Қазақстандық әнші Димаш Құдайберген қазан айына дейін концерттік қызметінде үзіліс жасайтынын, содан кейін жаңа әлемдік тур басталатынын мәлімдеді. Бұл туралы infohub.kz сайты хабарлайды.
Әртіс әлеуметтік желілерде ұшақ салонында түсірілген фотосуретін жариялап, Қарағанды тұрғындары мен қонақтарына жылы қабылдағаны үшін алғыс білдірді. 29 тамызда Димаш Кеншілер күніне арналған мерекелік концерттің хедлайнері болды.
«Бізді жаңа әлемдік тур күтіп тұр. Қазан айында кездесеміз. Дайындалуға кетемін... Бірден айтайын: ұшақты өзім ұшпаймын, уайымдамаңыз... тек аздап қана», — деп жазды әнші.
Айта кетейік, Димаш бір рет қазақ халық әнін аспанда орындау үшін ұшақты өзі ұшқан еді.
Жанкүйерлер түсініктемелерде таңданыстарын білдірді: «Толыққанды концерт бергеніңіз үшін рахмет. Қарағанды да, оның үстіндегі аспан да мұны естіді», «Ұшақ саған өте жарасады. Қарағандыдағы керемет концерт үшін рахмет! „Dimensions“ күтеміз», «Сәттілік, Димаш!».
Бұған дейін Димаш Қарағандыдағы өнері кезінде әпкесіне тосынсый жасағаны хабарланған болатын.