Алматы облысында таулы аймақта жарақат алған Ресейдің екі азаматын эвакуациялау бойынша құтқару операциясы сәтті аяқталды. Оқиға Талғар ауданында болған. Сегіз адамнан тұратын туристік топ 3510 метр биіктікте орналасқан «Тоғызақ» биік таулы гидробекетінде көмек сұраған, деп хабарлайды infohub.kz.
ТЖМ мәліметінше, 25 жастағы қыз қорғаныс дулығасын кигеніне қарамастан, тас құлауынан бас жарақатын алған. 32 жастағы ер адам құлау кезінде қолын жарақаттаған, болжам бойынша, жарақат немесе сынық.
Күрделі таулы жер бедері, қою тұман, ұзаққа созылған жауын-шашын және ұшу биіктігіне қатысты шектеулерге байланысты хабарлама түскен сәтте авиацияны жедел қолдану мүмкін болмады. Сондықтан құтқарушылар зардап шеккендерге жаяу, Сол жақ Талғар шатқалымен жол тартты.
Таңертең құтқарушылар гидробекетке жетіп, туристерді тексерді. Ауа райы жақсарған соң, зардап шеккендер «Қазавиақұтқару» тікұшағымен «Медеу» алаңына эвакуацияланды, оларды ТЖМ Апаттар медицинасы орталығының бригадасы күтіп алды. Қосымша тексеру және медициналық көмек көрсету үшін туристер медициналық мекемеге жеткізілді.