Қазақстан астанасында тағы да құрылыс краны құлады. Оқиға Нұра ауданындағы салынып жатқан тұрғын үй кешенінің аумағында болды, деп хабарлайды infohub.kz сайты.
Астана полиция департаментінің мәліметінше, кранның құлауына байланысты қылмыстық іс қозғалды. Оқиға салдарынан бір адам оқиға орнында қаза тапты, ал екі жарақаттанған ауруханаға жеткізіліп, қажетті медициналық көмек көрсетілуде.
Қоғамдық денсаулық сақтау басқармасының мәліметінше, мұнаралы кран №100 мектептің жанындағы салынып жатқан ғимараттың маңында, Көрғалжын тас жолында құлаған. Оқиға орнына жедел жәрдем бригадалары келді. Екі адам жарақаттарымен Ұлттық шұғыл медицина үйлестіру орталығына жеткізілді. Бір зардап шегушінің жағдайы ауыр, екінші пациент стационарда қажетті медициналық көмек алуда.
Қазіргі уақытта тергеу жүргізіліп, оқиғаның барлық мән-жайы анықталуда.
Еске салайық, 27 тамызда құрылыс жұмыстары кезінде де құрылыс краны құлап, салдарынан кран машинисі қаза тапқан болатын.