Англияның екінші дивизионы — Чемпионшиптің 16-турында «Бернли» мен «Блэкберн Роверс» 2:2 есебімен тең түсті. Кездесу Бернлидегі «Терф Мур» стадионында өтті. Қазақстан құрамасының шабуылшысы Дастан Сатпаевсыз алаң иелерінің жеңіссіз сериясы жеті матчқа созылды, деп хабарлайды infohub.kz сайты.

Алаң иелерінің қақпасына бельгиялық вингер Ларджи Рамазани (28-ші минут) мен нидерландылық шабуылшы Джейдон Банел (51-ші) гол соқты. Қонақтар сапында исландиялық шабуылшы Андри Гудьонсен (31-ші) және пенальтиді дәл орындаған ағылшын жартылай қорғаушысы Тодд Кантвелл (74-ші) ерекшеленді.

Қазақстан құрамасының шабуылшысы Дастан Сатпаев «Бернли» өтінімдер тізіміне енбеді. Ол жарақатынан Лондонның «Челси» клубында емделіп, қалпына келуін жалғастыруда.

«Бернли» үшін жеңіссіз серия жеті матчқа ұласты. Команда жаңа бас бапкер — швейцариялық Фабио Челестини басқарғаннан бері әлі жеңіске жеткен жоқ. 11 ұпаймен «қызыл-күреңдер» 22-орында, яғни төменгі лигаға түсу аймағында тұр. «Блэкберн» 22 ұпаймен 13-сатыда келеді.