Қазақстандық теннисші Анна Данилина мен оның жапондық әріптесі Мию Като Монтеррейдегі WTA-500 турнирінде ширек финалда ресейлік-британдық Мария Козырева мен Майя Лимсден жұбынан 3:6, 7:6 (8:6), 3:10 есебімен ұтылып, жарысты аяқтады, деп хабарлайды infohub.kz.
Кездесу 1 сағат 36 минутқа созылды. Бірінші сетте қарсыластар басым түсті, ал екінші сетте Данилина мен Като тай-брейкте 5:6 есебімен ұтылып тұрып, қатарынан үш ұпайды иеленіп, партияны 8:6 есебімен өз пайдасына шешті. Супертай-брейкте қазақстандық-жапондық жұп сәтсіздікке ұшырап, 3:10 есебімен жеңіліп қалды. Жалпы ұпай статистикасы — 68:78, қарсыластардың пайдасына.
Монтеррей турнирінен кейін Данилина Нью-Йоркке аттанып, сербиялық тұрақты әріптесі Александра Круничпен қосылады. Крунич хорватиялық Мате Павичпен жұптасып, US Open-2026 аралас жұпта сәттілікке жете алмады.
Қазақстандықтар бұл турнирде микстке қатыспады. Александра Бубликтің әріптесі Винус Уильямс жарақатына байланысты жарыстан шығып қалды, сондай-ақ Тейлор Фритцпен жұптасуы тиіс Елена Рыбакина да қатыса алмады. Рыбакинаның US Open-2026 жеке сында ойнауы да Цинциннатиде алған ахилл жарақатына байланысты күмән тудырып отыр.
Дегенмен, американдық мейджорда бірде-бір матч ойнамаса да, Рыбакина тарихта тұңғыш рет әлемнің бірінші ракеткасы атануы мүмкін. Ол үшін US Open-2026 жеңімпазы Арина Соболенко, Джессика Пегула немесе Коко Гауфф болмауы керек.
АҚШ-тың ашық теннис чемпионаты — хардта өтетін жыл сайынғы «Үлкен дулыға» турнирі, күнтізбелік жылдағы төрт мейджордың соңғысы. Алғаш рет 1881 жылдың тамызында өткен US Open, екінші жыл қатарынан микст турнирінің кестесіне байланысты бір апта ерте басталады. Жалпы жүлде қоры — $108 млн — мейджорлар арасында рекордтық.
1978 жылдан бері матчтар Нью-Йорктегі Флашинг-Медоуз-Корона саябағындағы Билли Джин Кинг атындағы Ұлттық теннис орталығында өтеді. Қазіргі чемпиондар — испаниялық Карлос Алькарас пен беларусь Арина Соболенко.