Астана тұрғыны Threads әлеуметтік желісінде елордадағы түнгі клубтардың бірінде болған жанжал туралы жазды. Оның айтуынша, белгісіз ер адам оның құрбысының бетіне стаканмен соққы беріп, кейін ішіне тепкен, деп хабарлайды infohub.kz.
Автордың айтуынша, мекеме күзетшілері оқиғаға араласпаған, ал оқиға орнына келген полицейлер көмек көрсетудің орнына шабуылға ұшыраған қыздың өзін айыптаған. Оның сөзінше, ер адамды алдымен шетке алып кеткен, бірақ кейін ол бардан кете алған. Осы уақытта төрт күзетші қыздарды кіреберісте ұстап тұрған. Полицияны зардап шеккендердің өздері шақырған.
Қыздың айтуынша, құқық қорғау органдары тарапынан көмек күткен олар түнгі мекемеде неге жүргендері туралы сұрақтарға тап болған. Полицейдің неліктен қыздардың жағында тұрмағанын сұрағанда, ол оған анасын, әйелін немесе әпкесін еске салған. «Керек болса, менің әйелім де ***** алады», — деп жауап берген полицей. Қыздың құрбысы шок күйінде болғандықтан, арыз жазудан бас тартып, тезірек кеткісі келген.
Threads-тегі оқиғаға елордалық Есіл ауданының полициясы пікір білдірді. «Бұл факт Есіл ауданының полиция басқармасында тіркелді, тексеру жүргізілуде. Тексеру нәтижелері бойынша Қазақстан Республикасының қолданыстағы заңнамасына сәйкес тиісті құқықтық баға беріліп, қажетті шаралар қабылданады», — деп хабарлады полиция. Сонымен қатар, жарияланымда көрсетілген мән-жайлар әзірге ресми расталған жоқ. Тексеру оқиғаның мән-жайын анықтап, полиция қызметкерлері мен мекеме күзетінің әрекеттеріне баға беруі тиіс.
Бұған дейін «Курсив» Ақтаудағы кафелердің бірінде болған жанжал бойынша сот процесі басталғанын жазған болатын. Сол кезде желіде бірнеше ер адамның қызға шабуыл жасап, біреуі оны шашынан тартып, еденге сүйреген видео тараған еді.