Аргентина құрамасының жартылай қорғаушысы Леандро Паредес ұзақ мерзімге дисквалификацияланды, деп хабарлайды infohub.kz сайты.
32 жастағы спортшы 2026 жылғы әлем чемпионатының финалындағы оқиғадан кейін жазаланды. Испания құрамасымен матч аяқталған соң Паредес қарсылас команданың бірнеше ойыншысына шабуыл жасады. Халықаралық футбол федерациясының (ФИФА) тәртіптік комитеті футболшыны он матчқа дисквалификациялап, 90 мың доллар (ағымдағы бағам бойынша шамамен 41,5 миллион теңге) айыппұл салуды ұйғарды.
Аргентина құрамасының қорғаушысы Науэль Молина да осындай ақшалай жаза алды. Алайда оның мерзімі қысқарақ — жеті матчқа.
Аргентиналық шабуылшы Тьяго Альмада мен испаниялық жартылай қорғаушы Гави бір-бір ойыннан өткізіп жібереді. Оңтүстік Америка командасының бас жаттықтырушысы Роберто Айяла үш матчқа дисквалификацияланды. Үшеуі де 30 мың доллар көлемінде айыппұл алды.
Еске салайық, ФИФА тәртіптік комитеті әлем чемпионатының қорытындысы бойынша Аргентина футбол қауымдастығына да санкция салған болатын.