2026 жылдың бірінші жартысында Қазақстандағы әлеуметтік төлемдер көлемі 3,3 трлн теңгені құрап, 4,6 млн адамды қамтыды. Бұл туралы Еңбек және халықты әлеуметтік қорғау министрі Асқарбек Ертаевтың төрағалығымен өткен кеңейтілген отырыста белгілі болды. Отырыста жартыжылдық қорытынды шығарылып, жыл соңына дейінгі жоспарлар белгіленді, деп хабарлайды infohub.kz сайты.
Министр мемлекеттің әлеуметтік саясатты жүзеге асыруды жалғастырып, азаматтар алдындағы міндеттемелерді дер кезінде орындап жатқанын атап өтті. 2026 жылы әлеуметтік төлемдерге 6,8 трлн теңге көзделген. Ертаевтың айтуынша, басты міндеттердің бірі – төлемдердің тұрақтылығы мен халықты әлеуметтік қолдау шараларының тиімділігін одан әрі арттыру.
Отырысқа министрлік қызметкерлері, орталық және жергілікті атқарушы органдардың, комитеттердің, ведомстволық бағынысты ұйымдардың өкілдері, сондай-ақ Қоғамдық кеңес мүшелері қатысты.