Тарихи мұра, тірі табиғат, қазақ дәстүрі, музыка мен спорт «Алтын-Емел – құландар мекені» атты тұңғыш этно-тарихи фестивалінде тоғысады. Іс-шара 17 қазанда «Алтын-Емел» ұлттық паркіндегі Altynemel визит-орталығында өтеді. Ол Шеңгелді ауылынан 36 шақырым жерде, Қапшағайдың солтүстік жағасында орналасқан, деп хабарлайды infohub.kz сайты.
Мерекенің басты идеясы — дала табиғаты мен көшпелілер мәдениетінің бірлігі. Бағдарлама сағат 12:00-де құландарды табиғи ортасында бақылаудан басталады. Содан кейін көрермендерге көшпелілердің жауынгерлік дәстүріне арналған шоу ұсынылады: батырлардың «Қылыш айналдыру» және «Айбалта шоу» атты жалынды өнер көрсетулері.
13:30-да Шолақ тауларындағы петроглифтерге экскурсия басталады. Аң аулау көріністері, жабайы жануарлардың бейнелері, арба таңбалары және басқа да суреттер мыңжылдықтар арқылы ата-бабаларымыздың әлемін жеткізді. Сондай-ақ петроглифтер, Жетісу тарихы мен табиғаты туралы дәрістер жоспарланған.
Фестивальдің музыкалық бөлігінде этникалық музыканың нағыз жұлдыздары өнер көрсетеді: Arkaiym тобы, қобызшы Ләйлә Тәжібаева және шан-қобыз шеберлері.
Жас қонақтарды ойындар мен квесттер, ересектерді петроглиф салу, түркі руналары, экспедицияда аман қалу дағдылары, хенд-мейд және аспаздық шеберлік сабақтары күтеді. Барлығын «Қолөнер жәрмеңкесі» біріктіреді.
Спорт әуесқойлары үшін ерекше бағдарлама дайындалған: фестиваль күні таңертең Шолақ тауларының көркем табиғатында 10 және 5 шақырымдық жүгіру жарысы өтеді. Ол танымал алматылық суретші Санжар Жұбанов қашап салған жартас суреттеріне қарай жүреді.
Күні: 17 қазан 2026 жыл. Кіру тегін. Жүгіру жарысы 9:30-да, фестиваль 12:00-де басталады. Өтетін орны: Altynemel визит-орталығы, Қапшағайдың солтүстік жағасы (фестиваль күні визит-орталық жұмыс істейді).
Жүгіру жарысына тіркелу және спортшыларға трансфер сілтеме арқылы қолжетімді. Қонақтарға трансфер +7 707 976 7070 (WhatsApp) нөмірі бойынша алдын ала тіркелу арқылы беріледі, сол жерден анықтама да алуға болады. Қосымша ақпарат фестивальдің Instagram-аккаунтында.
Ұйымдастырушылар: Qazaq National Parks ЖШС, «Охотники за петроглифами» ҚҚ, «АЛТЫН ЕМЕЛ» мемлекеттік ұлттық табиғи паркі, Central Asian Sustainable Tourism Development Foundation, DDA креативті агенттігі, Жетісу облысы әкімдігінің және «Остров Крым» зертханасының қолдауымен.