىرى بولاتىن.
5.گۋۋس حيددينك ءوزىنىڭ باپكەرلىك كاسىبىن «دە گرافسحاپ» كومانداسىندا باستادى. سول كوماندادا 3 جىل جۇمىس اتقارعاننان كەيىن، ول ءوزىنىڭ كاسىبىن پسۆ (Philips Sport Vereniging، PSV) كومانداسىندا جالعاستىردى. پسۆ كومانداسىندا وتكىزگەن 1 جىلدان كەيىن، «دە گرافسحاپ» كومانداسىنىڭ جانكۇيەرلەرى ءوز قالتالارىنان 40 مىڭ گۋلدەن جيناپ، گۋۋس حيددينكتى قايتا «دە گرافسحاپ» كومانداسىنا الدىرتتى.
6. گوندۋراس قۇراماسىنىڭ سالۆادور قۇراماسىنان جەڭىلۋى، اتالمىش ەكى ەلدىڭ اراسىندا 6 كۇندىك قاقتىعىستار تۋعىزدى.
7. فۋتبول تاريحىندا تورەشىلەردىڭ ءوز وزدەرىنە قىزىل قاعاز كورسەتكەن ۋاقيعالارى دا بولعان. “پيتەربورو نورت ەند” – “رويال مەيل” ماچىندا تورەلىك ەتكەن ەندي ۋەين ءوز وزىنە قىزىل قاعاز كورسەتكەن. ول ماچتا قاقپاشىمەن كەزەكتى رەت ەرەگىسىپ قالىپ، جاعدايدى ۋشىقتىرماس ءۇشىن وز-وزىنە قىزىل قاعاز كورسەتىپ، الاڭنان كەتە بارعان. “ساۋتگەمپتون ارمس” جانە “حەرستبورن تاررانت بريتيش لەگيون” كوماندالارى اراسىنداعى ماچتى تورەلىك ەتكەن مەلۆين سيلۆەستر، ءبىر فۋتبولشىمەن ەرەگىسىپ، ونى ۇرىپ، سودان كەيىن وزىنە قىزىل قاعاز كورسەتىپ الاڭنان قۋىلعان.
You Might Also Like
-
قىتايدى بۇكىل الەم تانيدى، ونىڭ ونىمدەرى ميلليونداعان دۇكەندەردىڭ سورەلەرىندە ساتىلۋدا، سوعان قاراماستان ول ەل تۋرالى ماعلۇماتىمىز وتە از سوندىقتان سىزدەردىڭ نازارلارىڭىزعا بىرنەشە سۋرەتتەر ۇسىنامىز.
