Алматыда қытай автокөліктерін сатумен айналысқан 40-қа жуық кәсіпкер 700 млн теңге жоғалтқанын айтып отыр, деп хабарлайды infohub.kz сайты.
Бизнесмендер Қытайдан автокөліктер сатып алып, оларды сату үшін Алматыдағы автосалондардың біріне тапсырған. Алайда көліктер сатылғаннан кейін ақша иелеріне түспеген.
Зардап шеккендердің бірі – Нұржан Боштай. Оның айтуынша, екі ай бұрын ол Changan CS55 Plus үлгісіндегі екі кроссовер әкелген. Көліктер салон арқылы сатылған, бірақ кәсіпкер 18 млн теңгесін ала алмаған.
Ер адамның сөзінше, оның көліктері қайта сатыла берген. Нәтижесінде бір көліктің иесі үш рет ауысқан, ал қазір ол кепілге қойылған.
Кәсіпкерлердің айтуынша, осыған ұқсас мәселеге 40-қа жуық сатушы тап болған. Олардың барлығы бір автосалонмен жұмыс істеген.
Кәсіпкерлер салон иесінің үш нүктесі болғанын, ал мұндай схема бір жылдан астам уақыт жұмыс істеуі мүмкін екенін айтады. Көліктер сатылғаннан кейін салон иесі байланысқа шықпай қойған. Олардың сөзінше, ғимараттың өзі екі апта бұрын мөрленген.
Зардап шеккендер полицияға жүгінгеннен кейін күдікті уақытша ұстау изоляторына қамалды. Аса ірі көлемде жасалған алаяқтық фактісі бойынша қылмыстық іс қозғалды. Қазір қылмысқа қатысы бар адамдардың тобы анықталуда.
Кінәсі дәлелденген жағдайда автосалон иесіне жеті жылға дейін бас бостандығынан айыру жазасы қауіп төніп тұр.
Бірақ кәсіпкерлер өз ақшалары мен көліктері үшін көбірек алаңдауда. Олардың көпшілігі көлік сатып алу үшін несие алған және қазір басқа табыс көзін іздеуге мәжбүр.
Бұған дейін Курсив Авто Алматыдағы Sanzhar Rulit автосалонының менеджері алаяқтық үшін алты жылға сотталғанын жазған.