Халықаралық ғалымдар тобы магнетар маңында вакуумдық қос сыну құбылысын алғаш рет тіркеді. Бұл физиктің шамамен 90 жыл бұрын ұсынған кванттық гипотезасын растайды, деп хабарлайды infohub.kz сайты.
Суинберн технологиялық университетінің астрономдары Маркус Лоуэрдің жетекшілігімен 1E 1547.0-5408 магетарының — магнит өрісі өте күшті нейтрондық жұлдыздың сәулеленуін зерттеді. Бұл зерттеу Вернер Гейзенбергтің 1930-жылдары тұжырымдаған гипотезасының дәлелін ұсынды. Ол бойынша вакуум мүлдем бос емес, үнемі пайда болып, жоғалып отыратын виртуалды бөлшектермен толтырылған.
Кванттық электродинамика теориясына сәйкес, өте күшті магнит өрісі осы ортаға әсер етіп, жарықтың ол арқылы өту сипатын өзгертеді. Murriyang радиотелескопы мен IXPE ғарыштық обсерваториясын пайдалана отырып, ғалымдар магетардың рентгендік сәулеленуінің поляризациясының рекордтық деңгейін — 40%-дан 80%-ға дейін тіркеді.
Ngarrgu Tindebeek суперкомпьютерінде жүргізілген деректерді талдау жұлдыз полюстерінің бағдары вакуумдық қос сыну эффектісін бақылауға өте қолайлы екенін растады. Егер нәтижелер расталса, физиктер ғаламның экстремалды жағдайларында кванттық заңдардың әрекетін тексеруге арналған жаңа құрал алады.