حاكەرلىك، پوكەر ويىنى ءھام 20 ميلليون دوللار
بۇگىنگى دامۋ مەن مادەنيەتتىڭ قالىپتاسۋىنا مىڭداعان عاسىر قاجەت بولدى. ميلليونداعان جىلدان تۇراتىن ارالىق پەن سوڭعى 30 جىلدى سالىستىرساق — سوڭعىسىنىڭ قارقىنى تيىمدىرەك بولعان. شيرەك عاسىردان استام ۋاقىت ارالىعىندا ادام بالاسى قارقىندى دامىپ وتىرعانى انىق. سوندىقتان «ءححى عاسىر — تەحنولوگيا ءداۋىرى» دەگەن تىركەس پايدا بولدى. ال وسى تۇجىرىمنىڭ قالىپتاسۋىنا بيلل گەيتس، ستيۆ دجوبس سەكىلدى الەمنىڭ وزگەرۋىنە ءوز ىقپالىن قوسقان تۇلعالاردىڭ ۇلەسى از ەمەس.
بيلل گەيتس جايلى قىزىقتى مالىمەت
ءبيللدىڭ كومپيۋتەرگە دەگەن قىزىعۋشىلىعى مەكتەپ كەزەڭىنەن باستاپ قالىپتاسقان. ءتىپتى ءبىر توپ سىنىپتاستارىمەن مەكتەپ كومپيۋتەرىن بۇزىپ، كىشىگىرىم حاكەرلىك ىسپەن دە اينالىسقان.
ول العاشقى تابىسىن وقۋشى شاعىندا تاپقان. ساباق كەستەسىنىڭ ەلەكتروندى نۇسقاسىن جاساپ، مەكتەپ باسشىلىعىنا 4200 اقش دوللارىنا ساتقان.
ەمتيحاندا جوعارعى بالل جيناپ (1600 ۇپايدىڭ 1590-ىن جيناعان) گارۆارد ۋنيۆەرسيتەتىنە تۇسكەن. دەگەنمەن ءدارىس تىڭداۋ ونى جالىقتىرىپ، وقۋدى تاستاپ كەتەدى. سودان سوڭ كومپيۋتەرلىك پروگراممالاردى جاساي ءجۇرىپ، پوكەر ويىنىمەن دە اۋەستەنگەن.
ۋنيۆەرسيتەتتە ساباق بەرەتىن پروفەسسورلاردىڭ بىرىنە «30 جاسىندا ميلليونەر بولاتىندىعىن» ايتقان. بيلل گەيتس 31 جاسىندا ميللياردەر اتانىپ ۇلگەردى.
ەگەر بيلل گەيتس باسقاراتىن Microsoft كومپانياسىن تۇتاستاي ءبىر مەملەكەت تۇرىندە قاراستىرساق، وندا ول ۇيىم تابىسى جونىنەن الەمدەگى 37 ء-شى ەل بولار ەدى.
كەي كۇندەرى گەيتستىڭ كۇندىك تابىسى 20 ميلليون اقش دوللارىنا دەيىن جەتەدى.
بيلل گەيتس وقۋعا كەڭەس بەرگەن كىتاپتار ءتىزىمى
«جاقسى يدەيالار قايدان الىنادى» اۆتورى: ستيۆەن دجونسون.
«ەينشتەيننىڭ اي سەرۋەنى: ونەر مەن عىلىم ءبارىن ەستە ۇستايدى» اۆتورى: دجوشۋا فوەر.
«الەمدەگى ەڭ مىقتى يدەيا» اۆتورى: ۋيليام روزەن.
You Might Also Like
-
لۋسيي اننەي سەنەكا — ريمدىك ءستويسيزمنىڭ (راسيوناليستىك فيلوسوفيالىق ءىلىم) وكىلى. ونىڭ ەڭبەكتەرى سان عاسىرلار بويى وقىلىپ كەلە جاتىر. ونى وقىعاندار بەكەرگە اۋرە بولىپ جاتقان جوق. كورنەكت...
-
عابيت ماحمۇت ۇلى مۇسىرەپوۆ — قازاق جازۋشىسى، مەملەكەت جانە قوعام قايراتكەرى. 1902 جىلى 22 ناۋرىزدا قازىرگى سولتۇستىك قازاقستان وبلىسى جامبىل اۋدانى ع.مۇسىرەپوۆ اتىنداعى اۋىلدا دۇنيەگە كەلگەن. ...
