Алматыда ауқымды блэкаут салдарынан бағдаршамдар өшіп, жолдарда үлкен кептеліс туды. Көмек күтпеген қала тұрғындары қиылыстарға өздері шығып, тәртіп орнатуға тырысуда, деп хабарлайды infohub.kz.
Әлеуметтік желілерде қала тұрғындарының өмірлерін қатерге тігіп, жұмыс істемейтін бағдаршамдардың орнына жол қозғалысын реттеп жатқанын көрсететін видеолар таралуда. Threads желісіндегі mashina.ourdoor атты қолданушы ашуланады: «Реттеу үшін патрульдік көліктер қайда? Жаппай жарық өшкендіктен, адамдар қиылыстарда өздері реттеуге шығып жатыр».
Тағы бір тұрғын, gera.iskander, қаладағы ауыр жағдайға шағымданады: «Алматыда тұру мүмкін емес болды. Электр қуаты үнемі өшіп, бағдаршамдар жұмыс істемейді. Қиылыстарда коллапс және өте қауіпті жағдайлар. Осы ыстықта үйге жаяу қайттым, себебі такси немесе автобуспен жүруге қорқамын. Бірақ басқарылмайтын жолдан өту де қауіпті. Еш жерде реттеушілер жоқ. Ал бүгін YE концерті де бар. Не болатынын елестетуге қорқамын, үйден шықпаймын».
Жағдай ыстық ауа райы мен алдағы концертке байланысты ушығып, жолдарда одан әрі хаосқа әкелуі мүмкін. Тұрғындар билікті жағдайды қалпына келтіру үшін шұғыл шаралар қабылдауға шақырады.