Алматыда тұрғындар су берудегі үзілістерге тап болды. Себеп — электрмен жабдықтауға тәуелді сорғы жабдықтарының жұмысы, деп хабарлайды infohub.kz сайты.
«Алматы су» компаниясы электр қуаты өшірілген кезде сорғы станциялары қалыпты режимде жұмыс істей алмайтынын түсіндірді. Бұл су қысымының төмендеуіне, жоғарғы қабаттарда судың уақытша болмауына, сондай-ақ жекелеген үйлер мен шағын аудандарды сумен жабдықтаудағы үзілістерге әкелуі мүмкін.
Электр қуаты қалпына келтірілгеннен кейін сорғы станциялары іске қосылып, су беру біртіндеп қалпына келеді, деп атап өтті компанияда.
«Алматы су» тұрғындарға уақытша үзілістерді түсіністікпен қабылдау өтінішімен жүгінді.
Еске салайық, бұған дейін Шымкент тұрғындары электр қуатының үзілістері туралы хабарлаған болатын, ал Алматыда ауқымды блэкаут болды. Сондай-ақ Қырғызстан тұрғындары жаппай жарықтың өшуіне шағымданған еді.