سوڭعى قوڭىراۋ: تۇلەكتەر كۇنى قۇتتىقتاۋلار مەن تىلەكتەر

 سوڭعى قوڭىراۋ: تۇلەكتەر كۇنىنىڭ ماڭىزى جانە قۇتتىقتاۋلار

جىل سايىن 25 مامىر – قازاقستانداعى مەكتەپ تۇلەكتەرى ءۇشىن ەرەكشە كۇن. بۇل كۇنى مەكتەپتەردە "سوڭعى قوڭىراۋ" ءراسىمى وتەدى، بۇل – وقۋ جىلىنىڭ رەسمي اياقتالۋىن بىلدىرەتىن مەرەكە. Infohub.kz مەديا-پورتالىنىڭ حابارلاۋىنشا، بۇل كۇن بارلىق مۇعالىمدەر، وقىتۋشىلار جانە وقۋشىلار ءۇشىن ءبىلىم بەرۋ سالاسىنداعى باستى وقيعالاردىڭ ءبىرى بولىپ تابىلادى.

 سوڭعى قوڭىراۋ كۇنىنىڭ ماڭىزى

سوڭعى قوڭىراۋ كۇنى – بۇل تەك مەكتەپ بىتىرۋشىلەر عانا ەمەس، سونىمەن قاتار مۇعالىمدەر ءۇشىن دە ەرەكشە كۇن. بۇل كۇنى ۇستازدار ءوز شاكىرتتەرىنىڭ ءوسىپ، دامىعانىن كورىپ، ولاردىڭ جەتىستىكتەرىن ماقتان تۇتادى. تۇلەكتەر ءوز كەزەگىندە مەكتەپ قابىرعاسىندا العان بىلىمدەرى مەن تاربيەلەرى ءۇشىن العىس ايتادى.

قۇتتىقتاۋ سوزدەرى

قۇرمەتتى ۇستازدار! سىزدەر جاستاردىڭ بولاشاعىن جارقىن ەتىپ، بۇگىنگى كۇندى جەمىستى ەتەتىن ءبىلىمنىڭ داندەرىن ەكتىڭىزدەر. سىزدەردىڭ ارقالارىڭىزدا بولاشاق قوعامىمىز قالىپتاسادى.

مۇعالىمدەر – بۇل ۇرپاق تاربيەلەۋدەگى ەڭبەكتەرىڭىز ولشەۋسىز. ءاربىر ۇستازدىڭ ەڭبەگى ەرتەڭگى جەمىستى كۇندەردىڭ كەپىلى بولىپ تابىلادى. سىزدەردىڭ تاربيەڭىز جانە ءبىلىم بەرۋىڭىز ۇرپاقتىڭ ءوسىپ، قالىپتاسۋىنا نەگىز بولادى.

ءمۇعالىم – بۇل تەك ءبىلىم بەرۋشى عانا ەمەس، سونىمەن قاتار شاكىرتتەرىنىڭ جەكە دامۋىنا قامقورلىق

جاسايتىن تۇلعا. سىزدەر شاكىرتتەردىڭ ومىردە دۇرىس باعىت تابۋىنا كومەكتەسەسىزدەر جانە ولاردىڭ جەكە باسىنىڭ قالىپتاسۋىندا ماڭىزدى ءرول اتقاراسىزدار.

تىلەكتەر

قۇرمەتتى ۇستازدار، سىزدەردىڭ شاكىرتتەرىڭىزدىڭ قۇرمەتى مەن ماحابباتىنا بولەنۋىڭىزدى تىلەيمىن. شىعارماشىلىق ىزدەنىستەرىڭىز جانە عىلىمي جاڭالىقتارىڭىز ارتا بەرسىن. مەرەكەلەرىڭىزبەن! مەرەيلەرىڭىز ۇستەم بولسىن!

قۇرمەتتى تۇلەكتەر، سوڭعى قوڭىراۋدىڭ ءۇنى سىزدەر ءۇشىن جاڭا باستامالاردىڭ بەلگىسى بولسىن. مەكتەپ قابىرعاسىنان شىعۋ ارقىلى سىزدەر ءومىردىڭ جاڭا كەزەڭىنە اياق باساسىزدار. بۇل كەزەڭ سىزدەر ءۇشىن تەك جەتىستىكتەرگە تولى بولسىن.

سوڭعى قوڭىراۋ كۇنى – بۇل تەك قانا مەكتەپ ءبىتىرۋ ەمەس، سونىمەن قاتار الداعى ۇزاق جانە جەمىستى ءومىر جولىنىڭ باسى. بارلىق مۇعالىمدەر مەن تۇلەكتەرگە وسى كۇنى قۋانىش پەن تابىس تىلەيمىن!

 

قۇرمەتتى ۇستازدار، تۇلەكتەر جانە اتا-انالار، ەڭ الدىمەن بارلىعىڭىزدى دا بۇگىنگى مەرەكەلى كۇنمەن قۇتتىقتاپ قويۋعا رۇقسات ەتىڭىزدەر!

مىنەكي، اراعا جىلدار لەگىن سالىپ، كەشە عانا ءبۇلدىرشىن بولىپ مەكتەپ تابالدىرىعىن اتتاعان ءبىزدىڭ ۇل-قىزدارىمىزدى جۇيرىك ۋاقىت تۇلەك ەتىپ ۇياسىنان ۇشىرعالى وتىر. مەكتەپ قاشاندا جاقسىلىق پەن ىزگىلىكتىڭ، پاراساتتىلىق پەن رۋحانياتقا تولى ويدىڭ، تانىم مەن تاربيەلى ىستەردىڭ ورداسى بولعان. ءبىزدىڭ پەرزەنتتەرىمىز دە وسىندا وتكىزگەن وقۋشىلىق ومىرلەرىندە وسىنداي ۇلاعاتتى ىستەردىڭ ۇشقىنىن بويىنا ءسىڭىردى، تالىمىمەن جۇرەگىن سۋاردى، بايىپتى باعدارىن باعىت ەتىپ ۇستاندى، ءبىلىمي كوكجيەگىن بويىنا دارىتتى. ءبىز ءار ءسات، ءار جىلدار سايىن ولاردىڭ بويىنداعى وسىناۋ ومىرشەڭ وزگەرىستەردى بايقاپ، ولارمەن بىرگە قۋاندىق، بىرگە ماقتاندىق. ەندى ولاردى وزدەرىنىڭ اسىل ۇياسى — مەكتەبى تۇلەك ەتىپ ۇشىرعالى وتىرعان كۇننىڭ دە كۋاسى بولدىق، بويىمىزدى تاعى دا اتا-انا رەتىندە ماقتانىش سەزىمى كەرنەپ وتىر. بۇل ءۇشىن مەكتەپ اناعا مىڭ العىس!

قۇرمەتتى ۇستازدار! ءبىزدىڭ بويىمىزداعى ءوز پەرزەنتتەرىمىزدىڭ قۋانىشىنان تۋىنداپ وتىرعان سەزىمدى سىزدەر جاقسى تۇسىنەسىزدەر. ويتكەنى سىزدەر وسىدان ساناۋلى جىلدار بۇرىن عانا مەكتەپ ەسىگىن اشقان ءبىزدىڭ كوزىمىزدىڭ اعى مەن قاراسىنداي پەرزەنتتەرىمىزدىڭ جاقىن ادامىنا اينالا ءبىلىپ ەدىڭىزدەر. ءبىز سىزدەرگە سەنىم ارتتىق. سىزدەر ءار كەزدە دە ءبىزدىڭ سۇيىكتى ۇل-قىزدارىمىزدىڭ بولاشاعىنا بىزبەن قاتار الاڭدادىڭىزدار، سول بولاشاقتىڭ باستى قارۋى بولىپ تابىلاتىن ءبىلىم اتتى اسىل كۇشتى ولاردىڭ بويىنا ءبۇلدىرشىن كەزىنەن باستاپ سىڭىرە بىلدىڭىزدەر. سىزدەر تاربيە مەن يماني قۇندىلىقتارعا نەگىزدەلمەگەن ءبىلىمنىڭ ءبىرجاقتى دۇنيە بوپ قالارىن جاقسى بىلگەن ەدىڭىزدەر، سوندىقتان دا ولاردىڭ بويىنا ۇنەمى رۋحانيات پەن ىزگىلىكتىڭ، ادامگەرشىلىك پەن ادام بولمىسىنداعى ەڭ اسىل قاسيەت — ىشكى مادەنيەتتىڭ شامشىراعىن جاعۋعا اسىقتىڭىزدار. ولارعا ءوز مەملەكەتى مەن قوعامىن جانە دە عاسىردان عاسىرلارعا جالعاسارلىق باي مادەنيەت قالىپتاستىرعان ءوز ۇلتىن ءسۇيۋدى، قاسيەتتى تاۋەلسىزدىگىن قۇرمەتتەۋدى ۇيرەتە الدىڭىزدار. قۇرمەتتى ۇستازدار، ءبىز وسى جولدا سىزدەرگە ەشقاشان دا وڭاي بولماعاندىعىن جاقسى تۇسىنەمىز. سىزدەر وسى ءبىر قاسيەتتى مىندەتتى ناق وسى زامانعى ولشەۋسىز ىستەرگە تولى، بۇگىنگى جاڭالىعى ءبىر ءسات ۋاقىت وتپەي-اق "ەسكىرىپ" جاتاتىن XXI عاسىر قوعامىندا، جاڭا عاسىر مەكتەبىندە ەڭبەك ەتىپ، اتقارىپ وتىرسىزدار. سىزدەرگە وزدەرىڭىزدەن بۇرىنعى زاماننىڭ تاماشا ۇستازدارى قالىپتاستىرىپ كەتكەن لايىقتى تاجىريبەلەردى ۇيرەنە وتىرىپ، ۋاقىت اعىمىنا جەدەل ىلەسە الۋ مىندەتى جۇكتەلدى. سىزدەر شىنىندا دا تاماشا ءداستۇر جالعاستىعىن ساقتاي ءبىلىپ، زاماناۋي بىلىممەن قارۋلانۋشىلاردىڭ ءوز قوعامدارىڭىزداعى العاشقى لەگىندە بولا الدىڭىزدار، ءوز عاسىرىڭىزداعى ءبىلىم بەرۋدىڭ سونى تاسىلدەرىن لايىقتى تۇردە بويعا جيناقتادىڭىزدار. سىزدەردىڭ وسىنداي ۇشان-تەڭىز ەڭبەكتەرىڭىز بەن توگىلگەن ماڭداي تەرلەرىڭىز بولاشاقتىڭ قارلىعاشتارى — ءبىزدىڭ سۇيىكتى پەرزەنتتەرىمىز ءۇشىن اتقارىلعاندىعىن ءبىز جاقسى تۇسىنەمىز. وسى ءۇشىن دە سىزدەرگە مىڭ العىس، ۇستاز!

ءبىز، بۇگىنگى اتا-انالار، ءبىر كەزدە ءوزىمىز دە شاكىرت بولدىق. ءومىر جولىمىزدىڭ ءاربىر ساتىندە ءبىلىم العان ىستىق ۇيامىز بەن ارداقتى ۇستازدارىمىز تۋرالى ءوز وتباسىمىزدا وتىرىپ، ءاردايىم دا سىر عىپ بولىسكەن ەدىك. ەندى ءبىزدىڭ بالالارىمىز دا وزدەرىنىڭ اتا-انالارى ءجۇرىپ وتكەن ناق وسى قاسيەتتى دە، ءداستۇرلى جولدىڭ جالعاستىرۋشىسى بولماق. ولار دا وزدەرىنىڭ الداعى ءومىر جولىندا وسىناۋ التىن ۇياسى مەن ءقادىرلى ۇستازدارى جونىندە سان مارتە ساعىنىشقا جانە ماقتانىشقا تولى سەزىممەن ەستەرىنە الاتىن بولادى. ءبىز وسىعان سەنەمىز.

قۇرمەتتى تۇلەكتەر! سەندەر ءبىزدىڭ بالالارىمىزسىڭدار. قازاقتا "اينالايىن" دەگەن قاسيەتتى دە ماعىناعا تولى جاقسى ءسوز بار. وسىناۋ عاجايىپ ءسوزدىڭ
ىشىندە ادامي جۇرەكتىڭ بارلىق ىزگىلىگى مەن مەيىرىمى شۇپىلدەپ تۇنىپ تۇرعانداي. بۇگىنگى قۋانىشتى ساتتە دە وزدەرىڭدى وقىتقان انا مەكتەپتەرىڭ ءوز
شاكىرتتەرىنە — تۇلەكتەرىنە ءدال وسىنداي مەيىرىممەن قاراپ تۇرعان سەكىلدى. ەندى ول ءوزىنىڭ قاسيەتتى قوڭىراۋىن سەندەر ءۇشىن عانا سوڭعى رەت سوقپاق. بۇل — وزدەرىڭ ءۇشىن قاعىلار ەڭ سوڭعى مەكتەپ قوڭىراۋى. وسى سەزىمگە لايىق بولىپ ءومىر سۇرىڭدەر. ءسات-ساپار!

******

سوڭعى قوڭىراۋ سىڭعىرى…
مەكتەپ ءبىتىرۋ كەشىندە ايتىلاتىن اق تىلەك

ۇلكەن ومىرگە قانات قاعىپ باراسىڭ. قاناتىڭ تالماسىن، بيىكتەرگە شىرقا! جوعارى وقۋ ورنىنا وقۋعا ءتۇسىپ، ستۋدەنتتىك ءداۋىردى قىزىقتى وتكىزىپ، ابىرويمەن بىتىرۋىڭە تىلەكتەسپىن. تاڭداعان ماماندىعىڭنىڭ مىقتى مامانى، كاسىپقويى بول! مەكتەپ ءومىرى ارتتا قالدى، الدىڭدا كۇتىپ تۇرعان جاڭا ءومىردىڭ باسپالداقتارىنان سۇرىنبەي وتە بەرۋىڭدى تىلەيمىز! 
 
*

كەشە عانا مەكتەپ تابالدىرىعىن اتتاعان سياقتى ەدىك، بۇگىن مىنە، ون ءبىر جىلدىڭ قالاي زۋلاپ وتكەنىن بايقاماي دا قالىپپىز.

قىمباتتى ۇستازدار! ون ءبىر جىل بويى بىزگە ءبىلىم مەن تاربيە بەرىپ، ۇلكەن ومىرگە دايىنداعاندارىڭىزعا ۇلكەن راحمەت! سىزدەردىڭ سەنىمدەرىڭىزدى اقتايمىز دەپ سەنەمىن.

ال، ون ءبىر جىل بويى بىرگە وقىعان سىنىپتاستارىم، سەندەردىڭ ەندىگى ومىرلەرىڭە تەك قانا ساتتىلىك تىلەيمىن. اڭساعان ارماندارىڭا قول جەتكىزىپ، ءار سالانىڭ مىقتى ماماندارى بولىپ ەلىمىزدىڭ كوركەيۋىنە ۇلەستەرىڭدى قوسا بەرىڭدەر!
 

اسا قۇرمەتتى وسىناۋ التىن ورداعا «تارىداي بولىپ كىرىپ، تاۋداي بولىپ شىققان»  مەنىڭ سىنىپتاس دوستارىم!
بۇگىنگى كۇنى ءبارىمىز ءوزىمىزدىڭ التىن ۇيامىزدان «ءومىر» اتتى ۇلى تاۋدى بەتكە الىپ ۇشىپ بارا جاتقانىمىزدا ايتار تىلەگىم: قايدا جۇرسەكتە، قايدا بولساق تا، قانشا جاسقا كەلسەك تە ءبىر-بىرىمىزدى ۇمىتپايىق.
مەنىڭ سىنىپتاس دوستارىم! سەندەرگە الداعى ۋاقىتتا تەك قانا ساتتىلىك جار بولسىن، جەتىستىكتەرگە قول جەتكىزىڭدەر، ومىردەن ءوز ورىندارىڭدى اداسپاي تابىڭدار! ءبارىڭ دە اق جولمەن اپپاق كوگەرشىن-ارماندارىڭا سۇرىنبەي جەتىڭدەر! ويتكەنى، ءبىز مەكتەپپەن قوشتاسىپ، ۇلكەن ومىرگە قانات قاعىپ بارامىز. ەندى ءبىزدى الدا ءومىردىڭ سان تاراۋ جولدارى كۇتىپ تۇر. سول جولدا ءاربىرىمىز باقىت ءۇشىن، ومىردەن لايىقتى ورىن الۋ ءۇشىن كۇرەسەيىك، دوستار! ال التىن ۇيا – مەكتەبىمىز بەن اياۋلى ۇستازدارىمىزدى جۇرەگىمىزدە ماڭگى ۇمىتپاي ساقتايمىز.
اياۋلى ۇستازدار! سىزدەر جاساعان ەڭبەكتەرىڭىز ءۇشىن شەكسىز العىس بىلدىرەمىز!

*

سىزدەردى سوڭعى قوڭىراۋ مەرەكەسىمەن شىن جۇرەكتەن قۇتتىقتايمىن! 

وسىدان 11 جىل بۇرىن تارىداي بولىپ مەكتەپ تابالدىرىعىن اتتاعان بالالار بۇگىن تاۋداي بولىپ ۇلكەن ومىرگە قادام باسىپ وتىر. 
ءار مەكتەپتە سوڭعى قوڭىراۋ مەرەكەسى – بۇل مەكتەپ تاريحىنا ەنەتىن كوڭىلدى ءارى قۋانىشتى وقيعا. 
تۇلەكتەر وزدەرىنىڭ ون ءبىر جىل ءبىلىم العان التىن ۇيالارىمەن قوشتاسسا، ۇستازدار وزدەرىنىڭ سۇيىكتى شاكىرتتەرىن ومىرگە قاناتتاندىرادى. 
بارشا جاس تۇلەكتەردى الدا ۇلكەن سىن كۇتىپ تۇر. بارلىقتارىڭا ۇلتتىق ءبىرىڭعاي تەستىلەۋدەن ابىرويمەن ءوتىپ، قازاقستانىمىزدىڭ بىلىكتى مامانى اتانۋلارىڭا تىلەكتەسپىن. ال مەكتەپتەگى العاشقى جىلدارىن ءساتتى اياقتاپ، ءبىرىنشى سىنىپتان ەكىنشىگە اياق باسقان جاس بۇلدىرشىندەر مەن بارلىق مەكتەپ وقۋشىلارىنا جازعى دەمالىستارىن جاقسى وتكىزىپ، كۇش جيناپ، جايدارى كوڭىل كۇيمەن جاڭا وقۋ جىلىنا ورالۋلارىڭىزعا تىلەكتەسپىن. 

 
سىزدەر بۇگىن مەكتەپپەن قوشتاسىپ، ۇلكەن ومىرگە جولداما العالى تۇرسىزدار. بۇگىن بارلىق قازاقستاندىق تۇلەكتەر ءۇشىن مەكتەپپەن قوشتاسۋعا ارنالعان اتاۋلى مەرەكە. ەلباسى نۇرسۇلتان ءابىش ۇلى نازاربايەۆ جاس ۇرپاق تاربيەسىنە، ءبىلىم بەرۋ ىسىنە ەرەكشە نازار اۋدارىپ، سىزدەردىڭ ساپالى ءبىلىم الىپ، ۇلكەن ازامات بولۋلارىڭىز ءۇشىن بارىنشا جاعداي جاساپ وتىر. سىزدەردىڭ وسى مەرەكەلەرىڭىز قازاقستان رەسپۋبليكاسى تاۋەلسىزدىگىنىڭ جيىرما جىلدىعى قارساڭىندا ءوتىپ وتىر. ەلىمىزدىڭ بولاشاعى – سىزدەردىڭ قولدارىڭىزدا. سوندىقتان دا قاي كەزدە دە تەرەڭ ءبىلىم الۋ جولىندا جالىقپاي، تالماي ىزدەنىپ، ەل تىزگىنىن ۇستايتىن ازامات بولۋلارىڭىزعا ىزگى تىلەگىمدى ارنايمىن. 


قوڭىراۋ ءۇنi. بۇل ءۇن بiلiم كەمەسi – مەكتەپ قابىرعا­سىنان شىققان ءاربiر ادامنىڭ قۇلاعىنا تانىس، جۇرەگiنە جاقىن. العاشقى قوڭىراۋ – بالالىق ارمانىڭدى جەتەلەپ، بiلiم الىپ، ماقساتىڭدى ايقىنداۋعا شاقىرسا، سوڭعى قوڭىراۋ ءۇنi – كامەلەتكە تولىپ، وڭ-سولىن تانىپ، قاناتتانعان بوزبالا مەن بويجەتكەندەردi ارمان بيiكتەرiنە ۇشىرىپ، ەڭ ۇلكەن ءومiر مەكتەبiنە شىعارىپ سالادى. سوڭعى قوڭىراۋ – وسىنداي قيماس قوشتاسۋ اۋەنi ءساتiمەن ىستىق. 
ەلىمىزدەگى يگiلiكتەردiڭ بارلىعى ەلدiڭ بولاشاعى – جاس ۇرپاقتىڭ كەلەشەگi جارقىن بولۋى ءۇشiن جاسالىپ جاتقانىن باياندادى. «اۋىلىنا قاراپ، ازاماتىن تانى» دەگەن، سەندەر قايدا جۇرسەڭدەر دە تۋعان اۋىلىمىزداي سىندى كەلەشەگi كەمەل، ءورiسi كەڭ قۇشاقتان شىققاندارىڭدى ۇمىتپاۋعا، تۋعان جەر، وسكەن ورتالارىڭدى ماقتان ەتۋگە تيiسسiڭدەر. تۋعا جەرىمىزدىڭ مارتە­بەسiن ارتتىراتىن سەندەرسiڭدەر، جاس تۇلەكتەر! قادامدارىڭا ءساتتi ساپار، ءومiرلەرiنە قۇتتى قادام تiلەيمىز 


جىل سايىن تۇلەكتەرىمىزدى ۇيادان ۇشىرار ساتتە 3 تىلەك ايتامىز. اۋەلى، ەلباسىمىز ايتقانداي ءۇش ءتىلدى جەتىك مەڭگەرىپ، رۋحاني باي، ءبىلىمدى ازامات بول دەيمىز. سوسىن ماپەلەگەن اتا-انا، بىلىمگە باۋلىعان ۇستازدارىن قادىرلەي ءبىلىپ، سولاردىڭ ءۇمىتىن اقتاۋعا شاقىرامىز. سوڭىندا، قاي جەردە بولسا دا شاكىرتتەرىمىز ەلىمىزدىڭ اتىن پاش ەتىپ، بيىكتەن كورىنىپ ءجۇرسىن دەپ تىلەك بىلدىرەمىن 

 
ون ءبىر جىل مەكتەپتە ۇزدىك وقىپ، اتا-انا مەن ۇستازدارىنىڭ قۋانىشى بولعان مەكتەپ ءبىتىرۋشى تۇلەكتەر – اۋدانىمىزدىڭ عانا ەمەس، ەلىمىزدىڭ دە ماقتانىشى. ولاردىڭ بولاشاعىنان ەل-جۇرتى ۇلكەن ءۇمىت كۇتەدى. اۋدانىمىز بويىنشا ۇزدىك وقىپ، ءبىلىم العان 15 تۇلەك «التىن بەلگىگە» جانە 2 تۇلەك «ەرەكشە ۇلگىدەگى اتتەستاتقا» ۇمىتكەر بولسا، ونىڭ بارلىعى دە ءوز بىلىمدەرىن دالەلدەي الدى. ولار ساپالى ءبىلىم، سانالى تاربيە بەرگەن ۇستازداردىڭ ەڭبەگىن ايالاپ-وسىرگەن اتا-انالارىنىڭ ءۇمىتىن اقتاپ، جۇزدەن جۇيرىك شىعىپ، «التىن بەلگى» يەگەرى اتانۋدا. بۇل – مەكتەپ بىتىرۋشىلەر ءۇشىن دە، ۇستازدار مەن اتا-انالار ءۇشىن دە قۋانىشتى، سالتاناتتى ءسات. 
بيىلعى جىلعى تۇلەكتەر ءتۇرلى دەڭگەيدەگى ءبىلىم باسەكەسىنە قاتىسىپ، جاقسى جەتىستىكتەرگە جەتتى. ءسويتىپ، ولار اۋدانىمىزدىڭ ءبىلىم سالاسىنداعى بەدەلىنىڭ ارتۋىنا وزىندىك ۇلەستەرىن قوستى. ەل ەرتەڭى، اقىلىنا ءبىلىمى ساي تاۋەلسىز ەلدىڭ جاستارى – سەندەرسىڭدەر. سوندىقتان دا جاۋاپكەرشىلىكتى تەرەڭ سەزىنىپ، ءارقاشان سەنىم بيىگىنەن شىعا بىلۋلەرىڭە تىلەكتەسپىن! 
قۇرمەتتى تۇلەكتەر، الداعى ۋاقىتتا تەك جاقسى جەتىستىكتەرىڭمەن، جوعارعى كورسەتكىشتەرىڭمەن قۋانتا بەرىڭدەر. مەن سەندەرگە اۋدان جۇرتشىلىعى اتىنان جوعارى ءبىلىمدى جاقسى ازامات، بىلىكتى مامان بولىپ، بولاشاقتا اۋدانىمىزدىڭ وركەندەۋىنە لايىقتى ۇلەس قوسادى دەپ سەنىم بىلدىرەمىن. ۇلكەن ءومىر جولىنا باستار قادامدارىڭ ءساتتى بولسىن! بارىڭە اق جول تىلەيمىن! 

توست-تىلەك پەن دوس-تىلەك كىتابىنان: 
كەشە عانا مەكتەپ تابالدىرىعىن اتتاعان سياقتى ەدىك – بۇگىن، مىنە، ون ءبىر جىلدىڭ قالاي زۋلاپ وتكەنىن بايقاماي دا قالىپپىز. 
قىمباتتى ۇستازدار! وسى جىلدار بويى بىزگە ءبىلىم مەن تاربيە بەرىپ، ۇلكەن ومىرگە دايىنداعاندارىڭىزعا العىسىمىز شەكسىز! سىزدەردىڭ سەنىمدەرىڭىزدى اقتايمىز دەپ ۇمىتتەنەمىن. 
ال، ون ءبىر جىل بويى بىرگە وقىعان سىنىپتاستارىم، سەندەردىڭ ەندىگى ومىرلەرىڭە تەك قانا ساتتىلىك تىلەيمىن.اڭساعان ارماندارىڭا قول جەتكىزىپ، ەلىمىزدىڭ كوركەيۋىنە ۇلەستەرىڭدى قوسا بەرىڭدەر!

*

ءبىزدىڭ قۇلاعىمىز ماڭگى كۇمبىرلەپ تۇراتىن كۇمىس قوڭىراۋدىڭ ەڭ العاشقى جارقىن ءۇنى مەن سوڭعى دا بولسا مۇڭدى، سالماقتى اسەم سىڭعىرى. ۇستازدارىمىزدىڭ قيماس سەزىمدەگى جانارى مەن مەكتەبىمىزدىڭ اق باتالى قارياداي بەينەسى ءبارىمىزدىڭ جۇرەگىمىزدە ۇلكەن ءۇمىت، نىق سەنىم ۇيالاتادى. 
ومىردەگى سارا جولدى كەشەگى شاكىرت ءبىز ناق وسى ساتتەگى تولقىنىستان، تەبىرەنىستەن، سەزىم ارپالىسىمەن باستايمىز. ارينە، قيمايمىز، كوزىمىزگە جاس تا الامىز. 
سىزدەرمەن قيماستىقپەن قوشتاسىپ تۇرىپ، ءالى دە تالاي ورەندەردى ءبىلىم نارىمەن سۋسىنداتىپ، قانات قاقتىرا بەرۋلەرىڭىزگە تىلەكتەسپىز!

*

كوزدەگەن مۇرات — ماقساتتارىنا قول جەتكىزىپ، ارماندارىڭ ورىندالسىن. كەلەشەگىڭ كەمەل، بولاشاعىڭ نۇرلى بولسىن. جۇرتقا جۇعىمدى، ەلگە سۇيكىمدى قالپىڭنان اينىماي، الدا تالاي اسۋ بەلەستەردى باعىندىرا بەر. 
جالعاندا جاماندىق كورمەي، ءومىرىڭ ۋايىم قايعىسىز ءوتسىن.

*

مەكتەپتى جاقسى ءبىتىرىپ، جوعارى وقۋ ورنىنا ءتۇسىپ، بيىك بەلەستەردەن كورىن. نۇرلى جول، دۋماندى شاق تىلەيمىز. 
كەۋدەڭە كۇن ورناسىن. اتا – انانىڭ قۋانىشى، شاڭىراعىڭنىڭ شۋاعى بول. جۇلدىزىڭ جانسىن. 

ءبىلىم نارىمەن سۋسىنداپ، اقىلدى ازامات، وتان سۇيگىشتىك رۋحتارىڭ مىقتى بولۋىن تىلەيمىز. ازاماتتىق جىگەرلەرىڭ مۇقالماسىن. اسقار شىڭداردى باعىندىرىڭدار. قونار تۇعىرلارىڭ بيىكتەي بەرسىن. 

اۋلەتىمىزدىڭ كىشكەنتايىن مەكتەپ تابالدىرىعىن اتتاعان قۋانىشتى كۇنىمەن قۇتتىقتايمىز. «تارىداي بولىپ كىرىپ، تاۋداي بولىپ شىق» دەي وتىرىپ، ساباعىڭ «4» پەن «5»-كە وقۋىن تىلەيمىز. 
اتا-اناڭنىڭ مەيىرىم-شاپاعاتىنا بولەنىپ، جارقىراعان التىنى، ەركەتاي ەلىگى، اق ساۋلە شاشقان ارايى بولىپ، امان-ەسەن ءجۇرسىن. بارلىق ىزگى ارماندارى ورىندالىپ، ءومىر جولى اشىق، بولاشاعى جارقىن بولىپ، ەگەمەندى ەلىمىزدىڭ دە بىلىكتى ازاماتى بولىپ وسە بەرسىن.

مەكتەپتى، بالام، ءبىتىردىڭ، 
سامعاتتى قيال عارىشقا. 
قاناتى ارمان قۇسىنىڭ 
اپارسىن سەنى الىسقا. 

كەشەگى شاكىرت بالا ەدىڭ، 
قارايسىڭ بۇگىن جىگىت بوپ. 
شارلاعان ارمان الەمىن، 
شىڭدارعا شىڭنان بيىكتەپ. 

وتانىڭ سيپاپ ماڭدايدان، 
اياماس سەنەن جاقسىسىن. 
ىزدە، تاپ، قيىر-شالعايدان 
ەلىڭە قاجەت ب ا ق قۇسىن. 

اسقارعا قولىڭ سوز بالام، 
بايگەگە ءتۇس تە، ب ا ق سىنا. 
نامىسقا تيەر وزباعان، 
قول سوعار جۇرتىڭ جاقسىعا. 

عىلىم قۋ، ەلگە ەت ەڭبەك، 
مامان بول قاجەت بىلىكتى 
ورەسى بيىك ەكەن دەپ، 
ماقتايدى جامپوز جىگىتتى. 

ءبىلىمدى باسقا جاستادىڭ، 
عىلىمدى ىزدەپ ءۇڭىلىپ. 
ومىرگە ساپار باستادىڭ، 
الدىڭدا كۇلىپ تۇر ءۇمىت. 

ومىردەن ەندى ءدارىس ال، 
ءبىلىم مەن ويدى قوسا ۇشتاپ، 
سامعاۋعا، بالام، بارىن سال، 
قاناتىڭ بولسىن اتتەستات. 

ءتۇسىنىپ ءجون مەن جوبانى، 
ەر جەتكەن جانسىڭ جەتەلى. 
شىڭداردا عانا بولادى، 
قىراننىڭ سالعان مەكەنى. 

*

ۇلكەن ومىرگە قانات قاعىپ باراسىڭ. قاناتىڭ تالماسىن، بيىكتەرگە شىرقا! جوعارعى وقۋ ورنىنا وقۋعا ءتۇسىپ، ستۋدەنتتىك ءداۋىردى قىزىقتى وتكىزىپ، ابىرويمەن بىتىرۋىڭە تىلەكتەسپىن. تاڭداعان ماماندىعىڭنىڭ مىقتى مامانى، كاسىپقويى بول! مەكتەپ ءومىرى ارتتا قالدى، الدىڭدا كۇتىپ تۇرعان جاڭا ءومىردىڭ باسپالداقتارىنان سۇرىنبەي وتە بەرۋىڭدى تىلەيمىز! 

 
كەشە عانا مەكتەپ تابالدىرىعىن اتتاعان سياقتى ەدىك، بۇگىن مىنە ون ءبىر جىلدىڭ قالاي زۋلاپ وتكەنىن بايقاماي دا قالىپپىز. 
قىمباتتى ۇستازدار! ون ءبىر جىل بويى بىزگە ءبىلىم بەرىپ، ۇلكەن ومىرگە دايىنداعاندارىڭىزعا ۇلكەن راحمەت! سىزدەردىڭ سەنىمدەرىڭىزدى اقتايمىز دەپ سەنەمىن. ال، ون ءبىر جىل بويى بىرگە وقىعان سىنىپتاستارىم، سەندەردىڭ ەندىگى ومىرلەرىڭە تەك قانا ساتتىلىك تىلەيمىن. 
اڭساعان ارماندارىڭا قول جەتكىزىپ، ءار سالانىڭ مىقتى ماماندارى بولىپ ەلىمىزدىڭ كوركەيۋىنە ۇلەستەرىڭدى قوسا بەرىڭدەر! 

 

اسا قۇرمەتتى وسىناۋ التىن ورداعا «تارىداي بولىپ كىرىپ، تاۋداي بولىپ شىققان» مەنىڭ سىنىپتاس دوستارىم! 

بۇگىنگى كۇنى ءبارىمىز ءوزىمىزدىڭ التىن ۇيامىزدان «ءومىر» اتتى ۇلى تاۋدى بەتكە الىپ ۇشىپ بارا جاتقانىمىزدا ايتار تىلەگىم: قايدا جۇرسەك تە، قايدا بولساق تا، قانشا جاسقا كەلسەك تە ءبىر-بىرىمىزدى ۇمىتپايىق. 

ءارقاشان جادىمىزدا ەسىمىمىزدى جاڭعىرتىپ جۇرەيىك. ويتكەنى تۋعان جەرىمىز ورتاق، ءتىلىمىز، ءدىنىمىز ورتاق، وقىعان مەكتەبىمىز، ۇستازدارىمىز ورتاق، زامانىمىز، قوعامىمىز ورتاق، ەڭ باستىسى التىن شاڭىراقتى، كۇمىس ۋىقتى، كيەلى كەرەگەلى ەلىمىز، ارمان – تىلەگىمىز ورتاق. سوندىقتان ءقادىرلى دوستار، قورقىت بابامىز ايتقانداي «قارا ورمانىمىز شايقالماسىن، قارا تاۋىمىز بۇگىلمەسىن، اققان داريامىز سارقىلماسىن، تۇركى دۇنيەسى تۇگەل بولسىن!» بۇل تىلەكتەر، سىنىپتاس دوستار، ءبىزدىڭ بويتۇمارىمىز بولسىن! 

بولسا دا وزگە جۇرەك، 
ادامعا ادام – تىرەك. 
سىنىپتاستار مىناۋ، 
سىزدەرگە ايتار تىلەك: 

دانا سۇيەر ەل بول، 
ار ويلاعان باي بول. 
ەڭ باستىسى، ادام 
اتىمىزعا ساي بول! 

 

قۇرمەتتى بۇگىنگى سالتاناتتى كەشكە جينالعان ءقادىرلى ۇستازدارىمىز، اتا-انالارىمىز جانە مەنىڭ قيماس دوستارىم! 

مىنە، ءبىز بۇگىن «تارىداي بولىپ كىرىپ، تاۋداي بولىپ شىققان» ىستىق ۇيامىز – مەكتەبىمىزبەن، ءبىزدى 11 جىل بويى وقىتىپ، تاربيەلەگەن اياۋلى ۇستازدارىمىزبەن قوشتاسقالى تۇرمىز. 

ەندى ءبىزدىڭ قۇلاعىمىز كۇمبىرلەگەن كۇمىس كوڭىراۋدىڭ ءۇنىن ەستىمەيدى. 

ەندى ءبىز ەڭ قىزىقتى ساتتەرىمىزدى وتكىزگەن مىناۋ مەكتەپتىڭ اۋلاسىندا جارىسا جۇگىرىپ، سىنىبىمىزداعى پارتالارعا تالاسا تارماسا وتىرمايمىز. 

ەندى ءبىز 11 جىل بويى ءبىزدىڭ «ەركەلىگىمىز بەن تەنتەكتىگىمىزدى» كوتەرگەن اپايلارىمىز بەن اعايلارىمىزدىڭ ساباقتارىندا وتىرمايمىز، تاقتاعا شىعىپ ساباق ايتپايمىز! 

ءبىز وسى مەكتەپتە ۇستازدارىمىزدىڭ تالىم-تاربيەسىن الا ءجۇرىپ بولاشاعىمىزدىڭ ىرگەتاسى – فۋندامەنتىن قالادىق. ءدال ءقازىر سول كۇندەرگە دەگەن سەزىمدى باستان وتكەرىپ مۇڭايساق تا، ەرتەڭگى بولاشاعىمىزدى ويلاپ جۇرەگىمىز ءلۇپىل قاعىپ تۇر! 

مەنىڭ سىنىپتاس دوستارىم! سەندەرگە الداعى ۋاقىتتا تەك قانا ساتتىلىك جار بولسىن، جەتىستىكتەرگە قول جەتكىزىڭىزدەر، ومىردەن ءوز ورىندارىڭدى اداسپاي تابىڭدار! ءبارىڭ دە اق جولمەن اپپاق كوگەرشىن ارماندارىڭا سۇرىنبەي جەتىڭدەر! ويتكەنى، ءبىز مەكتەپپەن قوشتاسىپ، ۇلكەن ومىرگە قانات قاعىپ بارامىز. ەندى ءبىزدى الدا ءومىردىڭ سان تاراۋ جولدارى كۇتىپ تۇر. سول جولدا ءاربىرىمىز باقىت ءۇشىن، ومىردەن لايىقتى ورىن الۋ ءۇشىن كۇرەسەيىك، دوستار! ال التىن ۇيا – مەكتەبىمىز بەن اياۋلى ۇستازدارىمىزدى جۇرەگىمىزدە ماڭگى ۇمىتپاي ساقتايمىز. 

اياۋلى ۇستازدار! سىزدەر جاساعان ەڭبەكتەرىڭىز ءۇشىن شەكسىز العىس بىلدىرەمىز! 

 

ۇستازدىڭ العىس تىلەگى. 

التىن ۇيا مەكتەپتىڭ تۇلپارلارى، ءدۇلد ۇلى – 
جۇلدىزدارى جۇرەكتىڭ جەتىلدىڭدەر ءبۇل كۇنى! 
ءبىرىڭ – حاكىم، ال ءبىرىڭ بولىڭىزدار عۇلاما، 
مىڭ داۋىسپەن سايراعان و، ءومىردىڭ بۇلب ۇلى! 

ءاتا-داستۇر بويىنشا ساتپايدى ۇلان سۇيەگىن، 
كۇي توگەسىڭ شاناقتان – جاقسى بولدى تيەگىڭ! 
قۇتتى بولسىن تويلارىڭ شاكىرتتەرىم، كوگەرشىن، 
بارلىعىڭدى كەۋدەمە باسىپ، قىسىپ سۇيەمىن. 

سەندەرسىڭدەر تىرلىكتىڭ جەلكىلدەگەن قۇراعى، 
ۇستازدارىڭ ارمانىن وزدەرىڭە ۇلادى! 
تويعا ۇلاسسىن تويلارىڭ – تۋ قاداڭدار بيىككە، 
جاقسى تۋعان جىگىتكە جات جۇرت كەلىپ تۇرادى. 

ورالىڭدار وتىزدىڭ ورتاسىنا تولعاندا، 
شۇكىرشىلىك ەتەمىز جەتسەڭدەر شىڭ – ارمانعا. 
ەل – جۇرتىڭ بار تىلەكتەس، جىعىلما ءومىر ەگەستە، 
ال سوڭدارىڭ اينالسىن قاراقۇرىم ورمانعا! 

كەشە عانا مەكتەپ تابالدىرىعىن اتتاعان سياقتى ەدىك – بۇگىن، مىنە، ون ءبىر جىلدىڭ قالاي زۋلاپ وتكەنىن بايقاماي دا قالىپپىز. 
قىمباتتى ۇستازدار! وسى جىلدار بويى بىزگە ءبىلىم مەن تاربيە بەرىپ، ۇلكەن ومىرگە دايىنداعاندارىڭىزعا العىسىمىز شەكسىز! سىزدەردىڭ سەنىمدەرىڭىزدى اقتايمىز دەپ ۇمىتتەنەمىن. 
تۇلەكتەر وزدەرىنىڭ ون ءبىر جىل ءبىلىم العان التىن ۇيالارىمەن قوشتاسسا، ۇستازدار وزدەرىنىڭ سۇيىكتى شاكىرتتەرىن ومىرگە قاناتتاندىرادى 
قىمباتتى مەنىڭ سىنىپتاس دوستارىم! بىزدەردى الدا ۇلكەن سىن كۇتىپ تۇر. بارلىقتارىڭا ۇلتتىق ءبىرىڭعاي تەستىلەۋدەن ابىرويمەن ءوتىپ، قازاقستانىمىزدىڭ بىلىكتى مامانى اتانۋلارىڭا تىلەكتەسپىن. سەندەرگە الداعى ۋاقىتتا تەك قانا ساتتىلىك جار بولسىن، جەتىستىكتەرگە قول جەتكىزىڭدەر، ومىردەن ءوز ورىندارىڭدى اداسپاي تابىڭدار! ءبارىڭ دە اق جولمەن اپپاق كوگەرشىن-ارماڭدارىڭا سۇرىنبەي جەتىڭدەر! ويتكەنى، ءبىز مەكتەپپەن قوشتاسىپ، ۇلكەن ومىرگە قانات كاعىپ بارامىز. ەندى ءبىزدى الدا ءومىردىڭ سان تاراۋ جولدارى كۇتىپ تۇر. سول جولدا ءاربىرىمىز باقىت ءۇشىن، ومىردەن لايىقتى ورىن الۋ ءۇشىن كۇرەسەيىك، دوستار! ال مەكتەپتەگى العاشقى جىلدارىن ءساتتى اياقتاپ، ءبىرىنشى سىنىپتان ەكىنشىگە اياق باسقان جاس بۇلدىرشىندەر مەن بارلىق مەكتەپ وقۋشىلارىنا جازعى دەمالىستارىن جاقسى وتكىزىپ، جايدارى كوڭىل كۇيمەن جاڭا وقۋ جىلىنا ورالۋلارىڭىزعا تىلەكتەسپىن. ال التىن ۇيا – مەكتەبىمىز بەن اياۋلى ۇستازدارىمىزدى جۇرەگىمىزدە ماڭگى ۇمىتپاي ساقتايمىز. اياۋلى ۇستازدار! سىزدەر جاساعان ەڭبەكتەرىڭىز ءۇشىن شەكسىز العىس بىلدىرەمىز!

كلاسس جەتەكشىنىڭ شاكىرتتەرىنە ايتقان تىلەگى: 
قىمباتتى تۇلەكتەرىم! 
سىزدەر بۇگىن مەكتەپپەن قوشتاسىپ،ۇلكەن ومىرگە جولداما العالى تۇرسىزدار! 
شاكىرتتەرىم، الداعى ۇلكەن سىن ۇلتتىق ءبىرىنعاي تەستىلەۋدەن ابىرويمەن ءوتىپ،قاي كەزدە دە تەرەڭ ءبىلىم الۋ جولىندا جالىقپاي ،تالماي ىزدەنىپ،ەل تىزگىنىن ۇستايتىن ازامات بولىڭىزدار! 
ۇلكەن ءومىر جولىنا باستار قادامدارىڭا ءساتتى ساپار ،ومىرلەرىڭە قۇتتى قادام تىلەيمىن! 
التىن ۇيا مەكتەپتىڭ تۇلپارلارى ،ءدۇلد ۇلى 
جۇلدىزدارى جۇرەكتىڭ جەتىلدىڭدەر بۇل كۇنى! 
بىرىڭ-حاكىم،ال ءبىرىڭ بولىڭىزدار عۇلاما 
مىڭ داۋىسپەن سايراعان و،ءومىردىڭ بۇلب ۇلى. 

كلاستاعى كومەكشىم،قولقاناتىم 
قاي ىستە دە قورىقپاي قولعا الاتىن. 
كلاسىمنىڭ ۇزدىگى،بەلسەندىسى 
شاكىرتتەرىم ايتقالى تۇر ارمان ءانىن. 

كلاسىمدا كوپ مەنىن دارىندىلار 
سپورت قۋعان،ونەر سۇيگەن جولىن بۇلار. 
اۋداندا دا،وبلىستا دا ۇزدىك شىققان 
جىگىتتەرىم شەتىنەن چەمپيوندار. 

شەتتەرىنەن ونەرلى قىزدارىم بار، 
بي دە بيلەپ،شىرقاتىپ ءان دە سالار. 
كلاسىممەن ءارقاشان ماقتانامىن، 
شاكىرتتەرىم ومىرلىك ەستە قالار. 

جولىڭ بولسىن، ارداقتى تۇلەكتەرىم، 
دۇرسىلدەپ سوعىپ تا تۇر كىپ — كىشكەنتاي جۇرەكتەرىڭ 
ءتالىمدى تاربيەمەن ءبىلىپ جيىپ 
جول جۇرگەلى تۇرسىڭدار، شاكىرتتەرىم. 

ۇمىتپاڭىز، التىن ۇيا مەكتەبىڭدى ، 
ۇستازىڭدى،بالالىق شاق كوكتەمىڭدى. 
ورىنداپ ماقسات-مىندەت،ارمانىڭدى 
جاساي بەر،تۋعان ەلگە ەڭبەگىڭدى

You Might Also Like