Қазақстан шекарасында қауіпті карантиндік объектілермен залалданған 113 тоннадан астам өнімнің әкелінуіне жол берілмеді. Иран мен Ресейден келген салат, арпа және қызанақ партиялары фитосанитариялық бақылау кезінде тоқтатылды, деп хабарлайды infohub.kz сайты.
Ауыл шаруашылығы министрлігінің мәліметінше, Маңғыстау облысындағы «Темір-Баба» автомобиль өткізу бекетінде Ираннан келген салмағы 9,9 тонна «Айсберг» салатының партиясынан батыс гүл трипсі (Frankliniella occidentalis) анықталды. Дәл осы қауіпті карантиндік зиянкес Ақтөбе облысындағы «Жайсан» бақылау бекетінде Ресей Федерациясының Орынбор облысынан келген көлемі 0,7 тонна «Айсберг» салатының партиясынан табылды.
Сонымен қатар, Ресей Федерациясынан әкелінген жалпы көлемі 100 тонна азықтық арпаның үш партиясынан ауыл шаруашылығы алқаптарына қауіп төндіретін карантиндік арамшөп — жорға марал (Acroptilon repens) анықталды.
Ақтөбе облысында Ресей Федерациясынан келген салмағы 3 тонна қызанақ партиясын тексеру кезінде мамандар бірден екі карантиндік объектіні анықтады: оңтүстікамерикалық қызанақ көбелегі (Tuta absoluta) және қызанақ жемісінің қоңыр бүдір вирусы (Tomato brown rugose fruit virus).
Аталған деректер бойынша хаттамалар толтырылып, материалдар сотқа жолданып, айыппұлдар салынды.