تانىساڭشى
بەيسەنبىگە بۇرىننان تانىس ءبىر دومبىراشى، ناعاشىسىنىڭ اۋىلىنا جولاۋشىلاي بارا جاتىپ، جول-جونەكەي ورىستە جاتقان جىلقىلاردى تاماشالاپ، ارالاپ جۇرسە، سىرتتاي كۇزەتىپ وتىرعان اۋىل ادامدارى ودان سەزىكتەنىپ ۇستاپ الادى دا، بيلەردىڭ الدىنا سۇراققا اپارادى. ءاسىلى، جىلقىلى اۋىل ونىڭ ناعاشىلارىنىڭ جاماعايىندارى بولسا كەرەك. بۇل كەزدە بەيسەنبى دە وسى اۋىلدا ەكەن. سۇراق ۇستىندە بەيسەنبى ۇرىعا بالانىپ وتىرعان دومبىراشىنى قيىن جاعدايدان قۇتقارۋ ءۇشىن، شابىتتانا قولىنا دومبىرا الىپ، ءبىر ءتۇرلى قوڭىر ىرعاقتى كۇي توگەدى. الگى دومبىراشى كۇي اۋەنىنەن «تانىساڭشى» دەگەن ىرعاقتى ايقىن ۇعىنادى. سونىمەن ول جالت بەرىپ: «ناعاشىلارىمنىڭ اۋىلىنا كەلىپ وتىرمىن، بۇلاردىڭ ءار قانداي جاقسى ءىسى مەنىڭ ماقتانىشىم، ارعىماق جىلقىلارىن كورگەندە قۋانعاننان كوز الماي قاراي بەردىم. مەنىڭ جاقسى نيەتىمدى جامانعا جورۋ جاراماس» دەيدى. سونىمەن ول سوزدەن ۇتىپ، قۇتىلىپ كەتەدى. وسىلايشا، ەل ىشىنە بەيسەنبىنىڭ «تانىساڭشى» كۇيى تاراپ كەتەدى.
You Might Also Like
-
ادام بالاسى ومىرگە ارمانداۋ ءۇشىن كەلەدى دەسەم قاتەلەسپەيمىن."ماڭگى لاۋلاپ جانۋ ءۇشىن عالامدا ۇلكەن ارمان كەرەك ەكەن ادامعا"دەپ مۇحتار شاحانوۆ اتامىز ايتقان.ادام بالاسىندا ارمان دەگەن كوپ ق...
-
ەرتەرەكتە التاي تاۋلارىندا بۇعى تەكتەس اشا تۇياقتى، كۇيىس قايىراتىن، تۇر-تۇلعاسى كوركەم، شوقتىعى بيىك، ءتۇسى كەر قىزىل بۇلان دەگەن اڭ بولعان. ءبىر كەزدە بەجەڭ اۋىلىنىڭ جىگىتتەرى قاناس وزەنىنىڭ بويىنان...
