عابيت مۇسىرەپوۆ
عابيت ماحمۇت ۇلى مۇسىرەپوۆ — قازاق جازۋشىسى، مەملەكەت جانە قوعام قايراتكەرى. 1902 جىلى 22 ناۋرىزدا قازىرگى سولتۇستىك قازاقستان وبلىسى جامبىل اۋدانى ع.مۇسىرەپوۆ اتىنداعى اۋىلدا دۇنيەگە كەلگەن. 1985 جىلى 31 جەلتوقساندا الماتى قالاسىندا دۇنيەدەن وتكەن.
ع.مۇسىرەپوۆ «قوس شالقار»، «تالپاق تاناۋ»، «شۇعىلا»، «انانىڭ اناسى»، «اشىنعان انا»، «انانىڭ اراشاسى»، «ەر انا»، «اقليما»، «ءومىر جورىعى»، «قىران جىرى» سياقتى اڭگىمەلەرى ارقىلى قازاق ادەبيەتىندەگى اڭگىمە جانرىنىڭ وركەندەۋىنە ۇلكەن ۇلەس قوستى. سونداي-اق جازۋشى «جاپون باللاداسى»، «ارقانىڭ اڭگىمەسى»، «كوزدىڭ اڭگىمەسى»، «تاستىڭ اڭگىمەسى» اتتى شىعارمالارىمەن حالىقارالىق تاقىرىپتا قازاق قالامگەرلەرىنىڭ اراسىنان ءبىرىنشى بولىپ قالام تارتتى. مۇسىرەپوۆتىڭ «تۋلاعان تولقىندا»، «كوك ۇيدەگى كورشىلەر»، «ءومىر ەرتەگىسى»، «العاشقى ادىمدار»، «ۇزدىكسىز ءوسۋ»، «تۋننەل»، «جايلاۋ جولىندا»، «تۇتقىن كىز»، «كەزدەسپەي كەتكەن ءبىر بەينە» سياقتى پوۆەستەرى مەن 1941-1945 جىلدارداعى ۇلى وتان سوعىسىنا ارنالعان «قازاق سولداتى»، تاريحي تاقىرىپتاعى «ويانعان ولكە» مەن «جات قولىندا»، «ۇلپان» اتتى روماندارى — شىعارماشىلىق جولىنداعى بەلەستى تۋىندىلارى.
كلاسسيك جازۋشىنىڭ «قىز جىبەك»، «قوزى كورپەش — بايان سۇلۋ»، تاريحتاعى بەلگىلى ادامدارعا ارنالعان «اقان سەرى — اقتوقتى»، «امانكەلدى»، «بولاشاققا امانات»، «قىپشاق قىزى اپپاق» اتتى درامالىق شىعارمالارىنىڭ دا ورنى ەرەكشە.
وقۋعا كەڭەس بەرەمىز:
عابيت مۇسىرەپوۆ شىعارمالارى
You Might Also Like
-
بۇگىنگى دامۋ مەن مادەنيەتتىڭ قالىپتاسۋىنا مىڭداعان عاسىر قاجەت بولدى. ميلليونداعان جىلدان تۇراتىن ارالىق پەن سوڭعى 30 جىلدى سالىستىرساق — سوڭعىسىنىڭ قارقىنى تيىمدىرەك بولعان. شيرەك عاسىردان ا...
-
عاريفوللا قۇرمانعالييەۆ — حح عاسىرداعى قازاق مۋزىكا مادەنيەتىنىڭ ەرەن قۇبىلىسى. «بۇگىنگىنىڭ مۇحيتى» اتانعان، ونداعان جىلدار بويى ول جالعىز ءوزى باتىس قازاقستاننىڭ كونە دە جوعارى ءدار...
