Ұйымдастырылған оқу іс-әрекетінің технологиялық картасы
Білімдік аймағы: Шығармашылық
Бөлімі: Жапсыру
Тақырыбы: Қысқы ағаш
Мақсаты: Б.м: Қысқы ағаштарды бұтағына, діңіне қарап ажырата білуге, ағаштар мен бұталарға қамқор болуды үйрету.
Д.м: Жұлмалап қию әдісін үйрету. Бейнені қағаз бетіне әдемі орналастыру тәсілдерін жетілдіру.
Т.м: Қоршаған ортаның әдемілігін сезімталдықпен түсіне білуге тәрбиелеу
Іс-әрекет кезеңі
Тәрбиешінің әрекеті
Бала әрекеті

Мотивациялық оятушылық № 10 «Жүрек жылуы» Далада күн суытқанымен біздің жүрегіміз ыстық мейірімге толы. Достарымыз бен жақын адамдарымызға өзіміздің жылуымызды бере аламыз. Балалар шеңберде қыстың ерекшелігін естеріне түсіреді, екі алақандарын алдымен жүректеріне қойып, соңынан жан-жақтарына жаяды

Ұйымдастырушылық ізденушілік - Тәрбиеші балалардан серуен кезінде не көргендерін сұрайды. Ағаштардың қысқы тіршілігіне назар аудартады.
(ағаштардың бұталары мен бүрлерінің орналасуына, түсіне қарайды)
- Ағаш қандай бөліктерден тұрады?

- Мына суретке қараңдаршы: бірінші жер астына ағашқа өмір беріп тұрған тамыры орналасқан. Мынау діңі. Діңінен жан-жаққа бұтақтары таралған, бұтақтары жіңішке, майысқақ. Бұтақтарынан жапырақтар өркен жаяды.
- Көрдіңдер ме, табиғаттағы барлық нәрсе бір-бірімен үндесіп байланысып жатады екен.
- Бұл ағаштардың бізге қандай пайдасы бар?

- Ағаштарды сындыруға, жапырақтарын жұлуға бола ма?
- Серуен кезінде ағаштардың түбіне қар үйінділерін үю керек.

- Табиғаттағы қыс кезіндегі өзгешеліктер жайлы әңгімелеседі.
- Олар қыста да тіршілік етуін тоқтатпайды.
- Тәрбиеші ағаштың бұтағын суға салып қояды, кейін ағаштың бүр жара бастағанын балалармен бақылайды.
- Балаларға жұмыс барысын түсіндіреді. Қағазды жұлмалап және қайшымен қию әдістерімен ағаш, бұтақтарды қиып жапсырады.
Балалардың жауаптары
- Тамыры, діңі, бұтағы, жапырағы
- Ағаштар сән береді, көлеңке береді, ауаны тазартады
- Жоқ, болмайды
- Ағаштың бұтақтарын қырау басқан. Дала аппақ. Күн суық.
- Бақылайды
Мақтадан қар, аспан бөліктерін әзірлеп жұмыс мазмұнын толықтырады.
Рефлексивті түзетушілік Ұ.о.іс-әрекеті соңында балалар өз жұмыстарын қызықтап, бір-біріне өз бағаларын береді.
Дидойын: «Тұқымына қарап ағашты тап»

Күтілетін нәтиже:

Нені біледі: Жыл мезгілінің ерекшелігіне байланысты қысқы ағаштың қандай болатынын білді
Білуі керек: Бейнені қағаз бетіне дұрыс орналастыра білуі керек
Түсіне біледі: Табиғаттың әсемдігіне, тамаша көріністеріне қамқорлықпен қарауды біледі