تۇنگى الماتى تۇمانى اشىلعاندا،
الاتاۋعا اي كەلىپ اسىلعاندا
نۇر جانادى، اسپاننىڭ جۇلدىزدارى،
الماتىنىڭ ۇستىنە شاشىلعان با؟!
سۇيىسەدى كوشەلەر كوشەلەرمەن،.
ءبىر راقات سەزەسىڭ ەسەلەنگەن.
وسى سيقىر قالادا وسكەنىڭمەن،
تاڭداناسىڭ تۋريستەي كەشە كەلگەن.
ەمەن، تەرەك ەركىمەن قاۋىشادى،
قايىڭ مەنەي قاراعاش تانىسادى.
الاتاۋدان باستالعان اق بۇلاقتار،
الماتىعا جەتكەنشە جارىسادى.
الماتىعا جەتكەندە اڭ-تاڭ بولىپ،
ارىقتارمەن اقىرىن تارتار جولىن.
اشۋلانىپ ءبىر ساتتە تۇرا قالىپ،
اعىلادى اسپانعا فونتان بولىپ.
سۋدىڭ اتى - سۋ عوي، ول بۇعىنا ما،
تاۋ بۇلاعى كولشىككە تىعىلا ما؟!
سۋ ساۋلەگە ۇمتىلىپ، ساۋلە سۋعا،
اينالادى عاجايىپ شۇعىلاعا،
سوندا الماتى ۇقسايدى قۇبىلاعا.
ۇزاتىلار قىزدايىن ۇلپىلدەگەن،
شاقىراسىڭ نازىڭمەن، كۇلكىڭمەنەن...
...جوق!
الماتى - جۇرەگى الاتاۋدىڭ!
تاۋ ۇيقىعا كەتكەندە بۇلكىلدەگەن.

---