Әлемнің үшінші ракеткасы, испаниялық Карлос Алькарас 2026 жылғы АҚШ ашық чемпионатындағы өнерін аяқтады, деп хабарлайды infohub.kz.
Ширек финалда спортшы ATP рейтингінде тоғызыншы орында тұрған америкалық Бен Шелтонмен кездесті. Матч максималды бес сетке созылып, оның төртеуі тай-брейкте аяқталды. АҚШ өкілі 6:7 (5:7), 6:1, 6:3, 1:6, 7:6 (10:7) есебімен жеңіске жетті.
Теннисшілер кортта 4 сағат 28 минут өткізді. Кездесу жергілікті уақыт бойынша таңғы 3:33-те аяқталды. Бұл US Open тарихындағы ең кеш аяқталған матч.
Шелтон мансабында екінші рет үйдегі Үлкен дулыға турнирінің жартылай финалына шықты. Ол финалға жолдаманы отандасы Фрэнсис Тиафомен сарапқа салады.
Алькарас болса, титулын қорғай алмады. Ол US Open-да өткен маусымда, сондай-ақ 2022 жылы жеңіске жеткен еді. Испаниялық үшін бұл турнир бес айға жуық уақыттағы алғашқысы болды. Оған дейін ол жарақатынан кейін қалпына келіп, «Ролан Гаррос» пен Уимблдонды өткізіп жіберген болатын.