Канье Уэсттің жұбайы, аустралиялық сәулетші Бьянка Цензори ортақ балалы болу жоспарын уақытша кейінге қалдыру туралы шешім қабылдады. Себеп — рэпердің тұрақсыз мінез-құлқы мен оның отбасы айналасындағы үнемі жанжалдар, деп хабарлайды infohub.kz сайты.
2022 жылдың соңынан бері музыкантпен некеде тұрған Бьянка Цензори бұған дейін балалы болғысы келетінін білдірген еді. Алайда соңғы оқиғалар мен жұбайының көпшілік алдындағы әрекеттері оны бұл ниетінен қайта қарауға мәжбүр етті. Жұптың айналасындағы инсайдерлер бірнеше негізгі факторды атап өтеді: Каньенің эмоционалды тұрақсыздығы, баспасөздің қырағы назары және әртісгің провокациялық әрекеттері. Дереккөздердің айтуынша, Цензори Уэсттің өміріндегі тұрақты қысым мен берекесіздік жағдайында ана болуға дайын емес.
Отбасын жоспарлаудағы үзіліске қарамастан, жұп көпшілік алдында бірге көрініп, ортақ сән жобаларын жалғастыруда. Бьянканың достары оның Ким Кардашьянмен некеден туған рэпердің балаларымен жылы қарым-қатынаста екенін, бірақ өз баласын дүниеге әкелер алдында толық сенімділік алғысы келетінін айтады.