Тамара Асар әлеуметтік желіде сыншыларына жауап қайтарды. Бұл туралы infohub.kz сайты хабарлады.
Жақында әнші партияға кіріп, құрылтай жиналысына депутаттыққа кандидат болып тіркелді. Сондай-ақ ол аяқ-қолынан айырылған адамдардың мәселесін көтергісі келетінін айтты.
«Әншінің партияға кіруі және кандидат ретінде ұсынылуы қоғамда үлкен дүрбелең тудырды — бұл ерекше жағдай. Демек, белсенді пікір білдірушілердің түсінігінде өнер адамы саясат пен қоғамдық жұмыстан алыс болуы керек пе? Әлде әнші мамандығы соншалықты күшті ме, әлде жиіркенішті ме, бүкіл интернетті дүрліктіріп жатыр? Әр адамның жүрегінде саяси сұраныс бар — елге пайда келтіру, қоғамға қызмет ету ниеті. Ата-анадан алған тәрбие, жинақтаған білім, ғылыми дәреже, өмірлік тәжірибе — міне, мені партияның ұсынысын қабылдауға қолдайтын нәрселер! Сайлау науқаны енді басталды, партиялардың белсенділігі мен өтімділігі әлі нәтиже берген жоқ. Үгіт-насихат жұмысын ешкім бастаған жоқ. Кандидат — 100% депутат емес. Уақытынан бұрын айтылған асығыс пікірлер — бұл біреуге емес, өзіңе жасалған зорлық. „Жақсы десе қуанба, жаман десе күйінбе. Қуансаң — менменсіп кетесің, күйінсең — өзіңнен айырыласың“, — деп айтатын әкем. Құрметті отандастар! Қуанып, жақсы пікір білдіріп, құттықтағандарға зор алғыс! Ал құлақты кесіп, төбені тесіп, пост арнап, парағында орын бөліп, күнәларым мен қиындықтарымды өз мойнына алып, маған жол ашқандарға — мың алғыс. Сіздердің әрекеттеріңіз мені тек қана күшейтеді», — деп жазды әнші.