Қызылорда облысы,
Қазалы ауданы, Қазалы ауылы,
№9 Балауса балабақшасының тәрбиешісі
Алпысбаева Күміскүл Әбдіғаниқызы

Мектепалды даярлық тобы
Егеменді елім менің
Армысыздар ата-аналар және тәрбиешілер!
Бүкіл қазақ елінде тойланып жатқан Тәуелсіздігіміздің 20 жылдық мерекесімен құттықтаймыз!
Бүгінгі «Егеменді елім менің» атты мерекелік іс-шарамызға хош келдіңіздер!
Бүгініг ертеңгілігімізді ашып беру үшін сөзді балабақша меңгерушісі Ұ. Аширбековаға береміз.

Жүргізуші:
Ғасырлар бойы азаттықты аңсаған ата-бабаларымыздың тағдыры ауыр болған. Талай зорлық-зомбылықты, алапат қырғынды басынан кешірді, іргелі ел болуды аңсады. Бұл күнде егеменді ел болдық. Тәуелсіз Қазақстан мемлекеті көк туын желбіретіп, өзінің тарихи таңдауын жасады. Н. Ә. Назарбаев еліміздің тұңғыш президенті болып тағайындалды.
Ел халқының елбасына айналып
Шықтың қайта төр басына сайланып
Тәуекел деп абройға сүйенген
Қазағыма жетер дейсің қай халық
Көре алмайтын дұшпандарым күйінсін
Ардақтаған адал достар сүйсінсін
Тұғырына қайта қонды елбасым
Желбіретіп Тәуелсіздік жалауын

Хор: әнұран
Көрініс:
Түн. Кәдімгі түн. Миллиондаған түндердің бірі. Бірақ бұл ерекше түн еді. Себебі бұл түнде қаланың кез-келген тұсынан ұсталған жастарды ұрып-соғып, өлімші қалге жеткізді Азаттық жолында күрескен жастарды арашаламақшы болып жүргендердің арасында Қайрат Рысқұлов та бар еді.
Тергеуші:(Бейбарыс)- Кіріңіздер! (Қ. Рысқұловты алып кіреді)
- Рысқұлов ойланып келдің бе?
- Савицкииді өлтірген сен бе?
- Жоқ мен емес.
- Сен өлтірген.
- Жоқ мен емес.
- Мойныңа ал!
- Мен өлтірген жоқпын
Ой, ақымақ! Атыңдар, көзін құртыңдар! (Қайратты ұрып-соға бастайды)
Қайрат (Нұрдаулет):
Қайрат деген атым бар
Қазақ деген затым бар
Еркек тоқты құрбандық
Атамын десең атыңдар!
Тергеуші:Алып кетіңдер! Бәрібір құтылмайсың бұзақы
Ербол (Дамир):
Енді бұғаудан босатыңдар
Сәбира (Қ. Мерей):
Әділдік жоқ маңайда
Тұман басты бұл елді
Ләззат (Назым):
Біз қазақпыз, қазақпыз
өмір керек азапсыз
Ел боламыз егемен
Сонда ғана азатпыз
Жүргізуші:
Қазақстанда Тәуелсіздік үшін жастар қозғалысы 1986 жылы 17 желтоқсанда болды. Қайрат Рысқұлов, Ербол Сыпатаев, Сәбира Мұхамеджанова, Ләззат Асанова сияқты батырлар болмаса ел азаттығы үшін үлкен терлік жасамаса ел азаттығын алар ма еді. Міне мен –қазақпын деп еркін айтуға қол жеткізген Тәуелсіздігімізге же 20 жыл толды.

Хор: Желтоқсан желі
Нұрсауле:
Жас арудың жанарында-желтоқсан
Қанды ғасыр табанында –желтоқсан
Қаралы өмір қайыстырған-желтоқсан
Қара тұман қабағында-желтоқсан
Ақнұр:
Жауыздықты жасқаған да-желтоқсан
Жаңа ғұмыр бастаған да-желтоқсан
Жазықсыздың көз жасына жуынып
Абақтыға тастаған да-желтоқсан
Аяжан:
Толтырған гүлге даланы
Жайнатқан ауыл, қаланы
Ардақты атамекенім
Отаным-Қазақстан
«Достық»әні Қ. Мерей
Бейбарыс:
Биік болсын шоқтығың
Атыңды айтам ән қылып
Желбірейді көк туың
Төбемізде мәңгілік
Гүлсая:
Сарқылмайтын қуатым
Тірегімсің Қазақстан
Мәңгі соғып тұратын
Жүрегімсің-Қазақстан
Ж. Мерей:
Көк туымды қолыма
Бүгін берік ұстадым
Түсті бақыт жолына
Менің Қазақстаным
Айгөйлек биі Ақнұр, Бейбарыс, Мерей
Назым:
Желбірейді көк туым
Түсіндей боп көгімнің
Мерекелік бақ гүлі
Егеменді елім менің
Динара:
Көк байрақ, көк аспан
Алтын күн, нұр шашқан
әлемге танылған
Тәуелсіз Қазақстан
Қ. Мерей:
Бабамның да арманы
Осы еді ғой аңсаған
Тәуелсіздік таңдары
Бақ береді баршаға
Қазақ биі - Ақнұр, Назым
Үнді биі - Нұрила
«Ертегілер» биі - Назым, Дильназ, Ақнұр, Мерей
Хор: «Бейбітшілік сақталады»

Жүргізуші: Міне, құрметті қонақтар!
Мыңдаған жылдар тарихы бар Қазақстан өз тәуелсіздігін алып, бүгінде әлемге танылды. Қазақстан республикасы қазіргі кезде бай да бақытты Осындай мемлекетте тұратын біз де бақыттымыз. Олай болса Тәуелсіздігіміздің бақыты баянды болып жалғасын таба берсін деп бүгінгі мерекелік бағдарламамызды аяқтаймыз.