CNN телеарнасының дерегінше, АҚШ қарулы күштері Иранмен болған әскери қақтығыс барысында негізгі қарсы зымыран қорғаныс жүйелерінің қорын шамамен 80%-ға жұмсаған, деп хабарлайды infohub.kz.
Америкалық жоғары әскери шенділер Пентагонның оқ-дәрі қоры «қауіпті төмен деңгейде» екенін ескертуде. Әсіресе Иранмен соғыс кезінде негізгі әуе қорғаныс жүйелерінің қоры қатты сарқылған.
Жағдайдан хабардар екі дереккөздің мәліметінше, әскерилер THAAD кешенінің соғысқа дейінгі зымыран қорының төрттен үш бөлігін, ал Patriot жүйесінің ұстағыштарының жартысына жуығын жұмсаған. Иранмен қақтығысқа дейін АҚШ-та Patriot зымырандарының (ең заманауи екі модификациясы) шамамен 2200 данасы және THAAD зымырандарының 452 данасы болған — бұл бағаны Стратегиялық және халықаралық зерттеулер орталығы (CSIS) береді.
Парсы шығанағындағы АҚШ одақтастары да әуе қорғаныс жүйелерінің тапшылығы Иранның ықтимал жауап соққыларын тойтару қабілетіне қалай әсер етуі мүмкін екеніне жаңа алаңдаушылық білдірді. Айта кетейік, шілде айының соңында АҚШ қорғаныс министрі Пит Хегсет Иранмен қақтығыс шығындары 37,5 млрд долларды құрағанын мәлімдеген.