Алматыдағы тұрғын үй реновациясы бағдарламасының операторы – Almaty Renovation компаниясы 2025 жылғы қаржылық қорытындылары туралы есеп берді, деп хабарлайды infohub.kz.
Компанияның таза пайдасы 94,5%–ке өсіп, 657,3 миллион теңгеден 1,28 миллиард теңгеге жетті. Бұл өсімге негізінен жалпы табыстың айтарлықтай артуы себеп болды: 49,4 миллион теңгеден 488,6 миллион теңгеге дейін.
Таза пайданың өсуіне Almaty Renovation компаниясының қаржылық кірістері ең көп үлес қосты, олар 504,8 миллион теңгеден 2,32 миллиард теңгеге ұлғайды. Олардың негізгі бөлігі – депозиттер бойынша сыйақылар: 2025 жылы 1,61 миллиард теңге болса, 2024 жылы 503,5 миллион теңге болған.
Сонымен қатар, қаражаттың айтарлықтай көлемі шығындардың өсуімен ішінара теңестірілді. Әкімшілік шығындар 484,3 миллионнан 656,2 миллион теңгеге дейін өссе, құнсызданудан болған шығын 194,2 миллион теңгеден 816,5 миллион теңгеге жетті.
Almaty Renovation активтері бір жылда 35,2%–ке өсіп, 137,49 миллиард теңгеге жетті. Міндеттемелер 8,4%–ке ғана артып, 57,64 миллиард теңгені құрады.
Бұған дейін 2026 жылы Алматыда 95 үй бұзылатыны хабарланған болатын. «Алматы қаласы тұрғын үйін реновациялау бағдарламасы–2030» аясында ескі тұрғын үйдің 204 иесі жаңа пәтерлерге көшіп үлгерді. Көшіруді Almaty Renovation «СПК «Алматы» және жеке инвесторлармен бірлесіп ұйымдастырады. Тұрғын үй «бөлмеге бөлме» қағидаты бойынша беріледі немесе бұрынғы пәтердің нарықтық құны бойынша ақшалай өтемақы төленеді.