Алматы тұрғындары мегаполистегі жанармай құю станцияларында автогаздың жетіспеушілігіне тап болды. Жүргізушілер көгілдір отынның кейбір АЖС-де бірнеше күннен бері жоқ екенін айтып шағымдануда, деп хабарлайды infohub.kz сайты.
Қазақстан Республикасы Энергетика министрлігі отынның аймаққа кідіріссіз жөнелтіліп жатқанын мәлімдеді. Тамыз айына Алматы үшін шамамен 6,5 мың тонна көзделген, қосымша тағы 1,5 мың тонна бөлінген. Алайда қала ішінде отынды бөлу жергілікті биліктің құзырында.
Әкімдікте жекелеген газ құю станцияларындағы уақытша шектеулердің себебі жеткізуші зауыттардың газды уақтылы тиемеуіне және тиісінше теміржол көлігімен жеткізудегі кідірістерге байланысты екенін түсіндірді. Бұл үзілістер қысқа мерзімді сипатқа ие.
«Шамамен екі-үш күн ішінде нарық толығымен қанығады, содан кейін қала бойынша үзілістер болмауы керек», — деп пікір білдірді Алматы қаласы кәсіпкерлік және инвестиция басқармасы басшысының міндетін атқарушы Жәнібек Шайдікерім.