Канадалық нейробиологтар тек бір тілде сөйлейтін адамдармен салыстырғанда, билингвтер мен полиглоттардың миының ақ затының сапасы жоғары екенін анықтады, деп хабарлайды infohub.kz сайты.
Макгилл университеті мен Монреаль неврология институтының ғалымдары зерттеу нәтижелерін "Nature Communications" журналында жариялады. Нейробиологтар балалық шақтан 80-90 жасқа дейін бақыланған 469 қатысушының магнитті-резонанстық томография деректерін талдады.
Мамандар екі немесе одан да көп тілді үнемі қолдану нейропластиканы ынталандырып, мидың ақ затын жасқа байланысты деградациядан қорғайтынын анықтады. Бірнеше тілді меңгеру когнитивтік резервті дамытып, жүйке талшықтарының зақымдану қаупін азайтады.
Доктор Нейтан Спринг жетекшілік еткен жұмыс авторларының дерегінше, когнитивтік артықшылықтар адамның екінші тілді үйренген жасына қарамастан көрінеді. Нейробиологтар билингвизм нейродегенеративті патологияларды толығымен болдырмайтынын, бірақ миға зақымдануды ұзақ уақыт өтеуге көмектесетінін атап өтеді. Нәтижесінде полиглоттарда деменцияның алғашқы клиникалық белгілері орта есеппен 4-5 жыл кеш байқалады.